लूका 4:1 - ह्योल्‍मो

¹ ओहले येशू नाम्‍पार-ताहक्‍पा थुगी काहङदे यर्दन चाङबुलेगी लो़ह फेप्‍सीन। ओहले नाम्‍पार-ताहक्‍पा थुगी येशूला रिह-काम्‍बुला नोम फेप्‍सीन।

लूका 4:1 ပူးပေါင်းရင်းမြစ်များ

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

लूका 2:27

ओहले नाम्‍पार-ताहक्‍पा थुगी ठिती शिमियोनला छ्योखाङला नोम फेप्‍सीन। ओ़ह ती़हजीलाराङ छ्य़े-ठिम डुप च्‍य़ूज्‍येला मरियम दाङ योसेफ येशूला ख्‍योङदी छ्योखाङला लेप्‍सीन।

लूका 3:3

ओहले यूहन्‍ना रिह काम्‍बुलेगी थेन्‍दी यर्दन चाङबुगी पोहला येहकेन थाम्‍ज्‍यीराङ दे-खाम कोर्ती दि ल़ेहमु म़ेदी लोप्‍च्‍युङ तेर्सीन, “सेमगी स्‍या़बा पेहती तिहक्‍पा पाङदोङ, ओहले छ्युगी बप्‍तिस्‍मा लेहन्‍दोङ, ओहले किन्‍ज्‍योगी ख्‍यागी पेहक्‍योगी तिहक्‍पाया़ ता़ह च्‍य़ू नाङज्‍ये येह।”

लूका 3:38

केनानगी आबा एनोश, एनोशगी आबा शेत, शेतगी आबा आदम, ओहले आदमगी याहपती किन्‍ज्‍यो यिहम्‍बा।

लूका 4:14

ओहले येशू नाम्‍पार-ताहक्‍पा थुगी ओङ ज्‍योर्ती गालीलला लो़ह फेप नाङसीन। ओहले येशूगी तेहन्‍दाला साहर-सुहरकी थाम्‍ज्‍यीराङ दे-खामया़ला फेल्‍सीन।

लूका 4:18

“चो़वो छ्येवा किन्‍ज्‍योगी थु ङाह ङ्याम्‍बु ज़्‍य़ू नाङदी येह, प्राङबुया़ला या़हबु लेहङगु स्‍येतोङ सुङदी किन्‍ज्‍योगी ङाहला दाम्‍दी ताङ नाङग्‍यो यिहम्‍बा, ताहम्‍दी ज़्‍या़क्‍योया़ला स्‍यी़ तेर्च्‍येला, मी़ मेहथोङगेनया़ला मी़ थोङ च्‍य़ूज्‍येला, नेम्‍दी ज़्‍या़क्‍योया़ला लाहङ च्‍य़ूज्‍येला,

यूहन्‍ना 1:32

यूहन्‍नागी दि ल़ेहमु म़ेदी पाङबु तेर्सीन, “ङाहगी नाम्‍पार-ताहक्‍पा थुला दुङगुकुर ल़ेहमु जेती स्‍यिहङगामले माहर फेप्‍ते मिहरो थो़ला ज़्‍य़ू नाङग्‍यो थोङसीन।

यूहन्‍ना 3:34

च्‍यिबेमाना किन्‍ज्‍योगी ताङ नाङग्‍यो मिहगी किन्‍ज्‍यो लाहमलेॱराङ स्‍याहल सुङगे, च्‍यिबेमाना किन्‍ज्‍योगी मिहरोला राहङगी थु छे-मे़हबा माहङबु नाङदी येह।

ल़ेह-पेन 1:2

येशू राहङगीराङ दाम नाङग्‍योकी ल़ेह-पेनया़ला नाम्‍पार-ताहक्‍पा थु लाहमले का नाङ सिहन फान्‍ज्‍यो येशू स्‍यिहङगामला फेप नाङग्‍यो थु थाम्‍ज्‍यीराङ तामया़ तोहङमा छ्य़ेला प्री़हदी येह।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 8:39

छ्युले फिला थेन फान्‍ज्‍यो चो़वो छ्येवागी नाम्‍पार-ताहक्‍पा थुगी फिलिपला ज़ुङदी ख्‍येर नाङसीन, ओहले ओ़ह मिहगी फिलिपला येहपाराङ माहथोङ, ओहले खो ज्‍यिबुराङ क़ेहनाङ पेहती राहङगी लाहम स्‍य़ूहसीन।