लूका 17:16 - ह्योल्‍मो

¹⁶ ओहले खो येशूगी स्‍याहपला ज्‍याल्‍दी थुज्‍यी-छ्ये़ फुल्‍सीन। ओहले खोदी सामरिया साने़की मिह यिहन्‍गे।

लूका 17:16 ပူးပေါင်းရင်းမြစ်များ

मत्ती 10:5

येशूगी ओ़ह ल़ेह-पेन च्‍यिङ्यी़ला दि ल़ेहमु सुङदी ताङ नाङसीन, “ख्‍याया़ लेहमेन क्‍यिहपागी मिहया़साला ओहले सामरियागी क्‍याहसाया़ला माहन्‍डो।

मत्ती 2:11

ओहले ओ़ह खाङबाला लेप फान्‍ज्‍यो खुङया़ खाङबा नाहङला स्‍य़ूहसीन ओहले पेहजा ल़ेनुला आमा मरियम ङ्याम्‍बुराङ थोङसीन। ओहले खुङया़ पी़मु च़ूदी पेहजा ल़ेनुला ज्‍याल्‍सीन। ओहले राहङ-राहङगी काहम्‍ज्‍युङ खा फ़ेदी पेहजा ल़ेनुला सेर, स्‍युक्‍पा ओहले टिहमा स्‍यिहम्‍बु खाएँगी नुमया़की ज्‍याल्‍देन फुल्‍सीन।

मर्कूस 5:33

ओहजेला ओ़ह पी़हमीगी राहङगी ज़ुबुगी नाहजाया़ टा़हक्‍यो क्‍यी़ह ज्‍योर्ती मोह दार्ती ओहङदी येशूगी दिनला खेप्‍चु क्‍याहप्‍सीन, ओहले येशूला थाम्‍ज्‍यीराङ तेहन्‍दामकी केच्‍याया़ स्‍य़ेसीन।

लूका 17:17

ओहले येशूगी सुङ नाङसीन, “मिह च्‍युगाराङ चाङमा काहल्‍ग्‍यो मिहम्‍बा ले? राहङसा मेहन्‍दा कू़हदी का़हला येहबा ले?

लूका 5:8

दि थोङदी सिमोन-पत्रुस येशूगी स्‍याहपला पी़मु च़ूदी पत्रुसगी मासीन, “ओ़ चो़वो छ्येवा ला़ह, ङाहगी पोहला ज़्‍य़ू माहनाङ, ङाह तिहक्‍च्‍येम्‍बा यिहम्‍बा।”

यूहन्‍ना 4:9

ओहले सामरी पी़हमीगी मासीन, “राहङ यहूदी यिहन्‍देॱआङ काह-ठि पेहती ङाह सामरी पी़हमीगी लाहक्‍पालेगी छ्यु छ्य़े थुप ख़ूएँ ले?” (च्‍यिबेमाना सामरिया फेमा क्‍यिहपागी मिहया़ यिहन्‍गे सोङबे यहूदीया़ खुङ ङ्याम्‍बु डोलु-तेहलु मेहबे येहकें।)

यूहन्‍ना 8:48

ओहले यहूदीया़गी येशूला मासीन, “ख्‍ये सामरी यिहन ओहले ख्‍येला ल्‍हेन्‍डी स्‍य़ूहदी येह म़ेदी ङ्यिहगी माक्‍यो ताम च्‍यि ठाबे मिहम्‍बा ले?”

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

१ कोरिन्‍थी 14:25

खोगी सेम नाहङगी तामया़ थोङज्‍ये येह, ओहले खोगी खेप्‍चु क्‍याहप्‍ती किन्‍ज्‍योला त़ेरा तेच्‍या फुल्‍ज्‍ये येह, ओहले खोगी “किन्‍ज्‍यो ख्‍याया़गी पाहरक्‍यीला ज़्‍य़ू नाङदी दु” म़ेदी स्‍येच्‍ये येह।

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।

ज्‍याल्‍गा 4:10

ओहले खुङया़गी छ्ये़-लु लेहन्‍गेनॱराङ पेहकेमु नाहम्‍स्‍यी किन्‍दु सोम्‍बो दाङ ज़्‍य़ू-ठिला ज़्‍य़ू नाङगेन्‍दीगी दिनला ओ़ह ङ्यिहस्‍यु िज्‍़य छ्य़े-ठिमकी लोबेनया़ खेप्‍चु क्‍याहप्‍ती छ्या़ छाल्‍सीन ओहले खुङया़गी राहङ-राहङगी पेस्‍यो ज़्‍य़ू-ठिकी दिनला ज़्‍या़दी दि ल़ेहमु मासीन,

ज्‍याल्‍गा 5:14

ओहले ओ़ह सोम्‍बो सेम्‍ज्‍येन ज़्‍यिगी, “आमेन” म़ेदी ल़ेहन क्‍याहप्‍सीन ओहले छ्य़े-ठिमकी लोबेनया़गी छ्या़ छाल्‍गेनॱराङ त़ेरा तेच्‍या फुल्‍सीन!