लूका 12:39 - ह्योल्‍मो

³⁹ “ओहले दि केच्‍या सेमला ङोह स्‍य़ेदी ज़्‍यो़, कुमेन देजे ती़हजीला ओहङगे म़ेदी क्‍यी़ह ज्‍योर्पा येहनानी खाङबागी ताहक्‍पुगी कुमेनला नाहङला स्‍य़ूह च्‍य़ूज्‍येॱराङ म़ेहबा येहकें।

लूका 12:39 ပူးပေါင်းရင်းမြစ်များ

मत्ती 24:42

“ओ़ह सोङबे ख्‍याया़ टिहम्‍बु पेहती तेहतोङ च्‍यिबेमाना ख्‍याया़गी चो़वो का़हन्‍दी ङ्यिहमाला फेप नाङगे यिहम्‍बा म़ेदी ख्‍याया़ला क्‍यी़ह मेहयोहङगे।

मत्ती 6:19

“दि जाम्‍बुलीङला राहङगी तेहन्‍दाला क्‍युहया़ सी़दी मा़हज्‍या। देला सी़ ज़्‍या़क्‍योगी क्‍युहया़ला बु क्‍याहप्‍कें, चेगी साहएँ, कुमेन स्‍योरके।

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।

ज्‍याल्‍गा 16:15

“त़ेदोङ, ङाह कुमेन ल़ेहमुराङ पेहती ओहङज्‍ये येह। ङ्यि छ़ेती तेहकें दाङ राहङ काप्‍च्‍या सी़दे ज़्‍या़गेया़ काहजे सोनाम-साक्‍पु। मिहन्‍सीमाना खो च्‍येहन्‍डामुॱराङ डो कोहच्‍ये येह ओहले खो ङोह छा कोहच्‍ये येह।”

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।