लूका 5:38 - ह्योल्‍मो

³⁸ “साम्‍बा कुहन्‍डुमकी-निङगु नि क्‍याल्‍बा साम्‍बालाराङ ल़ू कोहएँ

लूका 5:38 ပူးပေါင်းရင်းမြစ်များ

मत्ती 9:17

“ओ़ह ल़ेहमुराङ पेहती सुगीॱआङ निङबा को़बाकी क्‍याल्‍बाला साम्‍बा कुहन्‍डुमकी-निङगु मी़हलुएँ! का़हलेॱआङ लू़ॱराङ लू़सीमानानी को़बाकी क्‍याल्‍बा फोङदी कुहन्‍डुमकी-निङगुॱआङ पुङगे। ओ़ह सोङबे साम्‍बा कुहन्‍डुमकी-निङगुदी साम्‍बा को़बाकी क्‍याल्‍बालाराङ ल़ूगे ओहले ङ्यिकाराङ थोरो मेहन्‍डोएँ” म़ेदी सुङ नाङसीन।

लूका 5:37

“दि ल़ेहमुराङ, कुहन्‍डुमकी-निङगु साम्‍बा निङबा को़बाकी क्‍याल्‍बाला मी़हलुएँ ग्‍यिले। का़हलेॱआङ लू़सीमाना, साम्‍बा कुहन्‍डुमकी-निङगुगी को़बाला राल्‍गे, ओहले कुहन्‍डुमकी-निङगुॱआङ पुङगे।”

लूका 5:39

यिहन्‍ज्‍येनी सुगीॱआङ निङबा कुहन्‍डुमकी-निङगु थुङदी साम्‍बा कुहन्‍डुमकी-निङगु थुङज्‍ये सेम मेहबेकें। खोगी माएँ निङबाराङ स्‍यिहम्‍बु ओहङगे।” म़ेदी येशूगी सुङ नाङसीन।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

गलाती 2:4

स्‍या-ताककी तेहन्‍दाला दि तामया़ थेन्‍सीन, च्‍यिबेमाना काहजे चिहन क्‍याहप्‍केन्‍गी नो़हया़ ओहराङकी छो़बाया़ नाहङला खाजुम्‍बाला स्‍य़ूहदी ओहराङला मास्‍यीकागी जेती यहूदी छ्य़े-ठिमलेगी टोहल च्‍य़ू नाङग्‍यो मिहलीकी तेहन्‍दाला च्‍यिवा च्‍येच्‍ये छ़ूसीन ओहले ओहराङला यहूदी छ्य़े-ठिमकी लाबु-लामुया़ ज़ोज्‍ये छोल्‍सीन।

१ तिमोथी 4:8

च्‍यिबेमाना ज़ुबुगी तेहन्‍दाला च्‍याहङदार पेहक्‍योदीॱआङ या़हबु यिहम्‍बा यिहॱनाङ किन्‍ज्‍योला क्‍याहप्‍च्‍येला च्‍याहङदार पेहक्‍योदीनी च्‍यी़ला माना खेप्‍साङ ओहङगे यिहम्‍बा च्‍यिबेमाना दिगी ताहन्‍दा दाङ तिङमागी मिहली ङ्यिकाराङकी तेहन्‍दाला ताहम्‍ज्‍या ज़्‍या़क्‍यो ओहङगे।

ज्‍याल्‍गा 21:5

ओहले ज़्‍य़ू-ठिला ज़्‍य़ू नाङगेन किन्‍ज्‍योगी ङाहला सुङ नाङसीन, “त़ेदोङ, ता़ह ङाह थाम्‍ज्‍यीराङ से़हया़ साम्‍बा ज़ोएँ।” मिहरोगी ङाहला दि ल़ेहमुॱआङ सुङ नाङसीन, “दि प्री़हदोङ, च्‍यिबेमाना दि तेहन्‍दाम दाङ सेमले खाल ख़ूएँगी ताम यिहम्‍बा।”