10 ङाह मिहगी स़ेबु तोरक्यो मिहया़लाॱराङ छोल्ज्ये दाङ थार्पा तेर्च्ये म़ेदी ओहङग्यो यिहम्बा” म़ेदी येशूगी सुङ नाङसीन।
मोहगी स़ेबु च्यी़ ठुङज्ये येह, ओहले ख्येगी ओ़ह स़ेबुगी छेन येशू ज़्या़दोङ च्यिबेमाना येशूगी राहङगी मिहया़ला तिहक्पालेगी थार च्य़ू नाङज्ये येह” म़ेदी सुङ नाङसीन।
यिहॱनाङ इस्राएल क्यिहपागी तोरक्यो ल़ूहया़ साला सोङ।
यिहॱनाङ येशूगी सुङ नाङसीन, “ङाहनी इस्राएल क्यिहपागी तोरक्यो ल़ूहया़गी तेहन्दाला च्यी़राङ ताङग्यो यिहम्बा!”
“जेम्बु पेहतोङ, दि फेमा पेहजाया़ का़हन्दीॱलाङ ख्याया़गी ङ्येन्ज्येन माहबे। ङाह ख्याया़ला माएँ, खुङया़ला ताएँगी स्यिहङगामकी स्याहप्च्यीया़ स्यिहङगामला ज़्य़ू नाङगे ङाहगी किन्ज्यो याहपकी दिनलाराङ येह।
[च्यिबेमाना मिहगी स़ेबु तोरक्योया़ला थार च्य़ूज्येला ओहङग्यो यिहम्बा।”]
ओ़ह सोङबे तिहरीङ ओहराङगी डेन से़हदी खाम्साङबु पेहक्यो ठाबेराङ यिहम्बा च्यिबे मासीमाना स्यिक्यो ओ़ह ख्येगी नो़ह सोम्बो च्य़ेह सिहन्सीन, खो तोरक्यो येहकें ता़हनी ज्योर्सीन’!”
“ओहले येहपाराङ, पे यिहॱना़: पी़हमी च्यी़ ङ्याम्बु ङुल-टाङ च्यु येहकें। ओहले मोहगी ङुल-टाङ च्यी़ तोर च्य़ूसीन। ता़हनी ओ़ह पी़हमीगी च्यि पेहटो? लो पार्ती काना-कुनाया़ला छ्या़मागी च्यो़हदी ओ़ह ङुल-टाङ माहन्ज्योर थु मेहछोल्गे ले?
च्यिबेमाना किन्ज्योगी जाम्बुलीङला ङ्य़ेहबा फो़ च्य़ूज्ये म़ेदी स़ेबुला दि जाम्बुलीङला ताङ माहनाङ यिहॱनाङ जाम्बुलीङ मिहरो लाहमले थार ख़ूज्यु म़ेदी स़ेबुला दि जाम्बुलीङला ताङ नाङसीन।
च्यिबेमाना ओहराङ मा-फाम्बु येहकेमुराङ मास्यीका तिहक्च्येम्बाया़गी तेहन्दाला ठाबे ती़हजीला टोहङ नाङसीन।
ओ़ह सोङबे मिहरोला यिह छ्य़ेदी किन्ज्यो पोहला ओहङगेया़ला मिहरोगी ताहन्दा दाङ नाहम माॱनाङ थार्पा थोप च्य़ू थुप्कें। च्यिबेमाना खुङया़गी तेहन्दाला किन्ज्यो ङ्याम्बु सोल्वाङ ताप नाङज्येला मिहरो नाहम्स्यी किन्दु ज़्य़ू नाङगे।