लूका 4:41 - ह्योल्‍मो

⁴¹ मिह माहङबुलेगीराङ ल्‍हेन्‍डीया़ थेन्‍दी डोएँमु, “राहङ किन्‍ज्‍योगी स़ेबु यिहम्‍बा!” म़ेदी क़े तेन्‍सीन। ओहले येशूगी ओ़ह ल्‍हेन्‍डीया़ला काप्‍क्‍येन नाङदी तामॱराङ मा च्‍य़ू माहनाङ, च्‍यिबे मासीमाना येशू किन्‍ज्‍योगी ताङ नाङग्‍योगी थार्पा थोप च्‍य़ू नाङगेन मास्‍यीका यिहन म़ेदी ओ़ह ल्‍हेन्‍डीया़गी ङोह स्‍ये़उ येहकें।

लूका 4:41 ပူးပေါင်းရင်းမြစ်များ

मत्ती 26:63

यिहॱनाङ येशूगी च्‍यिॱआङ सुङ माहनाङ। येहपाराङ पूजाहारी गो-छ्येवागी, “सोम्‍बो किन्‍ज्‍योगी छेनला ना क्‍याल्‍दी म़ेदोङ, च्‍यि ख्‍ये तेहम्‍बाराङ किन्‍ज्‍योगी स़ेबु मास्‍यीका यिहम्‍बा?” म़ेदी टी़हसीन।

मत्ती 4:3

ओहजेला ती़ह गो-छ्येवा येशूसाला ओहङदी, “तेहम्‍बाराङ राहङ किन्‍ज्‍योगी स़ेबु यिहन्‍सीमानानी दि तोहया़ला खुरा डोज्‍यु म़ेदी सुङ नाङदोङ ले!” म़ेदी मासीन।

मत्ती 8:16

नाहम से़ज्‍ये पेहकेमु मिहया़गी ल्‍हेन्‍डी स्‍य़ूहक्‍योगी मिहया़ला येशूसाला ख्‍योङसीन, ओहले येशूगी राहङगी स्‍याहलगीॱराङ ल्‍हेन्‍डीया़ला तेन नाङसीन, ओहले नेहपा थाम्‍ज्‍यीलाराङ टा़ह च्‍य़ू नाङसीन।

मत्ती 8:29

ओहले खुङ ङ्यी़गी क़े तेन्‍दी मासीन, “ओ़ किन्‍ज्‍योगी स़ेबु, राहङगी ङ्यिहला च्‍यि जे नाङज्‍ये म़ेदी फेप नाङग्‍यो? ठिम ताङगे ङ्यिहमा माहलेपालाॱराङ ङ्यिहला तुहक्‍पु नाङज्‍येला फेप नाङग्‍यो यिहम्‍बा?”

मत्ती 8:4

ओहले येशूगी खोला सुङ नाङसीन, “दि केच्‍या सुॱलाङ माहस्‍ये। यिहॱनाङ राहङला पूजाहारीसाला काहल्‍दी तेन्‍दोङ, ओहले मोशागी का तेरक्‍यो डेल्‍बा फुल्‍दी थाम्‍ज्‍यीला ख्‍ये टा़हक्‍योगी दास्‍यी तेर्तोङ” म़ेदी सुङ नाङसीन।

मर्कूस 1:25

यिहॱनाङ येशूगी ओ़ह ल्‍हेन्‍डीला काप्‍क्‍येन नाङदी सुङ नाङसीन, “खाजुम तेह, ओहले दि मिहलेगी थेन्‍दी सोङ!” म़ेदी सुङ नाङसीन।

मर्कूस 1:32

ओ़ह कुहङॱसे ङ्यिहमा डुप फान्‍ज्‍यो मिहया़गी नेहपाया़ दाङ ल्‍हेन्‍डी स्‍य़ूहक्‍योगी मिह थाम्‍ज्‍यीला येशूसाला ख्‍योङसीन।

मर्कूस 1:34

ओहले येशूगी यिहन्‍जे मिहन्‍जे नाहजाया़गी तुहक्‍पु तेरक्‍यो मिह माहङबुलाराङ टा़ह च्‍य़ू नाङसीन, ओहले मिह माहङबुराङलेगी ल्‍हेन्‍डीया़ तेन नाङसीन। येशू सु यिहम्‍बा म़ेदी ओ़ह ल्‍हेन्‍डीया़ला क्‍यी़ह येहकें ओ़ह सोङबे येशूगी खुङया़ला तामॱराङ मा च्‍य़ू माहनाङ।

मर्कूस 3:11

मेहचाङा नाम्‍स्‍यीया़ स्‍य़ूहक्‍यो मिहया़गी येशूला थोङ-लुहङ मे़हबाराङ येशूगी स्‍याहपला खेप्‍चु क्‍याहप्‍ती क़े तेन्‍दी, “राहङनी किन्‍ज्‍योगी स़ेबु यिहम्‍बा!” म़ेदी मासीन।

लूका 4:39

ओहले येशू नेहपागी पोहला फेप्‍ते छावाला काप्‍क्‍येन नाङसीन। ओ़हजेलाराङ मोहला छावागी ताङसीन, ओहले मोह लाहङदी खुङ फे़बेया़ला डोम्‍बो क्‍योङसीन।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!