लूका 10:28 - ह्योल्‍मो

²⁸ ओहले येशूगी, “यिहम्‍बा, ख्‍येगी ठाबेराङ मासीन। ओ़हठीॱराङ पेहतोङ ओहले ख्‍ये थार्च्‍ये येह” म़ेदी ल़ेहन क्‍याहप्‍नाङसीन।

लूका 10:28 ပူးပေါင်းရင်းမြစ်များ

मत्ती 19:17

येशूगी खोला सुङ नाङसीन, “ल़ेह या़हबुगी तेहन्‍दाला ख्‍ये ङाहला च्‍यिबे टी़हगे? या़हस्‍योनी च्‍यी़राङ ज़्‍य़ू नाङदी येहबा। ख्‍येला नाहमॱआङ मिहस्‍यीएँगी मिहली ज़ाङबु ज्‍योर्च्‍ये सेम्‍बा येहसीमाना किन्‍ज्‍योगी काया़ला ची़नाङ डुप्‍तोङ।”

मर्कूस 12:34

खोगी ज्‍यिबुराङ जेम्‍दे दि ल़ेहमु या़हबु ल़ेहन क्‍याहप्‍क्‍यो ज़ी़दी येशूगी सुङ नाङसीन, “ख्‍ये किन्‍ज्‍योगी क्‍याहल्‍सीलेगी था़-रिहङबु म़ेह।” ओ़ह तिङले सुज्‍यीगीॱआङ येशूला ताम टी़हज्‍येला आ़र पेह मा़हखु।

लूका 7:43

ओहजेला सिमोनगी, “पेहलेन माहङबु च्‍याल कोहएँदीगी ला़ह” म़ेदी स्‍युहसीन। “यिहम्‍बा, ख्‍येगी ठाबेराङ मासीन” म़ेदी येशूगी सुङ नाङसीन।

रोमी 10:4

च्‍यिबेमाना यिह छ्य़ेगेया़ टाहङबु सी़ह ख़ूज्‍यु म़ेदीराङ मास्‍यीकागी छ्य़े-ठिम छाङबु जे नाङसीन।

रोमी 3:19

छ्य़े-ठिमकी स्‍याहल छ्य़े-ठिमकी ओङ चो़ला येहकेन मिहया़ला माक्‍यो यिहम्‍बा म़ेदी ओहराङला क्‍यी़ह येह। ओ़ह सोङबे मिह थाम्‍ज्‍यीगी खाला खाज्‍यु क्‍याहप्‍च्‍ये येह ओहले लुहङबा किनगी मिहया़गी राहङगी पेहक्‍यो ल़ेहगी तेहन्‍दाला किन्‍ज्‍योला चिदुङ तेर कोहच्‍ये येह।

रोमी 7:10

नाहमॱआङ स्‍यिज्‍ये म़ेहबागी मिहली ज़ाङबुला क्‍याल कोहएँ कागीनी ङाहला स्‍यिवाला गा क्‍याल्‍सीन!

गलाती 3:12

तेहपा छ्य़े-ठिम म़ेदी ज्‍यिबुराङ ख्‍येपार येहबा। यिहॱनाङ छ्य़ेला दि ल़ेहमु प्री़हदे येहबा, “छ्य़े-ठिम थाम्‍ज्‍यी ची़गे मिह ओ़ह लाहमलेॱराङ थार्च्‍ये येह।”