लूका 14:23 - ह्योल्‍मो

²³ “ओहले ताहक्‍पुगी योक्‍पुया़ला मासीन, ‘क्‍याहसाले माहर डोसा लाहम दाङ युहलया़ला काहल्‍दी मिहया़ला उर्चु पेहती क़े क्‍याहप्‍ती ख्‍येर-स्‍यो, ङाहगी खाङबा काहङॱराङ कोहएँ!’

लूका 14:23 ပူးပေါင်းရင်းမြစ်များ

मत्ती 21:43

“ओ़ह सोङबे ङाह ख्‍याया़ला माएँ, किन्‍ज्‍योगी क्‍याहल्‍सी ख्‍याया़लेगी फ्रो़दी सेदो या़ह च्‍य़ूगेन्‍गी लेहमेन क्‍यिहपा च्‍यी़ला तेर्च्‍ये येह।

मत्ती 5:41

का़हलेॱआङ सुज्‍यीगी ख्‍येला नेसा च्‍यी़ डे़ लाङ म़ेदी उर्चु पेहसीमाना खो ङ्याम्‍बु नेसा ङ्यी़ डे़ तेर।

लूका 14:22

“ओहले योक्‍पुगी ताहक्‍पुला मासीन, ‘ने़बु लाह, राहङगी सुङ नाङग्‍योया़ला ङाहगी क़े क्‍याहप्‍ती ख्‍योङसीन। यिहॱनाङ तोहरोङॱआङ तेहसा ग्‍या़ नि माहङबुराङ येह’।”

लूका 14:24

ङाहगी पाहङज्‍येन क्‍याहप्‍क्‍योया़ नाहङला सुज्‍यीगीॱआङ ङाहती डेनगी प्रे़ह ङ्याम ङ्युहङज्‍ये म़ेह।”

लूका 24:29

ओहले खुङगी येशूला दि ल़ेहमु म़ेदी उर्चु पेहसीन, “ङ्यिह ङ्याम्‍बुराङ ज़्‍य़ू नाङदोङ, च्‍यिबेमाना नाहम से़ज्‍ये पेहसीन, ओहले ङ्यिहमा माहङबुराङ योहल सिहन्‍दी येह।” ओहले येशू खुङ ङ्याम्‍बुराङ ज़्‍य़ूज्‍येला खाङबा नाहङला स्‍य़ूह नाङसीन।

ल़ेह-पेन 16:15

यिह-छ्य़े पेहती तिङले मोह दाङ मोहगी खाङबागी म़ेहमे थाम्‍ज्‍यीगीराङ छ्युगी बप्‍तिस्‍मा लेहन्‍सीन। ओहले मोहगी ङ्यिहला थाल्‍मु च्‍याहर्ते मासीन, “राहङ फे़बेया़गी ङाहला, तेहम्‍बाराङ चो़वोला यिह-छ्य़े पेहक्‍यो नुहमु यिहन म़ेदी राहङ फे़बेया़गी थुला ठुङसीमाना ङाहगी खाङबाला फेप्‍ते ङ्यिह ङ्याम्‍बुराङ ज़्‍य़ू नाङदोङ” म़ेदी मोहगी ङ्यिहला उर्चु पेहसीन।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

ल़ेह-पेन 28:28

ओहले पावलगी ताम था़ च्‍येती मासीन, “ओ़ह सुङगोराङ ता़ह ङाह राहङ फे़बेया़ला माएँ, किन्‍ज्‍योगी थार्पागी या़हबु लेहङगु मिहरोगी लेहमेन क्‍यिहपाया़ साला ताङ नाङदी येह ओहले खुङया़गी ङ्यिहन्‍ज्‍ये येह।”

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

रोमी 10:18

ओ़हठी यिहन्‍सीमाना च्‍यि खुङया़गी ङ्यिहन माहङ्युहङ? मिहम्‍बा, तेहम्‍बाराङ खुङया़गी थे़दे येह, च्‍यिबेमाना “खुङया़गी क़े लुहङबा थाम्‍ज्‍यीला फेल सिहन्‍दी येह, ओहले खुङया़गी माक्‍यो ताम जाम्‍बुलीङ रेबेलाॱराङ लेप सिहन्‍दी येह।”

२ कोरिन्‍थी 5:11

ओ़ह सोङबे ङ्यिहगी चो़वोगी ज्‍यिक्‍पा ङोह स्‍य़ेक्‍यो सोङबे ङ्यिह मिहया़ला ला़ खाएँ थु चो़वो ङो़ला लो़ज्‍येला स्‍युक पेहकें। यिहॱनाङ ङ्यिह काह-ठि येहबा ओ़ह किन्‍ज्‍योगी ङोह ख्‍येन्‍गे। ओहले ख्‍याया़गीॱआङ ङ्यिहगी तेहन्‍दाला या़हबु पेहती ङोह स्‍य़ेदीॱराङ येहटो म़ेदी ङाह रेहवा पेहको येहबा।

२ कोरिन्‍थी 5:20

ओ़ह सोङबे ङ्यिह मास्‍यीकागी राजदूतया़ यिहम्‍बा, ओहले किन्‍ज्‍योगी ङ्यिह लाहमले ओहर-छ्य़े स्‍य़ूह नाङगेराङ येह। मास्‍यीकागी छ्यो़ले ङ्यिह ख्‍याया़ला ओहर-छ्य़े स्‍युहएँ, ख्‍याया़ किन्‍ज्‍यो ङ्याम्‍बु थिनदोङ।

२ कोरिन्‍थी 6:1

ङ्यिह किन्‍ज्‍यो ङ्याम्‍बुराङ ल़ेह पेहकें सोङबे ङ्यिह ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला काटीन जे नाङग्‍योदी ता़ह ओ़ह स्‍यिती काम्‍बुलाराङ थोरो डो मा़हच्‍यु।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

कलस्‍सी 1:28

मिह थाम्‍ज्‍यीला मास्‍यीकाला छाङबु जे़दी किन्‍ज्‍योगी दिनला तेन ख़ूज्‍यु म़ेदी ङ्यिह मिह ऱेह-ऱेहला ज्‍यी़-ङोर तेन्‍गेॱराङ ओहले मिह ऱेह-ऱेहला थाम्‍ज्‍यी रिहक्‍स्‍यीला लोप्‍केॱराङ मास्‍यीकाकी तेहन्‍दाला स्‍येकें।

२ तिमोथी 4:2

ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।