लूका 20:47 - ह्योल्‍मो

⁴⁷ खुङया़नी ह्‍युग्‍मोया़गी क्‍युहगी थो़ला ओङ पेहती साहएँ, ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह ल़ेहमु मिहया़लानी किन्‍ज्‍योगी ङ्य़ेहबा छ्यिम्‍बुच्‍यी कल नाङज्‍ये येह!” म़ेदी येशूगी सुङ नाङसीन।

लूका 20:47 ပူးပေါင်းရင်းမြစ်များ

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 23:14

[“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़गी ह्‍युग्‍मोया़गी खाङबा स्‍यिहङया़ फ्रो़गे ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह सोङबे किन्‍ज्‍योगी ख्‍याया़ला ज्‍यिबुराङ छ्यिम्‍बु ङ्य़ेहबा काल नाङज्‍ये येह।”]

मर्कूस 12:40

ओहले खुङया़गी ह्‍युग्‍मोया़गी खाङबा स्‍यिहङया़ फ्रो़गे ओहले मिहया़ला तेन्‍गेनज्‍यी पेहती रिहङबु-रिहङबु सोल्‍वाङ ताप्‍कें। दि ल़ेहमु मिहया़ला जेन छ्यिम्‍बु ङ्य़ेहबा फो़ज्‍ये येह।”

लूका 12:1

मिहया़ तोङरा च्‍यी़ म़ेदीॱआङ माहङबु जोम्‍ग्‍यो सोङबे च्‍यी़गी च्‍यी़ला च्‍येप्‍ती-च्‍येप्‍ती ओहङसीन। ओ़ह ती़हजीला येशूगी तोहङले राहङगी स्‍याहप्‍च्‍यीया़ला सुङ नाङसीन, “ख्‍याया़ फरिसीया़गी खमिर ङो़ले जेम्‍दी तेहतोङ! दि माएँगी तेहन्‍दादी, पेहचीन तेन्‍गे फरिसीया़ ङ्याम्‍बु ख्‍या जेम्‍दी तेहतोङ म़ेदी माज्‍ये छोल्‍ग्‍यो यिहम्‍बा।

लूका 20:46

“छ्य़े-ठिमकी लोबेनया़ ङो़ले जेम्‍बु पेहते तेहतोङ! खुङया़नी ङ्याहम तेन्‍दी काप्‍च्‍या रिहङबु केहन्‍दी डोज्‍ये सेम पेहकें, छोङ-ठोमया़ला कोरा क्‍याहप्‍केमु मिहया़गी खुङला ची़नाङ पेहती ज्‍याल्‍ज्‍यु माएँ छोल्‍गे, ओहले छो़खाङ दाङ डेन साहएँ ग्‍या़या़ला थो़स्‍यो टाहलला तेहच्‍ये छोल्‍गे।

लूका 21:1

ओहले येशूगी छ्योखाङ नाहङला फार छुर ज़ी़ नाङगेमु मिह छ्युक्‍पुया़गी डेल्‍बा फुल्‍गेन काहमला डेल्‍बा फुल तेहक्‍यो ज़ी़ नाङसीन।

१ थेसलोनिकी 2:5

राहङ फ़ेबे-म़ेहमेया़ला या़हबु पेहती थुयी़राङ येह, ङ्यिहगी ख्‍या फ़ेबे-म़ेहमेॱया ङ्याम्‍बु ज्‍याप्‍ला तेन्‍दी ताम मा़हमे ओहले ङ्यिहगी राहङ फ़ेबे-म़ेहमेॱया ङो़ले च्‍यिरा ज्‍योर्केनी म़ेदी ह्‍अम्‍बा पेहती दि ल़ेहमु पेहक्‍यो मिहन। किन्‍ज्‍योॱराङ दिगी पाङबु ज़्‍य़ू नाङदी येह।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

याकूब 3:1

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, ख्‍याया़ नाहङला मिह माहङबु लोबेन डोज्‍ये माहछोल, च्‍यिबेमाना लेहमेन मिहया़ला म़ेदी ङ्यिह लुहङ तेर्केया़ला ठिम छान्‍दी जेती ज़ी़ नाङज्‍ये येह माएँदी ख्‍याला क्‍यी़ह येह।