लूका 4:23 - ह्योल्‍मो

²³ ओहले येशूगी सुङ नाङसीन, “ङाहला क्‍यी़ह येह, ता़हनी ख्‍यागी ङाहला दि पे ज़्‍या़दी माज्‍ये येह– ‘ए आम्‍ज्‍यी, तोहङले राहङगी राहङला टा़ह च्‍य़ूदोङ! राहङगी कफर्नहुम ठोमला छ्या़ले छ्यिम्‍बु जेक्‍योदी ङ्यिहगी थ़ेसीन। तेहम्‍बाराङ यिहन्‍सीमानानी राहङगी फायुला आङ ओ़ह ल़ेहमुराङ याहम्‍जेन छ्यिम्‍बु छ्या़ले जे नाङदोङ!’”

लूका 4:23 ပူးပေါင်းရင်းမြစ်များ

मत्ती 13:54

राहङ छारक्‍योगी ग्‍या़ला फेप नाङसीन। ओ़हला येशूगी छो़खाङला सुङदेन नाङसीन। येशूगी सुङदेन ङ्यिहन्‍गेनया़गी ह्‍अ ल़ेहदी मासीन, “दि ल़ेहमु रिहक्‍स्‍यी खोगी का़हलेगी ज्‍योर्पा यिहम्‍बानी? दि ल़ेहमु याहम्‍जेन छ्येवागी छ्या़लेया़ काहन्‍डुमु पेहती जे नाङगे यिहम्‍बानी?

मत्ती 4:13

यिहॱनाङ येशू नासरत क्‍याहसाला क्‍युर ज़्‍या़दी कफर्नहुम क्‍याहसाला ज़्‍य़ूज्‍येला फेप नाङसीन। कफर्नहुम क्‍याहसादी जबूलून दाङ नप्‍ताली साने़की छो-क्‍याहम्‍जोकी सुहरला येहकें।

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मर्कूस 6:1

ओहलेगी येशू राहङ छारक्‍योगी क्‍याहसाला फेप नाङसीन, ओहले स्‍याहप्‍च्‍यीया़ॱआङ येशू ङ्याम्‍बुराङ काहल्‍सीन।

लूका 2:39

चो़वो छ्येवागी छ्य़े-ठिमला पेह कोहएँ म़ेदी प्रुहक्‍योगी ल़ेह थाम्‍ज्‍यीराङ पेह सिहन फान्‍ज्‍यो योसेफ दाङ मरियम स़ेबुला ख्‍येर्ती गालील साने़की राहङगी युहल नासरतला लो़ह फेप्‍सीन।

लूका 2:51

ओ़ह तिङले येशू आबा-आमा ङ्याम्‍बु नासरतला लो़ह फेप्‍सीन, ओहले फामागी लोप्‍तामया़ सेन्‍दी ज़्‍य़ू नाङसीन। मरियमगीदी दि तामया़ टेहम्‍बा माहच्‍येहप्‍पा पेहती सेमला ज़्‍या़सीन।

लूका 4:16

ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।

लूका 4:31

ओ़ह तिङले येशू गालील साने़की कफर्नहुम माएँ क्‍याहसाला फेप नाङसीन। नाम्‍पार-ताहक्‍पा थाङ सोएँ ङ्यिहमु मिहरोगी मिहया़ला सुङदेन नाङगो येहकें।

लूका 4:35

ओहले येशूगी, “खाजुम तेह, ख्‍ये दि मिहलेगी थेन्‍दी सोङ!” म़ेदी खोला काप्‍क्‍येन नाङसीन। ओ़हजेलाराङ ल्‍हेन्‍डीगी ओ़ह मिहला मिहया़गी पाहरक्‍यीला च्‍यार-ताप क्‍याहप्‍ती, खोला च्‍यिॱआङ नाहन्‍दी माहताङबा पेहती, ल्‍हेन्‍डी ओ़ह मिहलेगी थेन्‍दी काहल्‍सीन।

लूका 6:42

राहङगी मी़ला गाल्‍बा स्‍य़ूहक्‍यो माहथोङ फान्‍ज्‍योनी ख्‍येगी नो़हला, ‘केरे, केरे, ख्‍येगी मी़ला स्‍य़ूहक्‍योगी जेम तेन्‍ज्‍ये!’ म़ेदी काहन्‍डुमु पेहती मा ख़ूएँ? ए ज्‍याप्‍ला तेन्‍गेनया़! तोहङले राहङगी मी़ला स्‍य़ूहक्‍योगी गाल्‍बा तेन्‍दोङ, ओहले ख्‍येगी नो़हगी मी़ला स्‍य़ूहक्‍योगी जेम तेन तेर्च्‍येला साल्‍बु थोङगे!” सुङदी येशूगी सुङ ख्‍येप्‍टा नाङसीन।

यूहन्‍ना 4:28

ओहले ओ़ह पी़हमी राहङगी साहङबुङ ओ़हलाराङ क्‍युर ज़्‍या़दी युहलला काहल्‍दी मिहया़ला मासीन,

२ कोरिन्‍थी 5:16

ता़ह यिहन्‍ज्‍यु ङ्यिह सुॱलाङ मिहगी फि ङो़ले च्‍यी़राङ मेहताएँ। ती़हजी च्‍यी़ला ङ्यिहगी मास्‍यीकाला मिहला ल़ेहमु पेहती ताक्‍यो येहकें, यिहॱनाङ ता़ह यिहन्‍ज्‍यु मिहरोला ओ़हठी पेहती ताज्‍ये म़ेह।