लूका 15:2 - ह्योल्‍मो

² यिहॱनाङ फरिसीया़ दाङ छ्य़े-ठिमकी लोबेनया़गी येशूगी तेहन्‍दाला, “दि मिहगी नि तिहक्‍च्‍येम्‍बा मिहया़ला क़े क्‍याहप्‍ती खुङया़ ङ्याम्‍बुराङ तेहती साहउ दु!” म़ेदी लोहङडी पेहसीन।

लूका 15:2 ပူးပေါင်းရင်းမြစ်များ

मत्ती 11:19

मिहगी स़ेबु से़हदी थुङदी ओहङसीन, ओहले खुङया़गी, ‘त़ेदोङ, साहउ, छ्याङसीवा, ठाल तुहएँ दाङ तिहक्‍च्‍येम्‍बाया़गी छ्येटो’ म़ेदी माएँ। किन्‍ज्‍योगी रिहक्‍स्‍यी ठाबे येह म़ेदी खोगी पेहक्‍यो ल़ेहगीॱराङ प्रा साल्‍गे।”

मत्ती 9:11

दि थोङदी फरिसीया़गी येशूगी स्‍याहप्‍च्‍यीया़ला, “च्‍यिबे ख्‍याया़गी लोबेन ठाल तुहएँ मिहया़ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येके?” म़ेदी टी़हसीन।

लूका 15:3

ओहले येशूगी पे च्‍यी़ ज़्‍या़दी सुङ नाङसीन,

लूका 19:7

ओहले येशू जखायस ङ्याम्‍बु फेप्‍कें थोङगोराङ मिहया़गी, “दि मिहनी तिहक्‍च्‍येम्‍बागी खाङबाला गा तेह डोउ दु!” म़ेदी च्‍यी़गी च्‍यी़ला मामा चासीन।

लूका 5:30

ओहले खुङ फ़ेबेॱया ङ्याम्‍बुराङ ज़्‍य़ूदी सोल छ्येकेन थोङदी फरिसी दाङ छ्य़े-ठिमकी लोबेनया़गी येशूगी स्‍याहप्‍च्‍यीया़ला, “ख्‍याया़ च्‍यिबे ठाल तुहएँ दाङ तिहक्‍च्‍येम्‍बा मिह ङ्याम्‍बुॱआङ तेहती साहएँ दाङ थुङगे?” म़ेदी टी़हसीन।

लूका 7:34

ङाह मिहगी स़ेबु ओहङदी साहसीन, थुङसीन ओहले ख्‍यागी, ‘ते़ साहउ, छ्याङसीवा, ठाल तुहएँ मिह दाङ तिहक्‍च्‍येम्‍बाया़गी रो़ह’ म़ेदी क्‍येन ता़गेॱराङ येह।

लूका 7:39

ओहले येशूला सोल छ्येच्‍येला फेप स्‍युहक्‍योगी फरिसी सिमोनगी, “येशू तेहम्‍बाराङ लुहङतेम्‍बा यिहम्‍बा यिहनानी राहङला दे़गेन्‍गी पी़हमी काहजे तिहक्‍च्‍येम्‍बा यिहन म़ेदी ङोह ख्‍येन्‍ज्‍ये येहकें” म़ेदी खोगी सेमला ऩेसीन।

ल़ेह-पेन 11:3

“स्‍या-ताक माहबेबा मिहया़साला काहल्‍दी खुङ ङ्याम्‍बु ख्‍येगी च्‍यिबे तो साहक्‍यो?”

गलाती 2:12

याकूबगी ताङग्‍यो मिहया़ ओहङगे म़ेदी तोहङले खोगी लेहमेन क्‍यिहपाकी मिहया़ ङ्याम्‍बु तेहती साहउ येहकें। यिहॱनाङ खुङया़ ओहङ सिहन फान्‍ज्‍योनी खो लेहमेन क्‍यिहपाकी मिहया़ ङ्याम्‍बु खा फ़ेदी तेहसीन, च्‍यिबेमाना खो स्‍या-ताक पेह कोहएँ म़ेदी माएँ मिह बा़लया़ ङ्याम्‍बु ज्‍यी़दी येहकें।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।