लूका 10:15 - ह्योल्‍मो

¹⁵ ए कफर्नहुम क्‍याहसाकी मिहया़, च्‍यि ख्‍या स्‍यिहङगामला लेप ख़ूएँ म़ेदी सेमला ने़उ दुबा? तोहरोङ ख्‍याया़नी ङ्याल्‍वाला गा छ्यिच्‍ये येह!”

लूका 10:15 ပူးပေါင်းရင်းမြစ်များ

मत्ती 10:28

मिहया़गीनी ख्‍याया़गी ज़ुबु च्‍यी़ला से खू़गे, ख्‍याया़गी यिहलानी खुङगी च्‍यिॱआङ ने क्‍याल मी़हखुएँ! ओ़ह सोङबे यिहला से मी़हखुएँया़ ङ्याम्‍बु मा़हन्‍ज्‍यी, ख्‍याया़गी यिह दाङ ज़ुबु ङ्यिकालाराङ ङ्याल्‍वाला छ्यि च्‍य़ू थुप्‍कें किन्‍ज्‍यो ङ्याम्‍बु च्‍यी़राङ ज्‍यी़दोङ।

मत्ती 11:23

“ए कफर्नहुमकी मिहया़, च्‍यि ख्‍याया़ स्‍यिहङगामला लेप ख़ूएँ म़ेदी सेमला ने़उ दु? ख्‍याया़नी ङ्याल्‍वालाराङ छ्यिच्‍ये येह च्‍यिबेमाना सदोम क्‍याहसाॱलाङ ख्‍याया़ला ल़ेहमुराङ याहम्‍जेम्‍बागी ल़ेहया़ तेन्‍ग्‍यो यिहनानी सदोम क्‍याहसा ताहन्‍दा थुॱआङ लिहच्‍ये येहकें।

मत्ती 4:13

यिहॱनाङ येशू नासरत क्‍याहसाला क्‍युर ज़्‍या़दी कफर्नहुम क्‍याहसाला ज़्‍य़ूज्‍येला फेप नाङसीन। कफर्नहुम क्‍याहसादी जबूलून दाङ नप्‍ताली साने़की छो-क्‍याहम्‍जोकी सुहरला येहकें।

लूका 13:28

ओहजेला ख्‍यागी अब्राहाम, इसहाक, याकूब दाङ थाम्‍ज्‍यीराङ लुहङतेम्‍बाया़ला किन्‍ज्‍योगी क्‍याहल्‍सीला थोङगेमु ओहले राहङलादी फिला क्‍युरक्‍यो थोङगेमु ख्‍याया़ सो मुहर्ती ङुहप्रा तिहङरा पेहती तेहच्‍ये येह।

लूका 16:23

ओहले ङ्याल्‍वाला खोगी ज्‍यिबुराङ तुहक्‍पु खुर्ती तेहक्‍यो ती़हजीला खोगी याहर तासीन ओहले अब्राहामगी पोहला लाजरसलाॱआङ थोङसीन।

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।