लूका 24:41 - ह्योल्‍मो

⁴¹ यिहॱनाङ खुङया़ ज्‍यिबुराङ क़ेहनाङ लाहङदी याहम्‍जेनज्‍यी ने़दी यिह-छ्य़ेॱराङ मा़हखु। ओहले येशूगी, “ख्‍या ङ्याम्‍बु च्‍यिरा साहज्‍ये स़ेह येहबानी?” सुङदी टी़ह नाङसीन।

लूका 24:41 ပူးပေါင်းရင်းမြစ်များ

मर्कूस 16:11

ओहले मोहगी येशू सोम्‍बो ज़्‍याङ नाङग्‍यो दाङ राहङगी थोङग्‍योकी थाम्‍ज्‍यी केच्‍याया़ खुङया़ला स्‍येसीन। यिहॱनाङ खुङगी मोहगी तामला यिह मा़हछ्ये।

मर्कूस 16:13

खुङया़गीॱआङ ओहङदी दि केच्‍या लेहमेन स्‍याहप्‍च्‍यीया़ला स्‍येसीन। येहपाराङ स्‍याहप्‍च्‍यीया़गी खुङया़गी माक्‍यो तामला यिह मा़हछ्ये।

मर्कूस 16:14

ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

मर्कूस 8:7

ओहले खुङ ङ्याम्‍बु ङ्याह फेमा फेमाॱआङ सिपाज्‍यी येहकें। ओहले येशूगी ओ़ह ङ्याहगी तेहन्‍दाॱलाङ थुज्‍यी-छ्ये़ फुल्‍दी स्‍याहप्‍च्‍यीया़ला के़हदी तेर्तोङ म़ेदी सुङ नाङसीन।

लूका 24:11

यिहॱनाङ “ख्‍यागी माक्‍योगी तामनी कोह मे़हछ्येएँगी ताम यिहन!” म़ेदी खुङया़गी पी़हमी-पेहजाया़गी माक्‍यो तामला यिह मा़हछ्ये।

लूका 24:40

ओ़ह ल़ेहमु सुङ फान्‍ज्‍यो येशूगी खुङया़ला राहङगी छ्या़ दाङ स्‍याहप तेन नाङसीन।

लूका 24:42

खुङगी योक्‍योगी ङ्याह दुम्‍बु च्‍यी़ येशूला स्‍युहसीन।

यूहन्‍ना 16:22

ओ़ह ल़ेहमुराङ ताहन्‍दा ख्‍या ज्‍यिबुराङ ङ्याहङेन पेहकें, यिहॱनाङ ङाह ख्‍याला येहपाराङ थु ओहङज्‍ये येह, ओहजेला ख्‍यागी सेम क़ेहनाङगी काहङज्‍ये येह। ओहले ओ़ह क़ेहनाङ सुज्‍यीगीॱआङ ख्‍या लाहमले फ्रो़दी ख्‍येर ख़ूज्‍ये म़ेह।

यूहन्‍ना 21:5

ओहले येशूगी खुङया़ला सुङ नाङसीन, “ए नो़हया़, ख्‍यागी ङ्याह ज़ुङ खू़बानी?” ओहले खुङया़गी मासीन, “अहँ, ङ्याह च्‍यी़ॱआङ ज़ुङ मा़हखु लाह!”

ल़ेह-पेन 12:14

पत्रुसकी क़े ङोह स्‍य़ेदी मोह क़ेहनाङ लाहङदी कोहॱराङ खा मा़हफे़बा नाहङला छ्योङदी काहल्‍दी, “पत्रुस कोह ग्‍या़ला लाहङदी तेहक्‍यो दुबा!” म़ेदी मासीन।