लूका 18:11 - ह्योल्‍मो

¹¹ “ओहले फरिसीगी लाहङदी सेम सेमलाॱराङ दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह राहङला थुज्‍यी-छ्ये़ फुल्‍गे! च्‍यिबेमाना ङाह राहङसा मिहया़गी ल़ेहमु च्‍याहक्‍पा पेहती म़ेह। यिह-छ्य़े मी़हखुएँगी ल़ेह पेहती म़ेह। ङाहगी छ्येउ-छ्येंमु पेहती म़ेह। ओहले ङाह दि ठाल तुहएँ मिह ल़ेहमु मिहन।

लूका 18:11 ပူးပေါင်းရင်းမြစ်များ

मत्ती 10:3

फिलिप दाङ बारथोलोमाइ, थोमा दाङ ठाल तुहएँगी मत्ती, अल्‍फयसकी पुह याकूब दाङ थेदियस,

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

मत्ती 6:5

“ख्‍याया़ सोल्‍वाङ ताप्‍केमु यिहन्‍दो तेन्‍गे मिहया़गी ल़ेहमु पेहती सोल्‍वाङ माहताप। खुङया़नी लेहमेन मिहया़गी थोङज्‍यु म़ेदी छो़खाङ दाङ लाहमगी सहर-सुहरया़ला लाहङदी सोल्‍वाङ ताप्‍च्‍ये सेम पेहकें। तेहम्‍बाराङ, ङाह ख्‍याया़ला माएँ, खुङया़गी ज्‍योर कोहएँगी राहङगी च्‍याहगा ज्‍योर सिहन्‍दी येह।

मर्कूस 11:25

ख्‍या सोल्‍वाङ ताप्‍च्‍येला तेहकेमु ख्‍यागी सुज्‍यी थो़ला सेम चोक्‍पा च्‍याङग्‍यो येहसीमाना खोला कोहङदा तेर। ओहले स्‍यिहङगामला ज़्‍य़ू नाङगेन ख्‍यागी किन्‍ज्‍यो याहपगीॱआङ ख्‍यागी तिहक्‍पा स्‍या़बा नाङज्‍ये येह। [

लूका 20:47

खुङया़नी ह्‍युग्‍मोया़गी क्‍युहगी थो़ला ओङ पेहती साहएँ, ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह ल़ेहमु मिहया़लानी किन्‍ज्‍योगी ङ्य़ेहबा छ्यिम्‍बुच्‍यी कल नाङज्‍ये येह!” म़ेदी येशूगी सुङ नाङसीन।

लूका 22:41

ओ़ह तिङले येशू फाच्‍चीला फार फेप नाङदी पी़मु च़ू नाङदी सोल्‍वाङ ताप नाङसीन,

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

फिलिप्‍पी 3:6

स्‍युक तेन्‍गेन्‍की तेहन्‍दाला माज्‍ये मानानी थाम्‍ज्‍यी म़ेदी माहङबु छेन्‍छोकला तुहक्‍पु तेर्केन मिह ङाहराङ यिहन, टाहङदेनकी तेहन्‍दाला माज्‍ये माना छ्य़े-ठिम ची़दे किन्‍ज्‍योकी दिनला ठाबे सी़हक्‍यो मिहॱआङ ङाहराङ यिहन।

ज्‍याल्‍गा 3:17

ङाह छ्युक्‍पु येह, ओहले ङाह ङ्याम्‍बु क्‍युह-नोहर येह, ओहले ङाहला च्‍यि से़हदीॱआङ कोम्‍बु म़ेह म़ेदी ख्‍येगी माएँ, यिहॱनाङ ख्‍ये काहजे थाप-तुहक्‍पा, निङ-च्‍योहवा, प्राङबु, स्‍याहर्ना दाङ च्‍येहन्‍डामु दु। यिहॱनाङ ख्‍येगी छोरॱटाङ मेहछोर दु।