लूका 13:21 - ह्योल्‍मो

²¹ दिनी खमिर लू़क्‍योगी खुरा ल़ेहमु यिहम्‍बा। पी़हमी-पेहजा च्‍यी़गी सिपाज्‍यी खमिर लेहन्‍दे डा़लो सुम चाम्‍बाला स़े ज़्‍या़एँ, ओहले ओ़ह थाम्‍ज्‍यीराङ चाम्‍बाया़ फोर्ती ओहङगे!”

लूका 13:21 ပူးပေါင်းရင်းမြစ်များ

मत्ती 13:33

ओहले येहपाराङ येशूगी लेहमेन पे च्‍यी़ ज़्‍या़दी सुङ नाङसीन, “किन्‍ज्‍योगी क्‍याहल्‍सी खमिर ल़ेहमु ओहङगे। पी़हमी-पेहजा च्‍यी़गी सिपाज्‍यी खमिर लेहन्‍दी चाम्‍बा पादी सुमचेला से़एँ ओहले ओ़ह चाम्‍बा थाम्‍ज्‍यी फोर्ती ओहङगे!”

लूका 13:20

ओहले येहपाराङ येशूगी सुङ नाङसीन, “किन्‍ज्‍योगी क्‍याहल्‍सी ङाहगी लेहमेन च्‍यि ङ्याम्‍बु तुहर्च्‍ये?

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

१ कोरिन्‍थी 5:6

ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?

फिलिप्‍पी 1:6

किन्‍ज्‍योगी ख्‍याया़गी पाहरक्‍यीला छ्या़ले या़हबुज्‍यी छ़ू नाङसीन, ओहले मिहरोगीॱराङ येशू मास्‍यीकाकी ङ्यिहमाला ओ़ह तेहन्‍दा डुप च्‍य़ू नाङज्‍ये येह।

याकूब 1:21

ओ़ह सोङबे ख्‍यागी दि रोहवा चोक्‍पा दाङ नाम्‍दो लाहङज्‍ये ल़ेहमु पेहताङया़ थाम्‍ज्‍यीराङ क्‍युर्तोङ। किन्‍ज्‍योगी राहङगी सुङ ख्‍यागी सेमला ज़्‍या़ नाङदी येहबा ओ़हदीला ख्‍यागी स्‍यिहवा पेहती लेहन्‍दोङ च्‍यिबेमाना दिगीॱराङ ख्‍याला थार च्‍य़ूएँ।