लूका 22:16 - ह्योल्‍मो

¹⁶ ता़ह ङाह ख्‍याला माएँ, किन्‍ज्‍योगी क्‍याहल्‍सीला दि थार्पा छ्येपागी डेनगी तेहन्‍दा माहन्‍डुप थु ङाह येहपाराङ दि थार्पा छ्येपागी डेन साहज्‍ये म़ेह” म़ेदी येशूगी सुङ नाङसीन।

लूका 22:16 ပူးပေါင်းရင်းမြစ်များ

लूका 12:37

ताहक्‍पु ओहङगेमु ङ्यि मा़हलोहबा पेहते कू़हदे तेहक्‍यो योक्‍पुया़ला थोङगेमु ताहक्‍पुगी सेम ज्‍यिबुराङ काहसो पेहच्‍ये येह। तेहम्‍बाराङ ङाहगी ख्‍याला माएँ, ओ़ह ताहक्‍पुगी योक्‍पुया़ला चा़ पेहती डोम्‍बोला ल़ेहमु पेहतीराङ क्‍योङज्‍ये येह।”

लूका 14:15

येशूगी स्‍याहल थे़दी लेहमेन डोम्‍बो च्‍यी़गी येशूला, “किन्‍ज्‍योगी क्‍याहल्‍सीला डेन साह ङ्युहङगे मिहया़ काहजे सोनाम-साक्‍पु!” म़ेदी मासीन।

लूका 22:15

येशूगी खुङया़ला सुङ नाङसीन, “तुहक्‍पु खुर कोहएँ म़ेदी तोहङले ख्‍या ङ्याम्‍बु थार्पा छ्येपागी डेन साहज्‍येला ङाहगी ज्‍यिबुराङ सेम पेहती येहकें।

लूका 22:18

ओहले येहपाराङ ङाहगी ख्‍याला माएँ, ता़ह यिहन्‍ज्‍यु ओहराङ किन्‍ज्‍योगी क्‍याहल्‍सीला माहन्‍जोम थु ङाहगी कुहन्‍डुमकी-निङगु थुङज्‍ये म़ेह” म़ेदी सुङ नाङसीन।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

ल़ेह-पेन 10:41

मिह थाम्‍ज्‍यीगीनी येशूला थोङ माहङ्युहङ, ओहले येशू सोम्‍बो ज़्‍याङ नाङ फान्‍ज्‍यो ङ्यिह ङ्याम्‍बुराङ सोल छ्ये नाङसीन, च्‍यिबेमाना किन्‍ज्‍योगी ङ्यिहया़ला दि तामगी पाङबु तेहच्‍येला तोहङलेराङ दाम नाङग्‍यो येहकें।

ज्‍याल्‍गा 19:9

दि तिङले स्‍यिहङगामकी स्‍याहप्‍च्‍यीगी ङाहला दि ल़ेहमु सुङ नाङसीन, “दि ताम प्री़हदोङ, ल़ूह स्‍ये़बुकी पा़हमागी डेनला पाहङज्‍येन क्‍याहप्‍क्‍योगी मिहया़ काहजे सोनाम-साक्‍पु!” येहपाराङ ङाहला स्‍यिहङगामकी स्‍याहप्‍च्‍यीगी सुङ नाङसीन, “दि स्‍याहल किन्‍ज्‍योगी सुङ नाङग्‍योकी तेहन्‍दामगी सुङ यिहम्‍बा।”