लूका 20:1 - ह्योल्‍मो

¹ ङ्यिहमा च्‍यी़ येशूगी छ्योखाङला मिहया़ला सुङदेन नाङगेराङ येहकें ओहले खुङया़ला या़हबु लेहङगु स्‍ये नाङगेराङ येहकें। ओहले पूजाहारी छ्यिम्‍बु, छ्य़े-ठिमकी लोबेन दाङ गोबा छ्यिम्‍बुया़ डी़दी येशूसाला ओहङदी,

लूका 20:1 ပူးပေါင်းရင်းမြစ်များ

मत्ती 26:55

ओ़ह तिङले येशूगी राहङला ज़ुङज्‍ये म़ेदी ओहङग्‍यो मिहया़ला सुङ नाङसीन, “च्‍यि ङाह च्‍याहक्‍पा यिहम्‍बा म़ेदी ने़उ दुबा? ङाहला ज़ुङज्‍ये म़ेदी प्रेहका दाङ पादाङ थो़दी ओहङग्‍यो? ङ्यिहमा-टाहङमाराङ छ्योखाङला तेहती ङाहगी मिहया़ला लोप्‍च्‍युङ तेर्केमु के लेह ख्‍याया़गी ङाहला ज़ुङ माहयोहङ!

लूका 20:2

“ङ्यिहला सुङ नाङदोङ, राहङगी का़हलेगी ओङ ज्‍योर्ती दि छ्या़लेया़ जे नाङगे? दि ओङ राहङला सुगी नाङबा?” म़ेदी टी़हसीन।

लूका 8:1

ओहले येशू क्‍याहसा क्‍याहसा दाङ युहल युहलला स्‍य़ूहदी किन्‍ज्‍योगी क्‍याहल्‍सीगी तेहन्‍दाला मिहया़ला लेहङगु या़हबुया़ स्‍येती फेप नाङसीन। येशूगी स्‍याहप्‍च्‍यी च्‍यिङ्यी़ॱआङ येशू ङ्याम्‍बुराङ येहकें।

यूहन्‍ना 18:20

ओहले येशूगी खोला ल़ेहन क्‍याहप नाङसीन, “ङाहगी लुहङबा थाम्‍ज्‍यीगी दिनला मा सिहन्‍दी येह। थाम्‍ज्‍यी यहूदीया़ जोम्‍गेन्‍गी ग्‍या़ छो़खाङ दाङ छ्योखाङया़ला ङाहगी नाहम पेहॱनाङ सुङदेन तेर्ती येह। ङाहगी यिहप्‍ती-यिहप्‍ती सुङदेन तेर्ती म़ेह।

ल़ेह-पेन 4:1

पत्रुस दाङ यूहन्‍ना मिहया़ ङ्याम्‍बु दि रोहवा पेहती ताम मे तेहकेमु पूजाहारीया़, सदुकीया़ ओहले छ्योखाङगी माक्‍पेन खुङसाला ओहङसीन।

ल़ेह-पेन 6:12

दि रोहवा पेहती खुङगी मिहया़ ओहले छो़बाला तेहकेन्‍गी गोबा दाङ छ्य़े-ठिम ताङगे गोबाया़लाॱआङ क्‍या़सीन। खुङया़गी स्‍तिफनासला ज़ुङदी छो़बागी दिनला ख्‍योङसीन।