लूका 22:53 - ह्योल्‍मो

⁵³ ङ्यिहमा-टाहङमाराङ ङाह ख्‍या ङ्याम्‍बुराङ छ्योखाङगी यिल्‍दोला तेहकेमुनी ख्‍यागी ङाहला माहजु़ङ ले! यिहॱनाङ ता़ह ख्‍याया़गी ल़ेह पेहकेन्‍गी ती़हजी लेप्‍सीन ओहले ता़ह ना़-जुबेगी ओङ पेहकें।”

लूका 22:53 ပူးပေါင်းရင်းမြစ်များ

मत्ती 21:23

ओहले येशू छ्योखाङला फेप्‍ती सुङदेन नाङदी ज़्‍य़ू नाङसीन। ओहले सुङदेन नाङगेमु पूजाहारी छ्यिम्‍बु दाङ यहूदीया़की एल्‍डरया़ येशूसाला ओहङदी, “राहङगी का़हलेगी ओङ ज्‍योर्ती दि छ्या़लेया़ जे नाङग्‍यो? दि ओङ राहङला सुगी नाङबा?” म़ेदी स्‍युहसीन।

लूका 22:52

ओहले राहङला ज़ुङ ओहङगेन्‍गी पूजाहारी छ्यिम्‍बु, छ्योखाङ सुङगेन मिहया़गी गोबा दाङ लेहमेन गोबाया़ ङो़ले ज़ी़दी येशूगी सुङ नाङसीन, “च्‍यि ङाह ज्‍याक्‍पा यिहम्‍बा म़ेदी ख्‍या ङाहला जु़ङज्‍येला प्रेहका दाङ पादाङ थो़दी ओहङग्‍यो?

लूका 22:54

ओहले ओ़ह मिहया़गी येशूला ज़ुङदे पूजाहारी गो-छ्येवागी खाङबाला ख्‍येर्सीन। पत्रुसती क्‍याहङलेराङ येशूगी तिङदा तिङ ओहङसीन।

यूहन्‍ना 12:27

“ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 13:30

ओहले यहूदागी खुरा साह-लुहङ म़ेहबा खो फिला थेन्‍दी काहल्‍सीन। ओहजेला नाहम सो सिहन्‍दी येहकें।

यूहन्‍ना 14:30

ता़ह ङाह ख्‍या ङ्याम्‍बु ताम माहङबु मेहमाएँ, च्‍यिबेमाना दि जाम्‍बुलीङला ओङ छ्य़ेएँगी क्‍याहल्‍बु ओहङगेॱराङ येह। यिहॱनाङ खोगी ङाहला च्‍यिॱआङ पेह मी़हखुएँ।

यूहन्‍ना 7:30

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ सुज्‍यीगीॱआङ येशूला लाहक्‍पा माहक्‍याहप, च्‍यिबेमाना येशूकी ती़हजी तोहरोङॱआङ लेप्‍ती म़ेहबा येहकें।

यूहन्‍ना 7:45

ओहले येशूला ज़ुङज्‍ये म़ेदी काहल्‍ग्‍योगी छ्योखाङ सुङगेन माक्‍मीया़ आहन्‍डाराङ लो़ह ओहङसीन। ओहले पूजाहारी छ्यिम्‍बुया़ दाङ फरिसीया़गी खुङया़ला टी़हसीन, “के ले, ख्‍यागी च्‍यिबे येशूला ज़ुङदी माहख्‍योङबा?”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

एफिसी 6:12

च्‍यिबेमाना ओहराङगी मिह ङ्याम्‍बु मा़ क्‍याहप्‍के मिहम्‍बा यिहॱनाङ स्‍यिहङगाम दाङ जाम्‍बुलीङकी पाहरक्‍यीला ल़ेह ङ्येहम्‍बा पेहकेन्‍गी नाम्‍स्‍यीया़, ठिम ताङगेन्‍की पोम्‍बोया़, ओङज्‍या छ्यिम्‍बु ज्‍योरक्‍योया़, ओहले दि ना़-जुबे जाम्‍बुलीङकी वाङज्‍या छ्यिम्‍बुया़ ङ्याम्‍बु यिहम्‍बा।

कलस्‍सी 1:13

मिहरोगी ओहराङला ना़-जुबेकी क्‍याहल्‍सीलेगी खा फे़ नाङसीन, ओहले राहङगी चेवा जे नाङग्‍योकी स़ेबुकी क्‍याहल्‍सी नाहङला ओहराङला पो नाङसीन।