लूका 2:38 - ह्योल्‍मो

³⁸ ओ़ह ती़हजीला मोहॱआङ मरियम दाङ योसेफगी पोहला ओहङदी किन्‍ज्‍योला थुज्‍यी-छ्ये़ फुल्‍सीन। ओहले किन्‍ज्‍योगी यरूशलेम दाङ इस्राएलगी मिहया़ला थार च्‍य़ू नाङगेन म़ेदी क़ूह तेहक्‍यो मिहया़ला येशूगी तेहन्‍दाला मोहगी स्‍येसीन।

लूका 2:38 ပူးပေါင်းရင်းမြစ်များ

मर्कूस 15:43

कुहङॱसेला फार योसेफ मिहन थो़क्‍यो अरिमाथिया क्‍याहसाकी मिह च्‍यी़ ओहङदी मा़हन्‍ज्‍यीबा पेहती पिलातसगी दिनला काहल्‍दी येशूगी कुबुर लाङसीन। खो छो़बा छ्यिम्‍बुगी ज्‍यिबुराङ चा़ छ्यिम्‍बुगी मिह यिहन्‍गे। ओहले खोगी किन्‍ज्‍योगी क्‍याहल्‍सीगी लाहम त़ेदी तेहक्‍यो येहकें।

लूका 1:68

“इस्राएल क्‍यिहपाया़गी चो़वो छ्येवा किन्‍ज्‍योला तेपा फुल्‍गे! किन्‍ज्‍योगी राहङगी मिहया़ला रो़हराम जेती थार च्‍य़ू नाङदी येह!

लूका 2:25

ओ़ह ती़हजीला यरूशलेम क्‍याहसाला शिमियोन माएँ मिह च्‍यी़ तेहको येहकें। खो टाहङबु पेहकेन दाङ छ्य़ेसेम पेहकेन मिह यिहन्‍गे। ओहले खो किन्‍ज्‍योगी इस्राएल क्‍यिहपाया़ला थार च्‍य़ू नाङगेन्‍गी मास्‍यीकाकी लाहम त़ेदी तेहको येहकें। ओहले नाम्‍पार-ताहक्‍पा थु खो ङ्याम्‍बुराङ ज़्‍य़ूदी येहकें।

लूका 2:36

किन्‍ज्‍योगी छ्योखाङला हन्‍ना माएँ लुहङतेम्‍बा क़ेहमु च्‍यी़ येहकें। मोह आशेर माएँ छाङकी फनुएलगी पोहमो यिहन्‍गे। ओहले मोह पा़हमा पेहक्‍यो लोह तिहनलाराङ मोहगी ख्‍योवा स्‍यिसीन।

लूका 24:21

मिहरोगीॱराङ इस्राएलीया़ला थार च्‍य़ू नाङगेन म़ेदी ङ्यिहगी रेहवा पेहते येहकें। यिहॱनाङ तिहरीङ येशूला क्‍याहङस्‍यीङला च्‍याङदी ङ्यिहमा सुम काहल सिहन्‍सीन।

२ कोरिन्‍थी 9:15

मिहगी सेमगी ख्‍येपॱराङ मी़हखुएँगी किन्‍ज्‍योगी काबापगी तेहन्‍दाला किन्‍ज्‍योला थुज्‍यी-छ्ये़!

एफिसी 1:3

ओहराङगी चो़वो येशू मास्‍यीकाकी किन्‍ज्‍यो दाङ याहपला थुज्‍यी-छ्ये़! मिहरोगी येशू मास्‍यीका लाहमले ओहराङला स्‍यिहङगामकी ग्‍या़या़ला ना थाम्‍ज्‍यीगी यिहक्‍तेन मेलामया़ नाङदी येह।