लूका 15:7 - ह्योल्‍मो

⁷ ङाहगी ख्‍याला माएँ, स्‍या़बा डुप मेहकोहएँ क्‍याह च्‍यी़ला च्‍यी़ छ्याक्‍पा टाहङबुया़ला म़ेदी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला स्‍यिहङगामला माहङबु काहसो पेहच्‍ये येह।”

लूका 15:7 ပူးပေါင်းရင်းမြစ်များ

मत्ती 18:13

का़हलेॱआङ खोगी ओ़ह ल़ूहला च्‍य़ेह सिहन्‍सीमाना, तेहम्‍बाराङ ङाह ख्‍याया़ला माएँ, ओ़ह माहर्तोपागी क्‍याह च्‍यी़ला च्‍यी़ छ्याक्‍पा ल़ूहला म़ेदीॱआङ ओ़ह च्‍य़ेह सिहन्‍ग्‍योगी ल़ूह च्‍यी़गी तेहन्‍दाला खो ज्‍यिबुराङ क़ेहनाङ पेहच्‍ये येह।

मत्ती 3:8

ख्‍याया़ राहङ-राहङगी सेमगी स्‍या़बा पेहती तिहक्‍पा पाङदी राहङगी सेम किन्‍ज्‍यो ङो़ले लो़हक्‍यो यिहन्‍सीमानानी ख्‍याया़ ओ़हला ते़बेगी डोलु-तेहलु पेहतोङ।

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”

लूका 15:29

“यिहॱनाङ खोगी आबाला दि ल़ेहमु म़ेदी ल़ेहन क्‍याहप्‍सीन, ‘देजे लोह थु ङाह आबागी खाङबाला योक्‍पु ल़ेहमुराङ पेहती ल़ेह पेहसीन। ओहले राहङगी नाङग्‍योकी काया़ ङाहगी नाहम्‍माॱनाङ ची़दी तेहसीन। यिहॱनाङ ङाहलादी नाहमॱआङ रो़हया़ ङ्याम्‍बु छो़दी साहज्‍येला राह पी़हरु च्‍यी़ॱआङ माहनाङ’।”

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

लूका 15:6

खाङबाला लेप्‍ती खो राहङगी रो़हया़ दाङ टोहङरोया़ला क़े क्‍याहप्‍ती माएँ, ‘ङाहती तोरक्‍यो ल़ूह ङाहगी च्‍य़ेह सिहन्‍सीन! ता़ह ङाह ङ्याम्‍बुराङ ख्‍याया़ॱआङ क़ेहनाङ पेहतोङ!’ म़ेदी माएँ।

लूका 15:8

“ओहले येहपाराङ, पे यिहॱना़: पी़हमी च्‍यी़ ङ्याम्‍बु ङुल-टाङ च्‍यु येहकें। ओहले मोहगी ङुल-टाङ च्‍यी़ तोर च्‍य़ूसीन। ता़हनी ओ़ह पी़हमीगी च्‍यि पेहटो? लो पार्ती काना-कुनाया़ला छ्या़मागी च्‍यो़हदी ओ़ह ङुल-टाङ माहन्‍ज्‍योर थु मेहछोल्‍गे ले?

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

लूका 5:32

ओ़ह ल़ेहमुराङ ङाह टाहङबु मिहया़ला मिहम्‍बा, तिहक्‍च्‍येम्‍बाया़ला सेमगी स्‍या़बा पेहती तिहक्‍पा पाङदोङ म़ेदी क़े क्‍याहप्‍च्‍येला ओहङग्‍यो यिहम्‍बा” म़ेदी सुङ नाङसीन।

रोमी 7:9

ती़हजी च्‍यी़ला ङाहगी छ्य़े-ठिम माहन्‍ज्‍योर्पा येहकें ओहजेला ङाह सोम्‍बोराङ येहकें, यिहॱनाङ का़ ज्‍योर फान्‍ज्‍यो ओ़ह ङ्याम्‍बु-ङ्याम्‍बुराङ तिहक्‍पाॱआङ ओहङसीन, ओहले ङाह राहङती स्‍यिसीन।