लूका 10:42 - ह्योल्‍मो

⁴² यिहॱनाङ कोहकें ल़ेहनी च्‍यी़राङ येहबा, ओ़हदीनी मरियमगी दाम्‍दी येह, ओ़हदी मोहलेगी सुगीॱआङ फ्रो़दी ख्‍येर्च्‍ये म़ेह!” म़ेदी येशूगी सुङ नाङसीन।

लूका 10:42 ပူးပေါင်းရင်းမြစ်များ

मर्कूस 8:36

मिहगी थाम्‍ज्‍यी जाम्‍बुलीङॱराङ राहङगी लाहक्‍पाला लेहन्‍दी राहङगी सो़-दी तोर्च्‍युसीमाना खोला च्‍यि खेप्‍साङ काहल्‍बा ले?

लूका 10:39

मोहती मरियम माएँ नुहमु च्‍यी़ येहकें। मरियमती येशूगी स्‍याहप पोहला तेहती मिहरोगी सुङदेन ङ्यिहन्‍दी तेहसीन।

लूका 11:1

ङ्यिहमा च्‍यी़ येशू ग्‍या़ च्‍यी़ला सोल्‍वाङ ताप्‍ते ज़्‍य़ू नाङसीन। सोल्‍वाङ ताप छार फान्‍ज्‍यो स्‍याहप्‍च्‍यी च्‍यी़गी येशूला, “चो़वो ला़ह, यूहन्‍नागी राहङगी स्‍याहप्‍च्‍यीया़ला सोल्‍वाङ ताप्‍च्‍येला लोप्‍क्‍यो ल़ेहमुराङ ङ्यिहॱलाङ लोप नाङदोङ नाह ला़ह” म़ेदी स्‍युहसीन।

लूका 12:20

ओ़हजेलाराङ किन्‍ज्‍योगी खोला सुङ नाङसीन, “ए उल्‍दुम्‍बा मिह, तिहरीङ कुहङमुराङ ख्‍ये स्‍यिज्‍ये येह, ख्‍येगी सी़दे ज़्‍या़क्‍योगी क्‍युहया़ सुगी साहएँ?”

लूका 12:33

ख्‍यागी क्‍युहया़ चोङदी टाङगा प्राङबुया़ला के़हदी तेर! राहङगी तेहन्‍दाला निङबा मेहन्‍डोएँगी काहल्‍दाया़ जे़दोङ। स्‍यिहङगामला नाहमॱआङ मेहतोङगेन्‍गी क्‍युह स्‍यिहङगामला सी़दोङ। ओ़हला कुमेनॱआङ मेहस्‍योर्केन ओहले बुगीॱआङ मेहसाहएँ।

लूका 16:2

ओहले छ्युक्‍पु मिहगी ओ़ह गोबाला क़े क्‍याहप्‍ती टी़हसीन, ‘ङाहगी ख्‍येगी तेहन्‍दाला च्‍यि थे़गेनराङ येहबा? ख्‍येगी थाम्‍ज्‍यीराङ चिदुङ ङाहला चि क्‍याहप स्‍यो! ता़ह यिहन्‍ज्‍यो ख्‍ये गोबा ओहङ मी़हखुएँ।’

लूका 16:25

ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

लूका 8:18

ओ़ह सोङबे ख्‍या सेम माहयाहङबा पेहती ङ्यिहन्‍ग्‍योगी तामला या़हबु पेहती साम्‍लु ताङदोङ। च्‍यिबे मासीमाना सु ङ्याम्‍बु येहबा, ओ़हदीला माहङबुराङ तेर्च्‍ये येह, ओहले सु ङ्याम्‍बु म़ेहबा, खो ङ्याम्‍बु सिपाज्‍यी येहबा म़ेदी साम्‍लु ताङग्‍योदीॱआङ खोलेगी फ्रो़दी ख्‍येर्च्‍ये येह” म़ेदी येशूगी सुङ नाङसीन।

यूहन्‍ना 11:1

बेथानिया युहलला लाजरस मिहन थो़क्‍योगी मिह च्‍यी़ नेहपा काहल्‍दी येहकें। ओ़ह युहलला खोगी आज्‍यी मरियम दाङ मार्थाॱआङ तेहको येहकें।

यूहन्‍ना 11:19

यहूदी मिहया़ माहङबुराङ, मरियम दाङ मार्था साला नो़ह स्‍यिक्‍योगी तुहक्‍पुला सेम सो ओहङदी येहकें।

यूहन्‍ना 12:3

ओहजेला मरियमगी जटामसी तोहङबोले ज़ोक्‍योकी टिहमा स्‍यिहम्‍बु खाएँगी नुम फुलु फ़ेचे ख्‍योङदी येशूगी स्‍याहपला की़दी राहङगी टागी फी़ तेर्सीन। ओहले ओ़ह टिहमा स्‍यिहम्‍बुगी खाङबाराङ काहङसीन।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

१ कोरिन्‍थी 13:3

का़हलेॱआङ ङाहगी राहङगी रेबेॱराङ क्‍युहया़ क्‍य़ेहदी तेर्सीन, ओहले ङाहगी ज़ुबु सा़ज्‍येला तेर्सीन, यिहॱनाङ ङाह ङ्याम्‍बु चेवा मे़हसीमाना ङाहला च्‍यिॱआङ ख्‍येप्‍साङ मेहयोहङगे।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।