Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




लूका 22:19 - ह्योल्‍मो

19 ओ़ह तिङले येशूगी खुरा ल़ेहन नाङसीन ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़दी खुङया़ला नाङदी सुङ नाङसीन, “ख्‍याया़ला तेरक्‍योगी दि ङाहगी ज़ुबु यिहम्‍बा। ता़ह यिहन्‍ज्‍यु ङाहला टेहम्‍बा साल्‍ज्‍येला दि ल़ेहमु पेहती सोह।”

အခန်းကိုကြည့်ပါ။ ကော်ပီ




लूका 22:19
27 ပူးပေါင်းရင်းမြစ်များ  

येशूगी मिहया़ला पाङगाला तेह च्‍य़ू नाङसीन। ओ़ह तिङले खुरा ङा दाङ ङ्याह ङ्यी़ नोम्‍दी स्‍यिहङगाम ङो़ले ज़ी़ नाङदी किन्‍ज्‍योला थुज्‍यी-छ्ये़ फुल नाङसीन। येशूगी खुरा फेमा-फेमा च्‍येती स्‍याहप्‍च्‍यीया़ला नाङसीन। स्‍याहप्‍च्‍यीया़गी ख्‍येर्ती मिहया़ला के़हदी तेर्सीन।


ओ़ह तिङले येशूगी ओ़ह खुरा दाङ ङ्याहया़ नोम्‍दे किन्‍ज्‍योला थुज्‍यी-छ्ये़ फुल नाङसीन। खुराया़ फेमा-फेमा च्‍येती स्‍याहप्‍च्‍यीया़ला नाङदी के़हदी तेर्तोङ म़ेदी सुङ नाङसीन ओहले स्‍याहप्‍च्‍यीया़गी मिहया़ला के़हदी तेर्सीन।


ओहले येशूगी कुहन्‍डुमकी-निङगु लू़क्‍योगी स्‍याहलु नोम्‍दी किन्‍ज्‍योला थुज्‍यी-छ्ये़ फुल्‍दी सुङ नाङसीन, “ता़ह दि लेहन्‍दोङ, ख्‍या थाम्‍ज्‍यीराङ के़हदी थुङ।


ओहले डेन छ्ये सिहन फान्‍ज्‍यो येशूगी येहपाराङ स्‍याहलु नोम्‍दे सुङ नाङसीन, “दि स्‍याहलु ङाहगी ठा़ला ज़्‍या़क्‍योगी साम्‍बा ताहम्‍ज्‍या यिहम्‍बा। दि ठा़ ख्‍याया़गी तेहन्‍दाला स्‍याहल च्‍य़ूदी येह।


ओहले येशू खुङ ङ्याम्‍बु छ्येच्‍येला ज़्‍य़ू नाङसीन ओहले येशूगी खुरा नोम्‍दे मेलाम क्‍याहप्‍नाङसीन ओहले खुरा च्‍या़दी खुङया़ला नाङसीन।


चो़वोगी थुज्‍यी-छ्ये़ फुल फान्‍ज्‍यो मिहया़गी खुरा साहक्‍योगी ग्‍या़ला तिबेरियास लुहङबाले लेहमेन छ्यु-टुहया़ॱआङ लेप्‍सीन।


स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”


चो़वोकी स्‍याहलु लेहन्‍दी ओहराङ किन्‍ज्‍योला थुज्‍यी-छ्ये़ फुल्‍गे। स्‍याहलुले थुङगेमु ओहराङ मास्‍यीकाकी ठा़ ङ्याम्‍बु डी़गे। मिहम्‍बा ले? खुरा च्‍या़दी ओहराङगी साहएँमु ओहराङ मास्‍यीकाकी कुसो ङ्याम्‍बु डी़ ओहङगे मिहम्‍बा ले?


थाम्‍ज्‍यीगी यिहक्‍तेन छ्यु छ्य़ेसीन, च्‍यिबेमाना खुङ फ़ेबेॱया ङ्याम्‍बु-ङ्याम्‍बुराङ फेप नाङगे यिहक्‍तेन तोह-पा़राकी छ्यु खुङ फे़बेया़गी छ्ये नाङसीन ओहले ओ़ह तोह-पा़राती मास्‍यीकाॱराङ यिहन्‍गे।


दि तिहक्‍पाराङ तिहक्‍पागी काहङग्‍यो जाम्‍बुलीङलेगी ओहराङला थार च्‍य़ूज्‍येला येशू मास्‍यीकाकी ओहराङगी किन्‍ज्‍यो याहपकी थुला ठुङग्‍यो ल़ेहमुराङ जेती ओहराङगी पेहक्‍योगी तिहक्‍पागी तेहन्‍दाला राहङगी कुसोॱराङ च्‍यिहम्‍बा ताङ नाङसीन।


हागार अरब क्‍याहल-खापकी सीनै लाह यिहम्‍बा, ओहले ताहङ-तिहरीङकी यरूशलेम ङ्याम्‍बु ओ़ह दुर ख़ूएँ। च्‍यिबेमाना राहङगी पेहजाया़ ङ्याम्‍बु मोहॱआङ छ्य़े-ठिमकी यो़मु काहल्‍दी येह।


ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।


काह-ठि क्‍यिदु-तुहक्‍पु ओहङॱनाङ नाहम-माना थुज्‍यी-छ्ये़ फुल्‍दोङ, च्‍यिबेमाना मास्‍यीका येशूला ख्‍या फे़बेया़गी तेहन्‍दाला किन्‍ज्‍योगी थु-सेम जे नाङगेन्‍दीॱआङ दिराङ यिहम्‍बा।


येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।


तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