लूका 3:22 - ह्योल्‍मो

²² ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

लूका 3:22 ပူးပေါင်းရင်းမြစ်များ

मत्ती 12:18

त़ेदोङ, ङाहगी दाम्‍ग्‍यो ङाहला स्‍याहप्‍तो स्‍युहएँगी मिह खोराङ यिहम्‍बा। ङाह खोला चेवा पेहकें, खो ङ्याम्‍बु ङाह ज्‍यिबुराङ सेम काहसो येह, ङाह राहङगी थु खो थो़ला ल़ू तेर्च्‍ये येह, ओहले खोगी थाम्‍ज्‍यीराङ क्‍यिहपा-क्‍यिहपागी मिहया़ला ठिम ताङगेन्‍गी तेहन्‍दाला प्रा साल्‍ज्‍ये येह।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 27:43

खोगी किन्‍ज्‍योला म़ेहबा पेहको येहकें ओहले ‘ङाहनी किन्‍ज्‍योगी स़ेबु यिहम्‍बा’ म़ेदी डोउ येहकें। का़हलेॱआङ किन्‍ज्‍योगी थुला ठुङदी येहसीमानानी ता़ह किन्‍ज्‍योगीॱराङ खोला थार च्‍य़ू नाङज्‍यु” म़ेदी मासीन।

मत्ती 3:13

ओहजे काहङला येशू गालील साने़लेगी यर्दन चाङबुला यूहन्‍नासाला बप्‍तिस्‍मा नोम्‍ज्‍येला फेप नाङसीन।

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मर्कूस 1:11

ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ काहसो येह।”

मर्कूस 1:9

ओहजे काहङला येशू गालीलगी नासरतले फेप नाङसीन, ओहले यूहन्‍नालेगी यर्दन चाङबुला बप्‍तिस्‍मा नोम नाङसीन।

मर्कूस 9:7

ओहजेला मुक्‍पा ओहङदी टिहप्‍सा छ्या़सीन ओहले खुङ फे़बेया़ला का़सीन। ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहम्‍बा, खोगी माक्‍यो ख्‍यागी ङ्यिहन्‍दोङ!”

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

लूका 4:21

ओहले येशूगी खुङया़ला सुङ नाङसीन, “ख्‍यागी ङ्यिहन्‍ग्‍योगी सुङरापगी सुङ तिहरीङ ङाहगी माएँ माएँमुराङ तेहन्‍दा डुप्‍ते येह!”

यूहन्‍ना 1:32

यूहन्‍नागी दि ल़ेहमु म़ेदी पाङबु तेर्सीन, “ङाहगी नाम्‍पार-ताहक्‍पा थुला दुङगुकुर ल़ेहमु जेती स्‍यिहङगामले माहर फेप्‍ते मिहरो थो़ला ज़्‍य़ू नाङग्‍यो थोङसीन।

यूहन्‍ना 12:28

ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 5:37

ङाहला ताङ नाङगेन याहप राहङगीराङ ङाहगी तेहन्‍दाला पाङबु नाङदी येह। मिहरोगी सुङ-क़े ख्‍याया़गी नाहमॱआङ थे़दे म़ेह, ओहले मिहरोगी कुसोला नाहमॱआङ थोङदी म़ेह।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

कलस्‍सी 1:13

मिहरोगी ओहराङला ना़-जुबेकी क्‍याहल्‍सीलेगी खा फे़ नाङसीन, ओहले राहङगी चेवा जे नाङग्‍योकी स़ेबुकी क्‍याहल्‍सी नाहङला ओहराङला पो नाङसीन।

१ पत्रुस 2:4

चो़वो साला स्‍यो। मिहरोनी सोम्‍बो तोह-पा़रा यिहम्‍बा। मिहया़गी मिहरोला मा-लोक पेहक्‍यो येहकें, यिहॱनाङ किन्‍ज्‍योगी ज़ी़लुलानी मिहरो दाम नाङग्‍यो दाङ ज्‍यिबुराङ चा़ छ्यिम्‍बु ज़्‍य़ू नाङदी येह।