लूका 19:44 - ह्योल्‍मो

⁴⁴ खुङया़गी ख्‍येला ओहले ख्‍ये नाहङला तेहके ख्‍येगी छार्क्‍यीनया़ला साला च्‍यार-ताप क्‍याहप्‍च्‍ये येह, ओहले तोह च्‍यी़ थो़ला राहङसा तोह लिहच्‍ये म़ेह। च्‍यिबेमाना किन्‍ज्‍योगी ख्‍येला थार च्‍य़ूज्‍येला फेप नाङग्‍योकी ङ्यिहमाला ख्‍येगी ङोह मा़हस्‍ये।”

लूका 19:44 ပူးပေါင်းရင်းမြစ်များ

मत्ती 24:2

ओहले येशूगी सुङ नाङसीन, “ख्‍याया़गी दि थाम्‍ज्‍यी थोङदी येहबा, मिहम्‍बा ले? तेहम्‍बाराङ ङाह ख्‍याया़ला माएँ, दि खाङबाया़गी तोह च्‍यी़ थो़ला लेहमेन तोह लिहच्‍ये म़ेह, थाम्‍ज्‍यीराङ रोम्‍ज्‍ये येह।”

मर्कूस 13:2

ओहले येशूगी खुङया़ला, “ख्‍यागी थोङग्‍यो दि छ्योखाङया़ तोह च्‍यी़ खाला लेहमेन तोह च्‍यी़ॱआङ लिहच्‍ये म़ेह, थाम्‍ज्‍यीराङ रोम्‍ज्‍ये येह” म़ेदी सुङ नाङसीन।

लूका 1:68

“इस्राएल क्‍यिहपाया़गी चो़वो छ्येवा किन्‍ज्‍योला तेपा फुल्‍गे! किन्‍ज्‍योगी राहङगी मिहया़ला रो़हराम जेती थार च्‍य़ू नाङदी येह!

लूका 1:78

च्‍यिबेमाना, ओहराङगी किन्‍ज्‍यो थुज्‍यी ज़ी़गे दाङ निङज्‍यी जेकेन्‍दी यिहम्‍बा, ओ़ह सोङगोराङ किन्‍ज्‍योगी थार्पागी येहसेर स्‍यिहङगामले ओहराङ साला ताङ नाङज्‍ये येह।

लूका 19:42

“ख्‍येगी तिहरीङ स्‍य़िहदेगी तेहन्‍दाला च्‍यि कोहएँ म़ेदी ह्‍अ के़हबा यिहॱना़ ओहङज्‍ये येहकें। यिहॱनाङ ख्‍येगी दि थोङ मा़हखु!

लूका 21:6

ओहले येशूगी सुङ नाङसीन, “ङ्यिहन्‍दोङ, दि ल़ेहमु ती़हजी च्‍यी़ॱआङ लेप्‍च्‍ये येह, ओ़ह ती़हजीला ख्‍यागी देला थोङगेन्‍गी तोह च्‍यी़ थो़ला लेहमेन तोह लिहच्‍ये म़ेह!”

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।