20 ङ्यिहमा च्यी़ फरिसीया़गी किन्ज्योगी क्याहल्सी नाहम ओहङगे म़ेदी येशूला स्युहसीन। ओहले येशूगी खुङया़ला सुङ नाङसीन, “किन्ज्योगी क्याहल्सीनी थोङगे पेहती मेहयोहङगे।
‘ङ्यिहगी काङबाला गोक्योगी ख्या क्याहसागी थाल्बी, ख्याला टा़ह पेहती प्रू़ ज़्या़एँ। यिहॱनाङ दि ताम ङोह स्ये़दोङ, किन्ज्योगी क्याहल्सी पोहलाराङ लेप सिहन्दी येह’ म़ेदी ओ़ह मिहया़ला स्येतोङ।
थाङ सोएँगी ङ्यिहमा च्यी़ फरिसी गोबा च्यी़गी येशूला राहङगी खाङबाला सोल छ्येच्येला फेप स्युहक्यो सोङबे येशू फरिसीगी खाङबाला फेप नाङसीन। ओहले ओ़हला येहकेन मिहया़गी येशूगी च्यि च्यि जेकु दुबा म़ेदी ङ्याहम च्येती त़ेदी तेहक्यो येहकें।
ओहले येहपाराङ, बप्तिस्मा तेर्केन यूहन्नागी ती़हजी थु मोशागी नाङग्यो छ्य़े-ठिम दाङ लुहङतेम्बाया़गी तेहन्दाला ख्येप्टा ताङसीन। ओहलेगी छुरॱताप किन्ज्योगी क्याहल्सीगी लेहङगु या़हबु स्ये यिहन्ज्यु मिहया़ किन्ज्योगी क्याहल्सी नाहङला स्य़ूहज्येला स्युक पेहकेन राङ येह।
येशू यरूशलेम पोहला लेप नाङग्यो येहकें। मिहया़ किन्ज्योगी क्याहल्सी ता़ह ग्यो़बाराङ ओहङज्ये येह माएँ सेमला ने़दी येशूगी स्याहल ङ्यिहन्गेराङ येहकें। ओहले येशूगी पे च्यी़ ज़्या़दी खुङया़ला किन्ज्योगी क्याहल्सीगी तेहन्दाला दि ल़ेहमु पे सुङ नाङसीन,
ओहले येशूगी ल़ेहन क्याहप नाङसीन, “ङाहती क्याहल्सी दि जाम्बुलीङदी मिहन। ङाहती क्याहल्सी दि जाम्बुलीङदी यिहन्गे यिहनानी ङाहला तिङ ङ्या़गेया़गी ङाहला यहूदीया़की लाहक्पाले थार च्य़ूज्ये म़ेदी जिङज्ये येहकें। यिहॱनाङ ङाहती क्याहल्सी दि जाम्बुलीङदी मिहन।”