लूका 11:22 - ह्योल्‍मो

²² यिहॱनाङ, खो म़ेदी स्‍युक छ्यिम्‍बु मिह ओहङदी च्‍योम्‍सीमाना ओ़ह मिहगी खोला क्‍याहल्‍गे, ओहले खो छेन्‍ज्‍यागी पेहती ङाह क्‍याहल्‍गे म़ेदी सेमला ऩेग्‍योगी छेन्‍ज्‍याया़राङ ओ़ह मिहगी फ्रो़दी ख्‍येर्कें, ओहले क्‍युह पेलाॱया़ङ ख्‍येर्ती रो़हया़ला के़हदी तेर्कें” म़ेदी येशूगी सुङ नाङसीन।

लूका 11:22 ပူးပေါင်းရင်းမြစ်များ

लूका 11:21

स्‍युक छ्यिम्‍बु येहकेन मिह च्‍यी़गी छेन्‍ज्‍या ना थाम्‍ज्‍यीराङ थो़दी राहङगी खाङबाला सुङदी तेहसीमाना खोगी क्‍युह पेलाया़ मेहतोर्केन।

लूका 11:23

“ङाहला छ्यो़ मेहबेएँ मिहगी ङाहला टाह पेहकें, ओहले ङाहला रुहप पेहच्‍येला रो़ह मेहबेकेन्‍दीगी रुहप पेहक्‍योया़ॱआङ फेतोर कोहतोर ताङगे!” म़ेदी येशूगी सुङ नाङसीन।

एफिसी 6:11

ती़ह गो-छ्येवागी पेहकेन नामे नाजो चिहनया़ला दुल्‍ज्‍येला किन्‍ज्‍योगी नाङग्‍यो थाम्‍ज्‍यीराङ छेन्‍ज्‍याया़ राहङ ज़ुबुला क्‍येहन्‍दी तेह।

एफिसी 6:13

ओ़ह सोङबे ख्‍याया़गी किन्‍ज्‍योकी नाङग्‍यो थाम्‍ज्‍यी छेन्‍ज्‍याया़ केहन्‍दोङ, ओहले दि ल़ेहमु पेहती ख्‍याया़गी ङ्यिहमा चोक्‍पाला ओहराङगी टाह ती़ह गो-छ्येवा च्‍योम ओहङगेमु खोला का ख़ूज्‍ये येह ओहले ख्‍ये तिङ थुराङ मा़ क्‍याहप्‍ती लाहङदी तेह ख़ूज्‍ये येह।

कलस्‍सी 2:15

ओहले ओ़ह क्‍याहङस्‍यीङला मास्‍यीकागी, नाम्‍स्‍यीला ओङ छ्य़ेएँगी स्‍युक छ्यिम्‍बु दाङ वाङज्‍या छ्यिम्‍बु थो़क्‍योया़ला फाम च्‍य़ू नाङदी ओ़ह थाम्‍ज्‍यी थो़ला क्‍याहल नाङसीन। ओहले मिहरोगी खुङया़ला मिह थाम्‍ज्‍यीगी थोङदाङला आब्रु तेन नाङसीन।

१ यूहन्‍ना 3:8

तिहक्‍पा पेहतीराङ तेहकें मिहती ती़ह गो-छ्येवागी मिह यिहम्‍बा। ती़ह गो-छ्येवागी छ़ूगे यिहन्‍ज्‍युराङ तिहक्‍पा पेहतीराङ ओहङदी येह। ओ़ह सोङबे ती़ह गो-छ्येवागी ल़ेहला तोङ च्‍य़ू नाङज्‍येला किन्‍ज्‍योगी स़ेबु फेप नाङसीन।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।