लूका 2:34 - ह्योल्‍मो

³⁴ शिमियोनगी खुङया़ला मेलाम क्‍याहप्‍ती स़ेबुगी आमा मरियमला मासीन, “ङ्यिहन्‍दोङ, इस्राएलला मिह माहङबुगीराङ थार्पा थोप्‍च्‍यु कि-माना तोङदी डोज्‍यु म़ेदीराङ चो़वो छ्येवागी ख्‍येगी स़ेबुलाॱराङ दाम नाङदी येह। मिह-रो़हराङ चो़वो छ्येवागी तेन नाङगेन्‍गी ताक्‍छेन यिहम्‍बा, ओ़हदीला मिह माहङबुगीराङ टाह पेहच्‍ये येह।

लूका 2:34 ပူးပေါင်းရင်းမြစ်များ

मत्ती 11:19

मिहगी स़ेबु से़हदी थुङदी ओहङसीन, ओहले खुङया़गी, ‘त़ेदोङ, साहउ, छ्याङसीवा, ठाल तुहएँ दाङ तिहक्‍च्‍येम्‍बाया़गी छ्येटो’ म़ेदी माएँ। किन्‍ज्‍योगी रिहक्‍स्‍यी ठाबे येह म़ेदी खोगी पेहक्‍यो ल़ेहगीॱराङ प्रा साल्‍गे।”

मत्ती 12:46

येशूगी मिह मिह-माहङला दि स्‍याहल सुङगे सुङगेमुराङ येशूगी आमा दाङ नो़हया़ लेप्‍सीन। खुङया़ येशू ङ्याम्‍बु ताम मा कोहच्‍ये येह म़ेदी फिलाॱराङ कू़हदे तेहसीन।

मत्ती 21:44

ओ़ह तोह खाला नार्तो क्‍याहप्‍केया़ फेतोर कोहतोर डोज्‍ये येह ओहले येहपाराङ का़हन्‍दी मिह थो़ला ओ़ह तोह ताहप्‍कें ओ़ह मिह थाला फुङे डोज्‍ये येह।”

मत्ती 27:63

“लाहसो लाह, ङ्यिहगी टेहम्‍बा साल्‍देॱराङ येहबा, ओ़ह ह्‍आउस्‍या़गी सोम्‍बो येहकेंमुराङ ‘ङाह स्‍यी़दीले ङ्यिहमा सुमला येहपाराङ सोम्‍बो लो़हज्‍ये येह’ म़ेदी माक्‍यो येहकें।

लूका 2:35

ओहले खुङया़गी सेमला ऩेक्‍योगी तामया़ फिला तेन्‍ज्‍ये येह। नुम्‍बु पादाङगी चो़क्‍यो ल़ेहमुराङ ख्‍येगी निङ ज्‍यिबुराङ सुह क्‍याहप्‍च्‍ये येह।”

यूहन्‍ना 3:20

च्‍यिबेमाना ल़ेह ङ्येहम्‍बा पेहकेन मिहगी क्‍या-साङेला ङेन्‍ज्‍येन पेहकें, ओहले खुङ क्‍या-साङेला मेहयोहङगे, मिहन्‍सीमानानी खोगी पेहक्‍यो ल़ेह चोक्‍पाया़ क्‍या-साङेला थोङज्‍ये येह।

यूहन्‍ना 5:18

ओ़ह सोङबे यहूदीया़गी येशूला सेच्‍ये म़ेदी माहङबुराङ स्‍युक पेहसीन, च्‍यिबेमाना मिहरोगी थाङ सोएँ ङ्यिहमागी ठिम च्‍यी़राङ माहगोम, यिहॱनाङ येशूगी किन्‍ज्‍योला याहप सुङदी राहङला किन्‍ज्‍यो ङ्याम्‍बा ज़ो नाङग्‍यो येहकें।

ल़ेह-पेन 13:45

मिह थाम्‍ज्‍यी बुङजी क्‍याहप्‍ती ओहङग्‍यो थोङदी यहूदीया़गी पावल दाङ बारनाबासला ठादो पेहसीन। ओहले पावलगी माक्‍यो तामला खुङया़गी टाह पेहती स्‍ये़हन्‍डील पेहसीन।

ल़ेह-पेन 17:6

खुङ ङ्यी़ला च्‍य़ेह माहसीहम्‍बा सुङबे खुङया़गी यासोन दाङ लेहमेन आदा-नो़हया़ला क्‍याहसाकी पोम्‍बोया़साला टिहते ख्‍योङदी दि ल़ेहमु मासीन “जाम्‍बुलीङला ठ़ूस्‍यी पेह च्‍य़ूएँगी मिहया़ ताहन्‍दा ओहराङगी क्‍याहसाॱलाङ ओहङदी येहबा म़ेदी मासीन।

