लूका 4:15 - ह्योल्‍मो

¹⁵ ओहले येशूगी छो़खाङया़ला फेप्‍ते सुङ ख्‍येप्‍टा नाङसीन, ओहले मिह थाम्‍ज्‍यीगीराङ येशूला तेपा फुल्‍सीन।

लूका 4:15 ပူးပေါင်းရင်းမြစ်များ

मत्ती 13:54

राहङ छारक्‍योगी ग्‍या़ला फेप नाङसीन। ओ़हला येशूगी छो़खाङला सुङदेन नाङसीन। येशूगी सुङदेन ङ्यिहन्‍गेनया़गी ह्‍अ ल़ेहदी मासीन, “दि ल़ेहमु रिहक्‍स्‍यी खोगी का़हलेगी ज्‍योर्पा यिहम्‍बानी? दि ल़ेहमु याहम्‍जेन छ्येवागी छ्या़लेया़ काहन्‍डुमु पेहती जे नाङगे यिहम्‍बानी?

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मत्ती 9:35

येशू क्‍याहसा क्‍याहसा दाङ युहल युहलगी छो़खाङया़ला सुङदेन ख्‍येप्‍टा नाङगेनॱराङ किन्‍ज्‍योगी क्‍याहल्‍सीकी तेहन्‍दाला या़हबु लेहङगुगी केच्‍याया़ स्‍ये नाङसीन, ओहले मिहया़दी नामे-नाजो नाहजाया़ दाङ नेहपाया़ला टा़ह-च्‍यू़ नाङसीन।

मत्ती 9:8

दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।

मर्कूस 1:39

ओहले येशू छो़खाङया़ला सुङदेन नाङगेराङ ल्‍हेन्‍डीया़ तेन्‍दी गालील साने़की थाम्‍ज्‍यी ग्‍या़या़ला कोरा क्‍याहप नाङसीन।

मर्कूस 1:45

यिहॱनाङ ओ़ह मिह काहल्‍दी राहङ टा़हक्‍योगी केच्‍या मिह थाम्‍ज्‍यीलाराङ स्‍य़ेसीन। ओ़ह केच्‍यागी पेहती येशू का़हन्‍दीॱआङ क्‍याहसाया़ला थाक-ताङदी स्‍य़ूह मा़हखु। ओ़ह सोङबे येशू यिङबु ग्‍या़या़ला ज़्‍य़ूज्‍येला फेप नाङसीन। यिहॱनाङ ओ़ह ग्‍या़ॱलाङ मिहया़ छ्यो़ ज़्‍यिलेराङ येशूसाला ओहङसीन।

लूका 13:10

ङ्यिहमा च्‍यी़ थाङ सोएँ ङ्यिहमु येशूगी छो़खाङला सुङदेन नाङगेराङ येहकें।

लूका 4:16

ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।