22 ओहले येशूगी खुङगी सेमगी ताम ङोह ख्येन्दी सुङ नाङसीन, “ख्यागी च्यिबे दि रोहवा साम्लु ताङगे?
ओ़ह ताम येशूगी ङोह ख्येन्दी येशू ओहलेगी फेप नाङसीन, ओहले मिह माहङबुराङ येशूला ताहदा क्याहप्ती काहल्सीन, ओहले येशूगी खुङ थाम्ज्यीलाराङ टा़ह च्य़ू नाङसीन,
यिहॱनाङ खुङया़गी दि ल़ेहमु साम्लु ताङग्यो ङोह ख्येन्दी येशूगी खुङया़ला सुङ नाङसीन, “लुहङबाया़ राहङ नाहङदोङराङ ठ़ूस्यी सिहङदा पेहसीमाना ओ़ह लुहङबा खोराङॱराङ तोङदी डोज्ये येह। ओ़ह ल़ेहमुराङ क्याहसा क्यिनी खाङबा म़ेहमे राहङ नाहङदोङराङ ठ़ूस्यी सिहङदा पेहसीमाना ओ़हदीॱआङ तोङदी डोज्ये येह।
ओहले खुङगी सेमगी ताम ङोह ख्येन्दी येशूगी सुङ नाङसीन, “च्यिबे ख्याया़गी सेमला दि रोहवा साम्लु चोक्पा ताङगे?
खुङगी दि ल़ेहमु पेहती ताम माक्यो ङोह ख्येन्दी येशूगी खुङया़ला सुङ नाङसीन, “खुरा माहख्योङबा सोङबे माक्यो यिहम्बा म़ेदी ख्या च्यिबे म़े तेहकें? च्यि ख्याला क्यी़ह म़ेहबा? च्यि ख्यागी तोहरोङॱआङ ह्अ मा़हकेहबा? च्यि ख्यागी सेम तोहरोङॱआङ सान्दीॱराङ येहबा?
यिहॱनाङ येशूगी खुङया़ला सुङ नाङसीन, “ख्याया़ च्यिबे दि ल़ेहमु पेहते ज्यी़गे? ख्याया़गी सेमला च्यिबे दि ल़ेहमु थेचुम क्येक्यो?
येशूकी स्याहल थे़दी छ्य़े-ठिमकी लोबेन दाङ फरिसीया़गी, “किन्ज्योला स्ये़हन्डील पेहकेन दि मिहनी सु यिहम्बा? किन्ज्योगी मिहम्बानी लेहमेन सुगीॱआङ तिहक्पा ता़ह च्य़ू मी़ह ख़ूएँ” म़ेदी टी़हज्ये छ़ूसीन।
दि मिहला, ‘ख्येगी तिहक्पा ता़हसीन’ माज्ये दाङ ‘लाहङदी सोङ’ माज्येला का़हन्दी तेहमु ओहङडो, म़ेदोङ ले?
ओहजेला पत्रुसगी मासीन, “ए हननिया, नाम्पार-ताहक्पा थु ङ्याम्बु स्योप क्याहप्कें दाङ स्यिहङ चोङग्योगी टाङगा सिपाज्यी राहङ ङ्याम्बु ज़्या़गेन्गी ताम ती़ह गो-छ्येवागी काहन्डुमु पेहती ख्येगी सेमला काङ तेर्पा?
च्यिबेमाना किन्ज्योगी सुङ सोम्बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्गी पादाङ म़ेदीॱआङ नोम्बु येहबा। ओहले दिगी सो दाङ नाम्स्यीला ओ़हगी छी़ दाङ रेहको नाहङगी काङ थु तोल्गे ओहले सेम नाहङगी तामया़ दाङ सेम्बाया़ला दिगी ङ्याहम च्येती ताएँ।
मोहला तिङ ङ्या़गे थाम्ज्यीला ङाह तोङ च्य़ूज्ये येह ओहले थाम्ज्यीगी सेम्बा दाङ नोम्साङला ङ्याहम च्येकेन्दी ङाहराङ यिहन म़ेदी थाम्ज्यी छेन्छोकया़गी क्यी़ह ज्योर्च्ये येह। ङाह ख्या थाम्ज्यीला राहङ-राहङगी ल़ेहला ते़बे च्याहगा तेर्च्ये येह।