लूका 6:13 - ह्योल्‍मो

¹³ ओहले नाहम लाहङ फान्‍ज्‍यो स्‍याहप्‍च्‍यीया़ला क़े क्‍याहप नाङसीन, ओहले स्‍याहप्‍च्‍यीया़ नाहङला मेहन्‍दा च्‍यिङ्यी़ला दाम्‍दी ल़ेह-पेन ज़ो नाङसीन।

लूका 6:13 ပူးပေါင်းရင်းမြစ်များ

मत्ती 10:2

ओ़ह ल़ेह-पेन च्‍यिङ्यी़गी मिहन दिया़राङ यिहम्‍बा– तोहङस्‍योदी पत्रुस मिहन ज़्‍या़क्‍योगी सिमोन, ओहले सिमोनगी नो़ह अन्‍द्रियास, जब्‍दियागी पुह याकूब दाङ खोगी नो़ह यूहन्‍ना,

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मत्ती 9:36

मिह मिह-माहङला ज़ी़दी येशूगी थु निङज्‍यीगी काहङसीन च्‍यिबेमाना खुङया़नी कोहरोवा म़ेहबागी ल़ूहया़ ल़ेहमुराङ आला ख्‍याम्‍दी लिहते येहकें।

मर्कूस 6:30

ओहले ल़ेह-पेनया़ येशूसाला जोम ओहङसीन, ओहले राहङगी पेहक्‍योगी ल़ेह दाङ लोप्‍क्‍योगी लोप्‍च्‍युङया़गी तेहन्‍दाला थाम्‍ज्‍यीराङ येशूला स्‍य़ेसीन।

मर्कूस 6:7

ओ़ह ती़हजीला येशूगी राहङगी दाम नाङग्‍योगी स्‍याहप्‍च्‍यी च्‍यिङ्यी़ला क़े क्‍याहप्‍ती खुङया़ला मेहचाङा नाम्‍स्‍यीया़ तेन्‍गेन्‍गी ओङ नाङसीन, ओहले मेहन्‍दा ङ्यी़ ङ्यी़ पेहती युहल दाङ क्‍याहसाया़ला

लूका 11:49

ओ़ह सोङबे स्‍याहल थाम्‍ज्‍यीराङ ङोह ख्‍येन नाङगे किन्‍ज्‍योगी तोहङलेराङ सुङ नाङसीन, ‘ङाहगी खुङसाला लुहङतेम्‍बाया़ ओहले लेहङगु ख्‍येर्केया़ला ताङज्‍ये येह यिहॱनाङ खुङया़गी लाहलाला तुहक्‍पु तेर्च्‍ये येह, लाहलाला सेच्‍ये येह।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

लूका 6:14

ल़ेह-पेनया़गी मिहन दिया़राङ यिहम्‍बा– येशूगी सिमोनला पत्रुस माएँ मिहन ज़्‍या़ नाङसीन ओहले पत्रुसकी नो़ह अन्‍द्रियास, याकूब, यूहन्‍ना, फिलिप, बारथोलोमाइ,

यूहन्‍ना 4:33

दि स्‍याहल थे़दे स्‍याहप्‍च्‍यीया़गी राहङ नाहङदुङ ताम माज्‍ये छ़ूसीन, “सुज्‍यीगी लोबेनला छ्येच्‍ये से़हया़ ख्‍योङदी नाङबा नि च्‍यि यिहम्‍बा?”

ल़ेह-पेन 1:13

ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।

एफिसी 2:20

ओ़ह ज़िम्‍गाङदी ल़ेह-पेनया़ दाङ लुहङतेम्‍बाया़की ब्राम थो़ला छ्या़दी येहबा, ओ़ह ब्रामकी चा छ्येवा तोहदी मास्‍यीका येशू राहङराङ यिहम्‍बा।

एफिसी 4:11

ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

हिब्रू 3:1

ओ़ह सोङबे किन्‍ज्‍योगी क़े क्‍याहप नाङग्‍यो नाम्‍पार-ताहक्‍पा आदा-नो़ह दाङ आज्‍यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्‍यो येशू ङो़ले सेम ताङदोङ।

२ पत्रुस 3:2

काहल्‍ग्‍यो ती़हजीला नाम्‍पार-ताहक्‍पा लुहङतेम्‍बाया़गी नाङग्‍योकी लुहङ दाङ ख्‍या फे़बेया़की ल़ेह-पेनया़गी सुङ नाङग्‍योकी ओहराङ चो़वो दाङ थार्पा नाङगे मास्‍यीकाकी काया़ ख्‍याया़गी टेहम्‍बा साल कोहएँ।

ज्‍याल्‍गा 12:1

दि तिङले नामला याहम्‍जेम्‍बाकी ता़स्‍यी छ्यिम्‍बु च्‍यी़ थोङसीन। ओहले पी़हमी-पेहजा च्‍यी़ॱआङ थोङसीन, मोहगी ङ्यिहमाला काप्‍च्‍या ल़ेहमु पेहती योल्‍ग्‍यो येहकें ओहले मोहगी काङबा चो़ला दायुम दाङ मोहगी गो़ला कार्मा च्‍यिङ्यी़गी पेस्‍यो केहन्‍ग्‍यो येहकें।

ज्‍याल्‍गा 18:20

ए स्‍यिहङगामला ज़्‍य़ू नाङगेया़ थाम्‍ज्‍यी, मोह तोङदी काहल्‍ग्‍यो सोङबे क़ेहनाङ पेहतोङ! ए किन्‍ज्‍योगी मिहया़, ल़ेह-पेनया़ ओहले लुहङतेम्‍बाया़ ख्‍या थाम्‍ज्‍यी क़ेहनाङ पेहतोङ च्‍यिबेमाना मोहगी ख्‍याया़ला च्‍यि पेहपा, ओ़हगी छापला किन्‍ज्‍योगी मोहला ङ्य़ेहबा काल नाङदी येह।

ज्‍याल्‍गा 21:14

ओ़ह क्‍याहसाकी चिक्‍पागी ब्रामया़ च्‍यिङ्यी़ येहकें। ओ़ह थो़ला ल़ूह स्‍ये़बुकी ल़ेह-पेन च्‍यिङ्यी़दीॱराङ मिहनया़ प्री़हदे येहकें।