लूका 23:9 - ह्योल्‍मो

⁹ ओहले खोगी येशूला ताम माहङबुराङ टी़हसीन यिहॱनाङ येशूगी खोला च्‍यिॱआङ ल़ेहन क्‍याहप माहनाङ।

लूका 23:9 ပူးပေါင်းရင်းမြစ်များ

मत्ती 27:12

पूजाहारी छ्यिम्‍बु दाङ यहूदीया़गी एल्‍डरया़गी येशूला माहङबुराङ ङ्य़ेहबा काल्‍ज्‍ये छोल्‍सीन। यिहॱनाङ खुङया़गी काहजे फातुर च़ूॱनाङ येशूगी च्‍यिॱआङ सुङ माहनाङ।

मत्ती 27:14

यिहॱनाङ येशूगी स्‍याहल च्‍यी़ॱआङ जोप क्‍याहप माहनाङ। दि थोङदी स्‍युहङ-पेन पोम्‍बो छ्यिम्‍बु ज्‍यिबुराङ ह्‍अ ल़ेहसीन।

मत्ती 7:6

“नाम्‍पार-ताहक्‍पा से़हया़ क्‍यिबुया़ला माहतेर। राहङगी मोतीया़ फा़या़गी दिनला माहक्‍युर, मिहन्‍सीमानानी खो राहङगी काङबागी ओ़ह से़हया़ला नेम्‍ज्‍ये येह ओहले फिर्च्‍या ल्‍होक लो़हदी ख्‍याया़ थो़ला च्‍योम ओहङज्‍ये येह।”

मर्कूस 15:5

यिहॱनाङ येशूगी च्‍यिॱआङ ल़ेहन क्‍याहप माहनाङ। दि थोङदी पिलातसला याहम्‍जेनज्‍यी ऩेसीन।

लूका 13:32

ओहले येशूगी खुङया़ला सुङ नाङसीन, “काहल्‍दी ओ़ह लिहन्‍दीला म़ेदोङ, तिहरीङ दाङ नाहङबार ङ्यिहमु ल्‍हेन्‍डीया़ तेन्‍गे ओहले मिहया़ला टा़ह च्‍य़ूएँगी ल़ेह पेहकें ओहले नाङ ङ्यिहमुदी ङाहगी ल़ेह सिहन्‍दा च्‍येकें।

लूका 23:10

पूजाहारी छ्यिम्‍बु दाङ छ्य़े-ठिमकी लोबेनया़ लाहङदी येशूला ला़ खाएँ थु फातुर च़ूज्‍ये छ़ूसीन।

यूहन्‍ना 19:9

ओहले खो येहपाराङ क्‍याहल-गाङ नाहङला स्‍य़ूहदी येशूला टी़हसीन, “ख्‍ये का़ह ग्‍या़दी यिहम्‍बा?” यिहॱनाङ येशूगी खोला च्‍यिॱआङ ल़ेहन क्‍याहप माहनाङ।

ल़ेह-पेन 8:32

ओ़ह मिहगी टा़हदी तेहक्‍योगी सुङराप दि ल़ेहमु येहकें, “मिहरो सेच्‍येला ख्‍येरक्‍योकी ल़ूह स्‍ये़बु ल़ेहमु ज़्‍य़ू नाङदी येहकें, पाहल प्रा़हगेमु खाजुम पेहती तेहकेन्‍गी ल़ूह ल़ेहमुराङ मिहरोगी राहङगी स्‍याहल खा फे़ माहनाङ।

१ पत्रुस 2:23

खुङया़गी मास्‍यीकाला स्‍ये़हन्‍डील पेहकेमुॱआङ मिहरोगी खुङला च्‍यिॱआङ ल़ेहन क्‍याहप माहनाङ। तुहक्‍पु खुर नाङगेमु मास्‍यीकागी खुङला क्‍यिम्‍बा च्‍याल्‍गेन्‍की ज्‍यी़-ङोर तेन माहनाङ। यिहॱनाङ सुलाॱआङ ङ्येम्‍बा-ङ्य़ेहरी जे माहनाङबा जेती ठिम ताङ नाङगेन किन्‍ज्‍यो थो़लाराङ मास्‍यीकागी म़ेहबा जे नाङसीन।