लूका 11:9 - ह्योल्‍मो

⁹ “ओ़ह सोङबे ङाहगी ख्‍याला माएँ, लाङदोङ, ओहले ख्‍याला ज्‍योर्च्‍ये येह, छोल्‍दोङ, ओहले ख्‍यागी च्‍य़ेह सिहन्‍ज्‍ये येह! कोहला लाहङदी कोह तुहङदोङ ओहले नाहङलेगी ख्‍यागी तेहन्‍दाला कोह खा फ़ेज्‍ये येह!

लूका 11:9 ပူးပေါင်းရင်းမြစ်များ

मत्ती 21:22

ख्‍याया़गी यिह-छ्य़े पेहती सोल्‍वाङ ताप्‍सीमाना, ख्‍याया़गी च्‍यि लाङगे ओ़हदी ज्‍योर्च्‍ये येह।”

मत्ती 21:31

ता़ह ओ़ह पुह पिन ङ्यी़ नाहङला का़हन्‍दीगी आबागी ताङग्‍योगी केपाला ङ्यिहम्‍बा?” म़ेदी येशूगी टी़ह नाङसीन। “आदादीगी!” म़ेदी खुङया़गी ल़ेहन क्‍याहप्‍सीन। ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ठाल तुहएँया़ दाङ बान्‍डन पेहकेया़ ख्‍याया़ म़ेदी तोहङले किन्‍ज्‍योगी क्‍याहल्‍सीला स्‍य़ूहज्‍ये येह।

मत्ती 6:29

यिहॱनाङ ङाह ख्‍याया़ला माएँ, सोलोमन क्‍याहल्‍बु ङ्याम्‍बु ओ़ह ल़ेहमु ते़ङेन क्‍युह-नोहर येहतीॱआङ खो ओ़ह मेहन्‍दोया़ चेबा ज़ाप मा़हखुबा येहकें।

मर्कूस 11:24

ओ़ह सोङबे ङाहगी ख्‍याला माएँ, ख्‍यागी किन्‍ज्‍योला सोल्‍वाङ ताप्‍ती च्‍यिॱआङ लाङसीमाना, ओ़ह स़ेह ङाहगी ज्‍योर सिहन्‍दी येह म़ेदी यिह-छ्य़े पेहतोङ ओहले ख्‍यागी लाङग्‍योगी से़हया़ ज्‍योर्च्‍ये येह

मर्कूस 13:37

ख्‍याला माक्‍यो ल़ेहमुराङ ङाहगी थाम्‍ज्‍यीलाराङ माक्‍यो यिहम्‍बा, ‘जेम्‍बु पेहती तेहतोङ’!” म़ेदी येशूगी सुङ नाङसीन।

लूका 11:10

च्‍यिबे मासीमाना लाङगेन्‍दीगी ज्‍योर्च्‍ये येह, छोल्‍गेन्‍दीगी च्‍य़ेह सिहन्‍ज्‍ये येह, ओहले कोहला तुहङदी क़े क्‍याहप्‍केन्‍दीला कोह खा फे़ तेर्च्‍ये येह।

यूहन्‍ना 14:13

ख्‍याया़गी ङाहगी मिहनला च्‍यि लाङॱनाङ स़ेबु लाहमले याहपकी ज़िज्‍यिद ओहङज्‍यु म़ेदी ङाह ओ़ह पेहच्‍ये येह।

यूहन्‍ना 15:16

ख्‍याया़गी ङाहला मा़हदाम यिहॱनाङ ङाहगी ख्‍याया़ला दाम्‍सीन, ओहले ख्‍या काहल्‍दी सेदो या़ह च्‍य़ूदोङ ओहले ख्‍याया़गी सेदो नाहम-माना या़हदे तेहच्‍यु म़ेदी ङाहगी ख्‍याला कुल्‍सीन। ओ़ह सोङबे ख्‍यागी ङाहगी मिहनला याहप ङ्याम्‍बु च्‍यि लाङगे ओ़हदी याहपगी ख्‍याला नाङज्‍ये येह।