ल़ेह-पेन 24:5

ङ्यिहगी ङोह स्‍येक्‍योगी दि मिह ज्‍यी़ज्‍ये ल़ेहमु ल़ेह चोक्‍पाया़ पेहती डोएँगी मिह यिहम्‍बा। ओहले दि मिह नासरी माएँ छो़बागी गोबा पेहती जाम्‍बुलीङगी थाम्‍ज्‍यीराङ यहूदीया़की पाहरक्‍यीला ठ़ूस्‍यी सिहङदा पेह च्‍य़ूदी डोॱराङ पेहक्‍यो ङ्यिहगी थोङदी येह।

ल़ेह-पेन 28:22

यिहॱनाङ ङ्यिहला राहङगी ताम ङ्यिहन्‍ज्‍ये सेम्‍बा येहबा च्‍यिबेमाना राहङगी छो़बागी तेहन्‍दाला काहने थेतेराङ ताम लोहङटी पेहक्‍योदी ङ्यिहॱलाङ क्‍यी़ह येह” म़ेदी मासीन।

ल़ेह-पेन 4:26

किन्‍ज्‍यो दाङ किन्‍ज्‍योगी दाम नाङग्‍यो थार्पा नाङगेन मास्‍यीकाला टा़ह पेहच्‍येला जाम्‍बुलीङगी क्‍याहल्‍बुया़ दाङ पोम्‍बोया़ ङ्याम्‍बुराङ जोम्‍दी येह’।”

ल़ेह-पेन 6:7

दि रोहवा पेहती किन्‍ज्‍योगी सुङदेन टाहम्‍दी काहल्‍सीन। चो़वो छ्येवा येशूगी स्‍याहप्‍च्‍यीया़गी टाहङजी यरूशलेम लुहङबाला जेन-जेन माहङबु पेहती काहल्‍सीन ओहले पूजाहारी माहङबुगीराङ चो़वो छ्येवा येशूला सेमले खाल्‍सीन।

रोमी 9:32

च्‍यिबे मा़हखु? च्‍यिबेमाना ल़ेह पेहती च्‍यी़राङ मिह टाहङबु सी़ह ख़ूएँ ने़दी खुङया़गी यिह-छ्य़े लाहमले टाहङदेन माहछोल। दि ल़ेहमु पेहती येशू मास्‍यीका खुङगी तेहन्‍दाला नार्तो क्‍याहप्‍केन्‍गी तोह ल़ेहमु च्‍यी़ काहल्‍सीन।

१ कोरिन्‍थी 1:23

यिहॱनाङ ङ्यिहनी क्‍याहङस्‍यीङला च्‍याङ नाङग्‍यो मास्‍यीकाकी लेहङगुकी तेहन्‍दाला स्‍येती डोएँ। यहूदीया़की तेहन्‍दाला दि नार्तो क्‍याहप्‍केन्‍गी ताम यिहम्‍बा मासीमाना ग्रीकया़की तेहन्‍दालाती दि उल्‍दुम्‍बाकी ताम यिहम्‍बा।

हिब्रू 7:1

दि मल्‍कीसेदेक शालेम क्‍याहसाकी क्‍याहल्‍बु दाङ गो-छ्येवा किन्‍ज्‍योकी पूजाहारी येहकें। अब्राहामगी क्‍याहल्‍बु ज़्‍यिला मा़ क्‍याहप्‍ती क्‍याहल्‍दी लो़ह ओहङगेमु लाहमला मल्‍कीसेदेकला थ़ूसीन, ओहले मल्‍कीसेदेकगी अब्राहामला मेलाम क्‍याहप नाङसीन।

हिब्रू 7:7

दिला लोहङटी पेह कोहएँगी ताम च्‍यिॱआङ म़ेह, मिह फेमागी मिह छ्यिम्‍बु लाहमले मेलाम ज्‍योर्के।

१ पत्रुस 4:14

का़हलेॱआङ मास्‍यीकाकी छेनला ख्‍याला मिहया़गी स्‍ये़हन्‍डील पेहसीनमाना ख्‍या काहजे सोनाम-साक्‍पु यिहम्‍बा। च्‍यिबेमाना ज़िज्‍यिद दाङ किन्‍ज्‍योकी नाम्‍पार-ताहक्‍पा थु ख्‍याया़ ङ्याम्‍बु ज़्‍य़ू नाङदी येह।