लूका 17:1 - ह्योल्‍मो

¹ ओहले येशूगी राहङगी स्‍याहप्‍च्‍यीया़ला सुङ नाङसीन, “मिहया़ला तिहक्‍पा पेह च्‍य़ूएँगी ङ्याहम्‍छेया़नी ओहङॱराङ ओहङगे। यिहॱनाङ, ओ़ह ल़ेहमु तिहक्‍पा पेह च्‍य़ूएँगी मिहगी च्‍याहवा ज्‍यिबुराङ चोक्‍पा ओहङज्‍ये येह।

लूका 17:1 ပူးပေါင်းရင်းမြစ်များ

मत्ती 16:23

येशूगी पत्रुस ङो़ले लो़हदी सुङ नाङसीन, “ए ती़ह गो-छ्येवा, ङाहगी दिनले थेन्‍दी सोङ। ख्‍ये ङाहगी लाहमला नार्तो क्‍याहप्‍केन तोह ज़्‍या़ज्‍ये छोल्‍गे! ख्‍येगी दि साम्‍लु किन्‍ज्‍योलेगी मिहम्‍बा, यिहॱनाङ मिह ङो़लेगी ओहङग्‍यो यिहम्‍बा।”

मत्ती 18:7

काहजे छा़ तुहवा दि जाम्‍बुलीङ! च्‍यिबेमाना दि जाम्‍बुलीङला मिहया़ला तिहक्‍पाला छ्यि च्‍य़ूगेन्‍गी से़हया़नी माहङबुराङ येह। दि ल़ेहमु तिहक्‍पाला छ्यि च्‍य़ूगेन्‍गी से़हया़नी ओहङॱराङ ओहङगे, यिहॱनाङ ओ़ह मिहला का़हन्‍दीगी तिहक्‍पाला छ्यि च्‍य़ूगे खोला छा़ तुहवा।”

लूका 16:31

यिहॱनाङ अब्राहामगी ल़ेहन क्‍याहप्‍ती सुङ नाङसीन, ‘मोशा दाङ लुहङतेम्‍बाया़गी ताम मिह-ङ्यिहन्‍गेया़गी स्‍यिक्‍यो मिहराङ सोम्‍बो लो़हदी डोनाॱआङ यिह-छ्य़े पेहच्‍ये म़ेह’।”

रोमी 14:13

ओ़ह सोङबे ता़ह यिहन्‍ज्‍यु ओहराङ च्‍यी़गी च्‍यी़ला फातुर मा़हचु तोहरोङ ओहराङ राहङ नो़हया़ला नार्तो क्‍याहप्‍कें दाङ तिहक्‍पाला छ्यिच्‍युगेन्‍की तामया़ माज्‍ये म़ेह म़ेदी सेमला तेहम्‍बा-तेहन्‍सुम पेह कोहएँ।

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

१ कोरिन्‍थी 11:19

यिहन्‍ज्‍येनी तेहन्‍दामकी मिह ङोह स्‍येच्‍येला ख्‍याया़ नाहङला ठ़ूस्‍यी ओहङॱराङ कोहएँ।

१ कोरिन्‍थी 8:13

का़हलेॱआङ साहएँ से़हया़गी ङाहती किन्‍ज्‍योला यिह-छ्य़े पेहक्‍यो नो़हया़ला तिहक्‍पाला छ्यिच्‍युगे यिहन्‍सीमानानी ङाह नाहमॱआङ स्‍या साहज्‍ये म़ेह।

१ तिमोथी 4:1

नाम्‍पार-ताहक्‍पा थुगी छ्यिसाल-नाहङसाल जेती सुङ नाङगे, तिङ-तिङले काहजे मिहया़ गो़ कोर च्‍य़ूएँगी नाम्‍स्‍यी दाङ ल्‍हान्‍डा-ल्‍हेन्‍डीया़की लुहङया़ थो़ला सेम ताङदी तेहपा लो़हज्‍ये येह।

ज्‍याल्‍गा 2:14

यिहॱनाङ ख्‍याला टाह पेहते ङाहगी च्‍यिरा तामनी माॱराङ कोहएँ। ख्‍यागी पाहरक्‍यीला लाहला बालामकी लुहङ ची़गेया़ॱआङ येहबा। कुया़ला छ्येपा फुल्‍ग्‍यो से़हया़ से़हदी ओहले छ्येउ-छ्येंमु पेहती इस्राएलीया़ला तिहक्‍पाला छ्यि च्‍य़ूज्‍येला बालामगी क्‍याहल्‍बु बालाकला लोप्‍क्‍यो येहकें।

ज्‍याल्‍गा 2:20

यिहॱनाङ ख्‍येला टाह पेहते ङाहगी ताम च्‍यी़नी माॱराङ कोहएँ, ओ़ह ईजेबेल माएँ पी़हमीला ख्‍येगी ग्‍या़ तेर्ती येह। मोहगी ङाह लुहङतेम्‍बा यिहन म़ेदी माएँ ओहले ङाहला स्‍याहप्‍तो स्‍युहएँगी मिहया़ला गो़ कोर च्‍य़ूदी छ्येउ-छ्येंमु पेहच्‍येला ओहले कुया़ला छ्येपा फुल्‍ग्‍योगी से़हया़ साहज्‍येला लोप्‍कें।