यूहन्‍ना 15:7

का़हलेॱआङ ख्‍या ङाह ङ्याम्‍बु तेहसीन माना ओहले ङाहती सुङ ख्‍या ङ्याम्‍बु येहसीमाना, ख्‍यागी च्‍यि लाहङज्‍ये सेम क्‍येएँ ओ़ह लाङदोङ, ओहले ओ़हदी ख्‍यागी ज्‍योर्च्‍ये येह।

यूहन्‍ना 4:10

येशूगी मोहला सुङ नाङसीन, “ख्‍येगी किन्‍ज्‍योगी काबाप दाङ ख्‍ये ङ्याम्‍बु छ्यु लाङगे मिहला ङोह स्‍य़ेक्‍यो येहनानी ख्‍येगी गा खो ङ्याम्‍बु लाङज्‍ये येहकें, ओहले खोगी ख्‍येला मिहली तेर्केन्‍गी छ्यु तेर्च्‍ये येहकें।”

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

२ कोरिन्‍थी 6:2

च्‍यिबेमाना किन्‍ज्‍योगी सुङ नाङगे, “ठाबे ती़हजीला ङाहगी ख्‍येती क़ेला थ़ेसीन, ओहले थार्पाकी ङ्यिहमाला ङाहगी ख्‍येला रो़हराम पेहसीन।” त़ेदोङ, ठाबे ती़हजीनी नाहरे यिहम्‍बा, थार्पागी ङ्यिहमाॱआङ नाहरेराङ यिहम्‍बा।

हिब्रू 11:6

तेहपा माहबेबा पेहती सुज्‍यीगीॱआङ किन्‍ज्‍योकी थु काहसो ज़ो मी़हखुएँ च्‍यिबेमाना किन्‍ज्‍योसाला डोएँ मिहया़गी “किन्‍ज्‍यो येहॱराङ येहबा ओहले किन्‍ज्‍योला छोल्‍गेया़ला मिहरोगी च्‍याहगा नाङज्‍ये येह” म़ेदी यिह-छ्य़े पेह कोहएँ।

हिब्रू 4:16

ओ़ह सोङबे ओहराङ स्‍युक छ्यिम्‍बु पेहती किन्‍ज्‍योकी काटीनकी ज़्‍य़ू-ठि पोहला डो। ओहराङला कोम्‍बु डोएँमु ओ़हला ओहराङगी किन्‍ज्‍योकी थुज्‍यी दाङ काटीन ज्‍योर्च्‍ये येह।

याकूब 1:5

ओहले ख्‍याया़ नाहङला सुलाॱआङ रिहक्‍स्‍यीती कोम्‍बु येहसीमाना किन्‍ज्‍यो ङ्याम्‍बु लाङदोङ ओहले ख्‍येगी रिहक्‍स्‍यी ज्‍योर्च्‍ये येह च्‍यिबेमाना किन्‍ज्‍योगी थु ज़ाङबु जेती थाम्‍ज्‍यीलाराङ बोलो-छ्योलो नाङज्‍ये येह।

याकूब 5:15

तेहपा पेहती ताप्‍क्‍यो सोल्‍वाङगी नेहपा थार च्‍य़ूज्‍ये येह ओहले चो़वोगी खोला टा़ह च्‍य़ू नाङज्‍ये येह, ओहले का़हलेॱआङ खोगी तिहक्‍पा पेहक्‍यो येहसीमाना चो़वोगी खोला कोहङदा नाङज्‍ये येह।

१ यूहन्‍ना 3:22

ओहराङगी किन्‍ज्‍योगी काया़ ची़क्‍यो दाङ मिहरोगी थु ङ्ये़एँगी ल़ेहया़ पेहक्‍यो सोङबे ओहराङगी च्‍यि लाङगे ओ़ह मिहरोगी नाङगे।

ज्‍याल्‍गा 2:24

यिहॱनाङ दि ल़ेहमु लुहङला मा़हचीबा दाङ ती़ह गो-छ्येवाकी ह्‍अ कोह मी़हखुएँ तिहङ-रिहङबुकी केच्‍याया़ माहलोप्‍पागी थिआटीराकी छेन्‍छोकला येहकें लेहमेनया़ला ङाह दि माएँ– ङाह ख्‍याया़ला खुर्पु च्‍यिॱआङ मेहकाल।