लूका 10:14 - ह्योल्‍मो

¹⁴ किन्‍ज्‍योगी ठिम ताङ नाङगे ङ्यिहमाला टुरोस दाङ सीदोन क्‍याहसाकी मिहया़ला म़ेदीॱआङ ख्‍याया़ला ङ्य़ेहबा छ्यिम्‍बु काल नाङज्‍ये येह।

लूका 10:14 ပူးပေါင်းရင်းမြစ်များ

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

मत्ती 11:21

“ए खोराजीन दाङ बेथसेदागी मिहया़, ख्‍याया़ काहजे छा़ तुहवा! ख्‍याया़गी पाहरक्‍यीला पेहक्‍योगी याहम्‍जेन छ्येवागी ल़ेहया़ टुरोस दाङ सीदोन लुहङबाला पेहपा यिहनानी खुङया़गी तोहङलेराङ फाजीगी काप्‍च्‍या केहन्‍दी थाला की़दी सेमगी स्‍या़बा पेहती तिहक्‍पा पाङज्‍ये येहकें।

यूहन्‍ना 3:19

किन्‍ज्‍योगी आप्‍ता च्‍ये नाङग्‍योदी दिराङ यिहम्‍बा: क्‍या-साङे जाम्‍बुलीङला फेप सिहन्‍दी येह, ओहले मिहया़गी क्‍या-साङेला म़ेदीॱआङ माहङबु ना़-जुबेला चा़ पेहसीन, च्‍यिबेमाना खुङया़दी ल़ेह ङ्येहम्‍बा येहकें।

रोमी 2:1

ओ़ह सोङबे लेहमेनला फातुर च़ूगे ए रो़ह, ख्‍ये सु यिहॱनाङ, ख्‍येला तेलेन तेन्‍गे ग्‍या़ॱराङ म़ेह, च्‍यिबेमाना ख्‍येगी लेहमेनला च्‍यि तामला फातुर च़ूगे, ओ़ह तामलाॱराङ ख्‍येॱलाङ ङ्य़ेहबा फो़ज्‍ये येह, च्‍यिबेमाना ख्‍ये फातुर च़ूगेन्‍दीगीॱआङ ओ़ह ल़ेहराङ पेहकें।

रोमी 2:27

स्‍या-ताक माहबेबाया़गी ख्‍या स्‍या-ताक पेहक्‍यो यहूदीया़ला क्‍येन केन्‍ज्‍ये येह च्‍यिबेमाना ख्‍या ङ्याम्‍बु प्रुहक्‍योकी छ्य़े-ठिम येहकें यिहॱनाङ ख्‍यागी ओ़ह मा़हची ओहले लेहमेन क्‍यिहपाकी मिहया़गी स्‍या-ताक माहबेबा येहकें यिहॱनाङ खुङगी छ्य़े-ठिम ची़सीन।