लूका 13:11 - ह्योल्‍मो

¹¹ ओहले ओ़ह छो़खाङला नेहपा पी़हमी च्‍यी़ येहकें। ङ्येहम्‍बा नाम्‍स्‍यीगी मोहला ऩेह-रोक्‍पा जे़दी लोह च्‍याप्‍क्‍ये काहल्‍दी येहकें। मोह क्‍येपा कुहर्ती काहल्‍दी ख्‍याङ पेह मी़हखु येहकें।

लूका 13:11 ပူးပေါင်းရင်းမြစ်များ

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मर्कूस 9:21

ओहले येशूगी आबादीला, “खोला दि ल़ेहमु काहल्‍ग्‍योदी काहजे काहल्‍बा ले?” म़ेदी टी़ह नाङसीन ओहले आबादीगी “खो फेमा येहकें यिहन्‍ज्‍युराङ दि ल़ेहमु काहल्‍ग्‍यो यिहम्‍बा” म़ेदी स्‍युहसीन।

लूका 13:12

ओ़ह नेहपाला येशूगी ज़ी़सीन ओहले क़े क्‍याहप्‍ती सुङ नाङसीन “ए पोहमो, ता़ह ख्‍ये राहङगी नाहजालेगी थार टोहल्‍सीन।”

लूका 13:16

दि अब्राहामगी पोहमोला ती़ह गो-छ्येवागी ताहम ज़्‍या़दी लोह च्‍याप्‍क्‍ये काहल सिहन्‍दी येहकें, ओहले मोहला थाङ सोएँ ङ्यिहमाला स्‍यी़दी ताङ तेर्च्‍ये मेहयोहङगे ले?” म़ेदी सुङ नाङसीन।

लूका 21:28

ओहले दि ल़ेहमु से़हया़ ओहङगे ती़हजीला ख्‍याया़ लाहङदी राहङगी गो़ याहर क्‍या़दोङ, च्‍यिबेमाना ख्‍याया़गी थार्पा पोहलाराङ लेप्‍ते येह।”

लूका 8:2

ओहले ङ्येहम्‍बा नाम्‍स्‍यी स्‍य़ूहक्‍यो दाङ ना थाम्‍ज्‍यीराङ नाहजा ङो़ले टा़हक्‍यो राहङसा पी़हमीॱया़ङ येशूगी तिङदा तिङ काहल्‍सीन। खुङया़ मग्‍दलिनी माएँ मरियम येहकें, मोहगी ज़ुबुले येशूगी ल्‍हेन्‍डी तिहन थाल तेन नाङग्‍यो येहकें।

लूका 8:27

ओहले येशू टुह-छ्युङले फाप नाङगेमु ओ़ह क्‍याहसालेगी ल्‍हेन्‍डी स्‍य़ूहक्‍यो मिह च्‍यी़ थेन्‍दी ओहङसीन। ओ़ह मिहगी ङ्यिहमा माहङबुराङ यिहन्‍ज्‍यु काप्‍च्‍या माहकेहम्‍बा येहकें ओहले खो खाङबाला माहतेहपा पेहती तुहर्सागी फुक्‍पाया़ला तेहको येहकें।

लूका 8:43

ओ़ह मिह मिह-माहङ नाहङला पी़हमी-पेहजा च्‍यी़ ज़ुबु ली़ह माहङबु ओहङगेन्‍गी नाहजा क्‍याहप्‍ती लोह च्‍यिङ्यी़ काहल्‍ग्‍यो येहकें। ओहले च्‍यि मेन पेहतीॱआङ सुगीॱआङ मोहला टा़ह च्‍य़ू मा़हखुबा येहकें।

ल़ेह-पेन 3:2

छ्योखाङ नाहङला स्‍य़ूहगे मिहया़ ङ्याम्‍बु सेङ्यिम लाङज्‍येला क्‍येएँ यिहन्‍ज्‍युराङ काङबा कुच्‍या मिह च्‍यी़ला मिहया़गी खुर ख्‍योङदी ङ्यिहमा-टाहङमाराङ छ्योखाङगी ज़ेबु माएँ कोह ग्‍या़ला ज़्‍या़ तेर्को येहकें।

ल़ेह-पेन 4:22

दि रोहवा याहम्‍जेन छ्येवाच्‍यी पेहती टा़हक्‍यो मिहगी लो़ह, लो़ह-ज़्‍यिप-च्‍यु म़ेदीॱआङ ल्‍हाक्‍पु काहल्‍दी येहकें।