लूका 16:2 - ह्योल्‍मो

² ओहले छ्युक्‍पु मिहगी ओ़ह गोबाला क़े क्‍याहप्‍ती टी़हसीन, ‘ङाहगी ख्‍येगी तेहन्‍दाला च्‍यि थे़गेनराङ येहबा? ख्‍येगी थाम्‍ज्‍यीराङ चिदुङ ङाहला चि क्‍याहप स्‍यो! ता़ह यिहन्‍ज्‍यो ख्‍ये गोबा ओहङ मी़हखुएँ।’

लूका 16:2 ပူးပေါင်းရင်းမြစ်များ

मत्ती 12:36

ङाह ख्‍येला माएँ, फेन मे़हथोएँगी ताम माएँया़गी ठिम ताङगे ङ्यिहमु ताम रे़ह-रे़हगी चिदुङ तेर कोहच्‍ये येह।

मत्ती 20:8

“नाहम स़े फान्‍ज्‍यो कुहन्‍डुमगी स्‍यिहङ ताहक्‍पुगी राहङगी ल़ेह पेहकेनया़गी गोबाला मासीन, ‘ल़ेहमीया़ला क़े क्‍याहप्‍ती खुङया़गी ल़ेह पेहक्‍योगी ले़गा तेर। ले़गा तेर्केमु थाम्‍ज्‍यी म़ेदी तिङले ओहङगेनया़ यिहन्‍ज्‍यु गो़ छ़ूदी तिङले च्‍यी़राङ थाम्‍ज्‍यी म़ेदी तोहङले ओहङगेया़ला तेर।’

लूका 12:20

ओ़हजेलाराङ किन्‍ज्‍योगी खोला सुङ नाङसीन, “ए उल्‍दुम्‍बा मिह, तिहरीङ कुहङमुराङ ख्‍ये स्‍यिज्‍ये येह, ख्‍येगी सी़दे ज़्‍या़क्‍योगी क्‍युहया़ सुगी साहएँ?”

लूका 12:42

ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।

लूका 16:1

ओहले येशूगी राहङगी स्‍याहप्‍च्‍यीया़ला दि पे स्‍ये नाङसीन, “मिह छ्युक्‍पु च्‍यी़दी ल़ेह ताएँ गोबा च्‍यि येहकें। ओहले मिहया़गी, ‘ओ़ह गोबागी राहङगी क्‍युहया़ सिहन्‍दा च्‍येकेराङ येह’ म़ेदी छ्युक्‍पु मिहला सा क्‍याहप्‍सीन।

लूका 16:3

दि केच्‍या थ़े फान्‍ज्‍यो ओ़ह गोबागी सेम नाहङला दि ल़ेहमु ऩेसीन, ‘ता़ह ताहक्‍पुगी ङाहला दि ल़ेहले तेन्‍गे काहल्‍सीन। ता़ह ङाह च्‍यि पेहच्‍ये? ता़ह सा क़ेदी साहज्‍ये माना सा कोज्‍येला स्‍युक म़ेह, लाङदी साहज्‍ये माना ङाह ङोह छावा।

रोमी 14:12

ओ़ह सोङबे ओहराङ थाम्‍ज्‍यीगी राहङ-राहङगी चिदुङ किन्‍ज्‍योला च्‍याल कोहएँ।

१ कोरिन्‍थी 1:11

च्‍यिबेमाना ङाहगी आदा-नो़ह दाङ आज्‍यी-नुहमुया़, ख्‍याया़गी पाहरक्‍यीला ठुक्‍पा स्‍योर दु माएँ ताम आज्‍यी क्‍लोएकी खाङबा मे़हमेया़गी ङाहला स्‍येती येह।

१ कोरिन्‍थी 4:2

ओहले किन्‍ज्‍योदी तिहङ-रिहङबुगी तेहन्‍दा स्‍येच्‍येला चि क्‍याहप्‍क्‍योगी मिहया़ किन्‍ज्‍योगी ज़ी़लुला यिह-छ्य़ेबु ओहङ कोहकें।

१ कोरिन्‍थी 4:5

ओ़ह सोङबे किन्‍ज्‍योकी ठाबे जे नाङग्‍योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्‍ती तेहक्‍योकी से़हया़ क्‍या-साङेला नोम फेन नाङज्‍ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्‍ये येह। ओ़ह ती़हजीला मिह थाम्‍ज्‍यीगी राहङगी ज्‍योर कोहएँकी स्‍याबास किन्‍ज्‍यो लाहमले ज्‍योर्च्‍ये येह।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

१ तिमोथी 5:24

लाहला मिहया़दीनी तिहक्‍पा छ्यिसाल-नाहङसालाॱराङ पेहती थोङगेन्‍दी ओहङगे ओहले खुङया़ला तोहङलेराङ ङ्य़ेहबा फोएँ। यिहॱनाङ काहजे मिहया़गी तिहक्‍पादी तिङ-तिङले च्‍यी़राङ थोङगेन्‍दी ओहङगे।

१ पत्रुस 4:10

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।

१ पत्रुस 4:5

यिहॱनाङ सोम्‍बो मिह दाङ स्‍यिक्‍यो मिहया़ला ठिम ताङ नाङगेन किन्‍ज्‍योगी दिनला दिगी तेहन्‍दाला खुङया़गी चिदुङ तेर कोहच्‍ये येह।

ज्‍याल्‍गा 20:12

ओहले स्‍यिक्‍यो मिह फेमा दाङ छ्यिम्‍बु थाम्‍ज्‍यीराङ ज़्‍य़ू-ठिकी दिनला लाहङदी तेहक्‍योदी ङाहगी थोङसीन ओहले छ्य़ेया़ खा फ़ेसीन। लेहमेन छ्य़े च्‍यी़ॱआङ खा फ़ेसीन, ओ़हदी मिहलीगी छ्य़े यिहन्‍गे। ओ़ह छ्य़ेला प्रुहक्‍यो खुङया़गी ल़ेहला ते़बे स्‍यिक्‍यो मिहया़ला ठिम ताङसीन।