लूका 16:25 - ह्योल्‍मो

²⁵ ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।

लूका 16:25 ပူးပေါင်းရင်းမြစ်များ

मत्ती 27:63

“लाहसो लाह, ङ्यिहगी टेहम्‍बा साल्‍देॱराङ येहबा, ओ़ह ह्‍आउस्‍या़गी सोम्‍बो येहकेंमुराङ ‘ङाह स्‍यी़दीले ङ्यिहमा सुमला येहपाराङ सोम्‍बो लो़हज्‍ये येह’ म़ेदी माक्‍यो येहकें।

मर्कूस 9:45

ओहले ख्‍येगी काङबागी ख्‍येला तिहक्‍पाला छ्यि च्‍यू़सीमाना ओ़हदीला तुप्‍ती क्‍युर चोहङ च्‍यिबेमाना काङबा ङ्यिकाराङ येहती ङ्याल्‍वाला छ्यिकें म़ेदीनी काङबा च्‍यी़ म़ेहबा पेहतीराङ नाहमॱआङ मेहस्‍यिएँगी मिहली ज़ाङबु ज्‍योर्केन्‍दीॱराङ या़हबु यिहम्‍बा। [

लूका 16:20

यिहॱनाङ खोगी कोह ग्‍या़ला लाजरस माएँ ज़ुबु काहङग्‍याराङ स्‍योवादीराङ स्‍योवा थेन्‍ग्‍यो प्राङबु मिह च्‍यी़ तेहको येहकें।

लूका 16:23

ओहले ङ्याल्‍वाला खोगी ज्‍यिबुराङ तुहक्‍पु खुर्ती तेहक्‍यो ती़हजीला खोगी याहर तासीन ओहले अब्राहामगी पोहला लाजरसलाॱआङ थोङसीन।

लूका 16:26

येहपाराङ ख्‍ये दाङ ङ्यिहगी पाहरक्‍यीला च्‍ये मी़हखुएँगी ज्‍यिबुराङ तिहङ-रिहङबुगी लुहङ च्‍यी़ येहबा, ओ़ह सोङबे ओहङज्‍ये सेम क्‍येॱनाङ सुॱआङ फार छुर डो मी़हखुएँ।’

लूका 6:24

“ए छ्युक्‍पुया़, ख्‍या काहन्‍डुमु छा़ तुहवा। च्‍यिबेमाना ख्‍यागी क्‍यिपु पेहती तेहकेन्‍गी मिहलीदी चो़ह सिहन्‍सीन।

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

ल़ेह-पेन 14:22

ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

फिलिप्‍पी 3:19

ता़ह खुङ ज्‍युक्‍स्‍योलला ङ्याल्‍वाला छ्यिच्‍ये येह च्‍यिबेमाना फोवाराङ खुङदी ल्‍हा यिहम्‍बा। खुङ राहङगी ङोहजागी तामया़ला छ्य़ेन्‍दो तेन्‍गे। ओहले खुङ जाम्‍बुलीङगी दि ल़ेहमुराङ से़हया़ थो़ला सेम च्‍याङगे।

१ थेसलोनिकी 3:3

च्‍यिबेमाना दि तुहक्‍पुया़गी पेहती ख्‍या फ़ेबे-म़ेहमेॱया सुज्‍यीॱआङ चो़वो ङो़ले तेहपा मा़हलोहज्‍यु। दिगी तेहन्‍दालाराङ ङ्यिहला चो़वोगी दाम नाङग्‍यो यिहम्‍बा म़ेदी राहङ फ़ेबे-म़ेहमेया़ला थुयी़राङ येह।

हिब्रू 11:25

तिहक्‍पा पेहती ङ्यिहमा ङ्यी़ सुमगी खाम्‍साङ-ङ्याहम्‍साङ पेहकें म़ेदीनी किन्‍ज्‍योगी मिहया़ ङ्याम्‍बु तुहक्‍पु खुर्केन्‍दीॱराङ खोगी दाम्‍सीन।

१ यूहन्‍ना 2:15

जाम्‍बुलीङ दाङ जाम्‍बुलीङला येहकेन्‍गी से़हया़ला चेवा माहबे। का़हन्‍दी मिहगी जाम्‍बुलीङला चेवा पेहकें खोगी किन्‍ज्‍योला चेवा मेहबेकें।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”