लूका 23:4 - ह्योल्‍मो

⁴ ओहले पिलातसगी पूजाहारी छ्यिम्‍बु दाङ जोम्‍ग्‍यो मिहया़ला, “ङाहगीनी दि मिहला ठिम ताङ कोहएँगी तेहन्‍दा च्‍यिॱआङ मेहथोङ दु” म़ेदी मासीन।

लूका 23:4 ပူးပေါင်းရင်းမြစ်များ

मत्ती 27:19

पिलातस ठिम ताङज्‍येला ठिम ताङगेन्‍गी ज़्‍य़ू-ठिला तेहक्‍यो येहकें। ओ़हजेलाराङ खोगी पी़हमीगी खोला दि ल़ेहमु म़ेदी लेहङगु ताङ चाहङसीन, “ओ़ह च्‍यिॱआङ क्‍येन म़ेहबाकी मिहला च्‍यिॱआङ जे माहनाङ च्‍यिबेमाना तिहरीङ नुहङमु ङाहगी खोगी तेहन्‍दाला मिलाम थोङदी ज्‍यिबुराङ तुहक्‍पु ङ्युहङसीन।”

मर्कूस 15:14

ओहले पिलातसगी, “खोगी च्‍यि ल़ेह चोक्‍पा पेहक्‍यो येहबा ले?” म़ेदी टी़हसीन। यिहॱनाङ खुङया़गी जेनॱराङ क़े तेन्‍दी मासीन, “खोला क्‍याहङस्‍यीङला च्‍याङ नाङदोङ।”

लूका 23:22

ओहले पिलातसगी येहपाराङ टी़हसीन, “च्‍यिबे, दि मिहगी च्‍यि ल़ेह चोक्‍पा पेहती येहबा? ङाहगीनी खोला सेॱराङ कोहएँगी ङ्य़ेहबा काल्‍ज्‍येला तेहन्‍दा च्‍यिॱआङ माहथोङ। टी़हसीन ता़ह ङाह खोला ताक्‍स्‍यु क्‍याहप्‍ती ताङ चाहङगे।”

यूहन्‍ना 18:38

पिलातसगी येशूला टी़हसीन, “तेहन्‍दाम च्‍यि यिहम्‍बा ले?” देजे म़ेदी खो फिला थेन्‍दी यहूदी गोबाया़साला काहल्‍दे मासीन, “ङाहगी दि मिहला फातुर च़ू कोहकेन्‍गी तेहन्‍दानी च्‍यिॱआङ मेहथोङ दु।

ल़ेह-पेन 25:25

खोला सेॱराङ कोहएँगी ल़ेह नोहरक्‍यो स्‍यी़हक्‍यो ल़ेहमुनी ङाहगी च्‍यिॱआङ च्‍य़ेह माहसीहन। ओहले खो खोराङगीराङ रोमी क्‍याहल्‍बु छ्यिम्‍बु साला ख्‍येर्तोङ म़ेदी माक्‍यो सुङगोराङ ङाहगी खोला रोमी क्‍याहल्‍बु छ्यिम्‍बु साला ताङज्‍येला साम्‍लु ताङसीन।

ल़ेह-पेन 3:13

ओ़ह ल़ेहमु मिहम्‍बा, ओहराङगी चावा अब्राहाम, इसहाक दाङ याकूबकी किन्‍ज्‍योगी राहङला स्‍याहप्‍तो स्‍युहएँ येशूला चा़ जे नाङसीन। ख्‍या फ़ेबेॱयागीदी येशूला से कोहकें म़ेदी च्‍योल नाङसीन। पिलातसगी येशूला ताङज्‍ये छोल्‍गेमुॱआङ ख्‍या फे़बेया़गी माहताङ म़ेदी सुङ नाङसीन।

हिब्रू 7:26

ओहराङला कोहक्‍योगी गो-छ्येवा पूजाहारीती येशूॱराङ यिहन्‍गे। मिहरो नाम्‍पार-ताहक्‍पा, च्‍यिॱआङ क्‍येन म़ेहबा दाङ चाङमा येहबा ओहले किन्‍ज्‍योगी मिहरोला तिहक्‍च्‍येम्‍बा मिहया़गी पाहरक्‍यीले खा फे़ नाङदी थाम्‍ज्‍यी म़ेदी थो़स्‍यो स्‍यिहङगामला ज़्‍या़ नाङसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।

१ पत्रुस 2:22

“मास्‍यीकाकी तिहक्‍पाया़ च्‍यिॱआङ जे माहनाङ, ओहले मास्‍यीकाकी स्‍याहललेगी चिहन क्‍याहप्‍केन्‍गी स्‍याहलया़ नाहमॱआङ सुङ माहनाङ।”

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।