लूका 17:24 - ह्योल्‍मो

²⁴ च्‍यिबेमाना चिलाम क्‍याहप्‍केमु नामगी छ्यो़ च्‍यी़ यिहन्‍ज्‍यु राहङसा छ्यो़ थु क्‍या-साङे डोएँ, मिहगी स़ेबुॱआङ राहङगी ङ्यिहमाला ओ़ह ल़ेहमुराङ ओहङज्‍ये येह।

लूका 17:24 ပူးပေါင်းရင်းမြစ်များ

मत्ती 24:27

च्‍यिबेमाना काहन्‍डुमु पेहती नामला चिलाम क्‍याहप्‍केमु स्‍यार यिहन्‍ज्‍यु नुहप थु क्‍या-साङे डोएँ ओ़ह ल़ेहमुराङ पेहती मिहगी स़ेबु फेप नाङज्‍ये येह।

मत्ती 24:30

“ओ़ह तिङले नामला मिहगी स़ेबु फेप नाङगेन्‍गी ताक्‍छेन थोङज्‍ये येह। मिहगी स़ेबुला ओङ छ्यिम्‍बु दाङ ज़िज्‍यिद ङ्याम्‍बु नामगी मुक्‍पाला फेप्‍केनॱराङ जेक्‍यो थोङदी जाम्‍बुलीङगी क्‍यिहपा थाम्‍ज्‍यीगी मिहया़ ङुहप्रा तिहङरा पेहच्‍ये येह।

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

मत्ती 26:64

ओहले येशूगी सुङ नाङसीन, “ओ़हदीनी राहङगीराङ सुङ नाङगु दु, ङाह राहङ फे़बेया़ला माएँ ता़ह यिहन्‍ज्‍यु राहङ फे़बेया़गी मिहगी स़ेबुला ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला ज़्‍य़ू नाङग्‍यो दाङ स्‍यिहङगामले माहर मुक्‍पाला फेप्‍केनॱराङ जेक्‍यो थोङज्‍ये येह।”

मत्ती 5:15

ओहले सुगीॱआङ लो पार्ते पादीगी उप्‍ती मे़हज्‍याएँ। तोहरोङ खाङबा नाहङगी मिहया़गी मी़ थोङज्‍यु म़ेदी ग्‍या़ थोम्‍बुला लो पार्ते ज़्‍या़एँ।

१ कोरिन्‍थी 1:8

ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।

१ थेसलोनिकी 5:2

च्‍यिबेमाना चो़वो फेप नाङगेन्‍गी ङ्यिहमा नि नुहङमु कुमेन ओहङग्‍यो ल़ेहमुराङ पेहती ओहङज्‍ये येह म़ेदी ख्‍या फ़ेबे-म़ेहमेया़ला या़हबु पेहती थुयी़राङ येह।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।

२ थेसलोनिकी 2:8

ओ़ह तिङले तिहक्‍पागी मिह थेन ओहङज्‍ये येह, ओहले खोला चो़वो येशूगी राहङगी स्‍याहलकी उगी तोङ च्‍य़ू नाङज्‍ये येह, मिहरो फेप नाङगेन क्‍या-साङे येहसेरगी खोला तोङ च्‍य़ू नाङज्‍ये येह।

याकूब 5:8

ओ़हठीॱराङ पेहती ख्‍यागीॱआङ ना़स्‍यीङ छ्यिम्‍बु पेहती कू़हदी तेहतोङ। राहङ सेम सान्‍दी पेहती तेह, च्‍यिबेमाना चो़वो फेप नाङगेन्‍गी ती़हजी पोहलाराङ येह।

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।