लूका 3:11 - ह्योल्‍मो

¹¹ “छ्युबा ङ्यी़ येहकेन मिहगी छ्युबा म़ेहबा मिहला च्‍यी़ तेर्च्‍यु, ओहले तोप्‍च्‍या येहकेन मिहगी तोप्‍च्‍या म़ेहबा मिहला तोप्‍च्‍या तेर्च्‍यु” म़ेदी यूहन्‍नागी मासीन।

लूका 3:11 ပူးပေါင်းရင်းမြစ်များ

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

लूका 11:41

ख्‍यागी फार्को दाङ तेहर्माला येहकेन्‍गी से़हया़ प्राङबुया़ला तेर्तोङ, ओहले ख्‍यागी तेहन्‍दाला थाम्‍ज्‍यी चाङमा ओहङज्‍ये येह।”

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

लूका 19:8

यिहॱनाङ जखायसगी ह्‍ओप लाहङदी मासीन, “सेन नाङदोङ चो़वो ला़ह, ता़ह ङाह राहङगी क्‍युहगी बो फे़ प्राङबुया़ला के़हदी तेर्कें, ओहले लो़हलो मिहती टाङगा साहक्‍यो येहना खुङला बो ज़्‍यि ल्‍हा़मा पेहती लो़ तेर्कें।”

यूहन्‍ना 13:29

टाङगाकी खुमा यहूदा ङ्याम्‍बु येहकें सोङबे लाहलागी येशूगी खोला छ्येपागी तेहन्‍दाला कोहकें से़हया़ च्‍यिरा ङ्योहज्‍येला ताङग्‍यो यिहन्‍डो म़ेदी ऩेसीन ओहले लाहलागीती प्राङबुया़ला च्‍यिरा तेर्च्‍येला ताङग्‍यो यिहन्‍डो म़ेदी ऩेसीन।

ल़ेह-पेन 10:2

खो दाङ खोगी म़ेहमे थाम्‍ज्‍यीगीराङ किन्‍ज्‍योला म़ेहबा पेहती किन्‍ज्‍योगी ज्‍यिक्‍पाला तेहको येहकें। कर्नेलियसगी प्राङबु मिहया़ला सेम काहसो पेहती रो़हराम पेहको येहकें ओहले खो नाहम-माना किन्‍ज्‍योला सोल्‍वाङ ताप्‍को येहकें।

ल़ेह-पेन 10:31

सुङ नाङसीन, ‘ए कर्नेलियस, किन्‍ज्‍योगी ख्‍येगी सोल्‍वाङ सेन नाङदी येह ओहले ख्‍येगी प्राङबुया़ला पेहक्‍योगी रो़हराम ज़ी़ नाङदी येह।

ल़ेह-पेन 10:4

ओहले खो ज्‍यिबुराङ ज्‍यी़दी स्‍यिहङगामकी स्‍याहप्‍च्‍यीला या़हबु पेहती त़ेदी मासीन, “चो़वो छ्येवा सुङ नाङदोङ।” ओहले स्‍यिहङगामकी स्‍याहप्‍च्‍यीगी सुङ नाङसीन, “ख्‍येगी ताप्‍क्‍योगी सोल्‍वाङ दाङ प्राङबु मिहया़ला राहङगी सेम काहसो पेहती रो़हराम पेहक्‍योदी किन्‍ज्‍योगी ज़ी़ नाङदी येह।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

१ तिमोथी 6:18

खुङया़गी या़हबु ल़ेहया़ पेहच्‍यु, ल़ेह या़हबुया़ला छ्युक्‍पु डो ख़ूज्‍यु, ओहले सेम ज़ाङबु ओहङ ख़ूज्‍यु ओहले लेहमेन मिहया़ला तेर ख़ूज्‍यु।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।

याकूब 2:14

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, का़हलेॱआङ सुज्‍यीगी “ङाह तेहपा पेहकें” म़ेदी माज्‍येनी माएँ, यिहॱनाङ ल़ेहदी मेहबेसीमाना, दिगी च्‍यि फेन थो़बा ले? च्‍यि ओ़ह ल़ेहमु तेहपागी खोला थार च्‍य़ू ख़ूएँ ले?

१ यूहन्‍ना 3:17

जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?