लूका 22:42 - ह्योल्‍मो

⁴² “ओ़ याहप, राहङगी थुला येहसीमाना दि स्‍याहलु ङाह ङो़ले फार जे नाङदोङ। यिहॱनाङ, ङाहगी सेमला ने़क्‍यो ल़ेहमु मिहम्‍बा, याहपगी थुला ठुङग्‍यो ल़ेहमुराङ तेहन्‍दा डुप्‍च्‍यु!” सुङदी सोल्‍वाङ ताप नाङसीन।

लूका 22:42 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 11:26

यिहम्‍बा किन्‍ज्‍यो याहप, च्‍यिबेमाना राहङला दि ल़ेहमुराङ जे नाङज्‍येला राहङगी थुला ठुङसीन।

मत्ती 20:22

येशूगी खुङया़ला सुङ नाङसीन, “ख्‍याया़गी च्‍यि लाङगेॱराङ येहबा, ओ़ह ख्‍याया़ला क्‍यी़हराङ म़ेह। ङाहगी थुङज्‍ये पेहक्‍योगी तुहक्‍पुगी फार्कोले च्‍यि ख्‍याया़गीॱआङ थुङ ख़ूएँ?” खुङया़गी ख़ूएँ लाह म़ेदी ल़ेहन क्‍याहप्‍सीन।

मत्ती 26:39

ओहले येशू याहम्‍बी फाच्‍चीला फार फेप्‍ती साला खेप्‍चु क्‍याहप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्‍पुकी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ दि ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:44

ओ़ह सोङबे येशूगी खुङया़ला क्‍युर ज़्‍या़दी लो़ह फेप्‍ती तोहङले ताप नाङग्‍योकी सोल्‍वाङ येहपाराङ लेहमा सुम्‍बा थु ताप नाङसीन।

मत्ती 6:10

राहङगी क्‍याहल्‍सी डुप्‍च्‍यु, राहङगी थु स्‍यिहङगामला तेहन्‍दा डुप्‍क्‍यो ल़ेहमुराङ दि जाम्‍बुलीङॱलाङ तेहन्‍दा डुप्‍च्‍यु

मर्कूस 14:36

ओहले येशूगी सुङ नाङसीन, “ओ़ह याहप, ओ़ ङाहगी किन्‍ज्‍यो याहप, राहङगी थाम्‍ज्‍यी से़हया़ जे थुप्‍केन। ता़ह दि तुहक्‍पुगी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

यूहन्‍ना 18:11

येशूगी पत्रुसला सुङ नाङसीन, “पादाङ स्‍युपला ज़्‍या़दोङ! च्‍यि ङाहला याहपगी नाङग्‍योकी स्‍याहलु ङाहगी मिहथुङज्‍ये ले?”

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 5:30

“ङाह राहङगीनी च्‍यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्‍यो ठिम ठाबे सी़हजे येह, च्‍यिबेमाना ङाह राहङगी सेमला ने़क्‍यो ल़ेहमु मिहम्‍बा, यिहॱनाङ ङाहला ताङ नाङगेन याहपकी थुला ठुङग्‍यो ल़ेहमुराङ ल़ेह पेहकें।”

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

ल़ेह-पेन 21:14

ओहले खोला का़ मा़हखुबा सोङबे “चो़वोगी थुला ठुङग्‍यो ल़ेहमुराङ तेहन्‍दा डुप्‍च्‍यु” म़ेदी ङ्यिह खाजुम पेहती तेहसीन।