लूका 20:20 - ह्योल्‍मो

²⁰ ओहले खुङगी येशूला काहन्‍डुमु पेहती ज़ुङज्‍ये म़ेदी लाहम छोल्‍सीन। ओहले खुङगी टाहङबु तेन्‍ज्‍येनज्‍यी ज़ोएँ मिहया़ला टाङगा तेर्ती ओहम्‍दी येशूगी सुङदेन नाङगेमु च्‍यिॱआङ ताम क़ू ज्‍योर्कें नि म़ेदी ओ़ह मिहया़ला येशूगी तिङदा तिङ ताङसीन। “च्‍यिॱआङ ताम क़ू ज्‍योर्सीमाना येशूला ज़ुङदी रोमी पोम्‍बोगी लाहक्‍पाला छ्यि च्‍य़ूज्‍ये” म़ेदी खुङगी सेमला क्‍ये़दी येहकें।

लूका 20:20 ပူးပေါင်းရင်းမြစ်များ

मत्ती 27:2

ओहले खुङया़गी येशूला ताहम्‍दी रोमी स्‍युहङ-पेन छ्यिम्‍बु पिलातससाला ख्‍येर्ती चि क्‍याहप्‍सीन।

मर्कूस 3:2

ओ़ह ङ्यिहमा थाङ सोएँगी ङ्यिहमा यिहन्‍गे ओहजेला येशूगी खोला टा़ह च्‍य़ू नाङगेनी म़ेदी फातुर च़ूज्‍येला मिहया़ च्‍यिवा च्‍येती तेहसीन।

लूका 11:54

येशूगी स्‍याहल सुङ नाङगेमु च्‍यिॱआङ ताम नोहरक्‍यो ज्‍योर्कें नि म़ेदी खुङ ङ्याहम च्‍येती तेहसीन।

लूका 20:21

ओहले ओ़ह च्‍यिवा च्‍येकें मिहया़गी येशूला टी़हसीन, “लोबेन लाह, ङ्यिहला क्‍यी़ह येह, राहङगी सुङ नाङग्‍योकी स्‍याहल दाङ सुङदेनया़ ठाबे येह। राहङगी मिहया़गी तोहङबा ज़ी़दी स्‍याहल सुङ मेहनाङगे, राहङगीनी किन्‍ज्‍योगी तेहन्‍दामगी लाहम तेन नाङगे।

लूका 20:26

खुङगी मिह मिह-माहङया़गी दिनला येशूगी स्‍याहलला च्‍यिॱआङ क़ू ज्‍योर मा़हखु। ओहले खुङ येशूगी सुङ नाङग्‍योकी स्‍याहलला याहम्‍जेनज्‍यी ने़दी खाजुम्‍बा तेहसीन।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।