लूका 4:20 - ह्योल्‍मो

²⁰ ओहले येशूगी छ्य़े टिल्‍दी स्‍याहप्‍च्‍यी च्‍यी़ला नाङदी येशू ज़्‍य़ू नाङसीन। ओ़हला येहकें मिह थाम्‍ज्‍यीगी येशूला त़ेदी तेहक्‍यो येहकें।

लूका 4:20 ပူးပေါင်းရင်းမြစ်များ

मत्ती 26:55

ओ़ह तिङले येशूगी राहङला ज़ुङज्‍ये म़ेदी ओहङग्‍यो मिहया़ला सुङ नाङसीन, “च्‍यि ङाह च्‍याहक्‍पा यिहम्‍बा म़ेदी ने़उ दुबा? ङाहला ज़ुङज्‍ये म़ेदी प्रेहका दाङ पादाङ थो़दी ओहङग्‍यो? ङ्यिहमा-टाहङमाराङ छ्योखाङला तेहती ङाहगी मिहया़ला लोप्‍च्‍युङ तेर्केमु के लेह ख्‍याया़गी ङाहला ज़ुङ माहयोहङ!

मत्ती 27:60

ओहले ओ़ह कुबुरला ताहन्‍दा च्‍यी़राङ तोह-पा़रा फ्रिदी ज़ोक्‍योगी राहङदीराङ साम्‍बा फुक्‍पाला तो़हसीन ओहले तोह छ्यिम्‍बु च्‍यी़ लो़री क्‍याहप्‍ती फुक्‍पागी कोह का़ ज़्‍या़दी खो ओहलेगी थेन्‍दी काहल्‍सीन।

लूका 19:48

यिहॱनाङ खुङया़ला छ्या़ डी़राङ मा़हखु च्‍यिबेमाना मिह थाम्‍ज्‍यीगी येशूगी सुङदेन ज्‍यिबुराङ निङरु पेहती ङ्यिहन्‍गो येहकें।

लूका 4:17

येशूला यशैयागी प्रुहक्‍योगी छ्य़े टा़ह नाङज्‍येला फुल्‍सीन। ओहले छ्य़े खा फ़ेदी येशूगी दि ल़ेहमु प्रुहक्‍योगी ग्‍या़ तेन्‍दी टा़ह नाङसीन

लूका 4:21

ओहले येशूगी खुङया़ला सुङ नाङसीन, “ख्‍यागी ङ्यिहन्‍ग्‍योगी सुङरापगी सुङ तिहरीङ ङाहगी माएँ माएँमुराङ तेहन्‍दा डुप्‍ते येह!”

लूका 5:3

ओहले येशू सिमोन माएँ मिहगी टुह-छ्युङला ज़्‍य़ूदी, “टुह-छ्युङ छो सुहरलेगी याहम्‍बी फाच्‍ची ख्‍येर्तोङ” म़ेदी सिमोनला सुङ नाङसीन। ओहले टुह-छ्युङलाराङ ज़्‍य़ूदी छोगी सुहरला तेहक्‍योगी मिह मिह-माहङया़ला सुङ ख्‍येप्‍टा नाङज्‍ये छ़ूसीन।

यूहन्‍ना 8:2

ओहले नाहङबार च्‍युङ नाहम्‍सीमुॱराङ येशू छ्योखाङला लो़हदी फेप नाङसीन। ओहले मिह माहङबुराङ येशूसाला जोम ओहङसीन। ओहले येशू ओ़हला ज्‍यू़दे मिहया़ला सुङ ख्‍येप्‍टा नाङज्‍ये छ़ूसीन।

ल़ेह-पेन 16:13

ओहले छ्यु-चाङबु सुहरया़ला यहूदीया़की सोल्‍वाङ ताप्‍केन ग्‍या़ येहबा नि माएँ सेम क्‍ये़दी यहूदीगी थाङ सोएँ ङ्यिहमाला ङ्यिह ओ़हला काहल्‍सीन, ओहले ओ़हला छो़क्‍योगी पी़हमी-पेहजाया़ ङ्याम्‍बु तेहती ताम मासीन।

ल़ेह-पेन 3:12

दि थोङदी पत्रुसगी मिहया़ला मासीन, “ए इस्राएली आदा-नो़हया़, दि तामला राहङ फ़ेबेॱया ह्‍अ ल़ेहदी च्‍यिबे ङ्यिहला टोङे पेहती ज़ी़ नाङगे? च्‍यि ख्‍या फे़बेया़गी ङ्यिहगी दि मिहला राहङगी ओङ दाङ छ्य़ेसेमगी पेहती डो ख़ूएँ ज़ोक्‍यो यिहन म़ेदी ने़उ दुबा?