लूका 1:6 - ह्योल्‍मो

⁶ खुङ ङ्यिकागीराङ किन्‍ज्‍योगी ज़ी़दाङला डोलु-तेहलुया़ टाहङबु पेहको येहकें। खुङगी चो़वो छ्येवा किन्‍ज्‍योगी थाम्‍ज्‍यीराङ का दाङ ठिमया़ या़हबु पेहती ची़उ येहकें।

लूका 1:6 ပူးပေါင်းရင်းမြစ်များ

लूका 1:7

ओहले एलीशिबा आब्‍दाली येहकें सोङगोराङ खुङदी पुह-पोहमो म़ेहबा येहकें। खुङ ङ्यिकाराङ क़ेहङगेन काहल सिहन्‍दी येहकें।

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

लूका 2:25

ओ़ह ती़हजीला यरूशलेम क्‍याहसाला शिमियोन माएँ मिह च्‍यी़ तेहको येहकें। खो टाहङबु पेहकेन दाङ छ्य़ेसेम पेहकेन मिह यिहन्‍गे। ओहले खो किन्‍ज्‍योगी इस्राएल क्‍यिहपाया़ला थार च्‍य़ू नाङगेन्‍गी मास्‍यीकाकी लाहम त़ेदी तेहको येहकें। ओहले नाम्‍पार-ताहक्‍पा थु खो ङ्याम्‍बुराङ ज़्‍य़ूदी येहकें।

ल़ेह-पेन 2:25

क्‍याहल्‍बु दाऊदगीॱआङ येशूगी तेहन्‍दाला दि ल़ेहमु म़ेदी सुङ नाङदी येहकें– ङाहगी चो़वोला नाहम-माना ङाहगी दिनला थोङसीन, चो़वो ङाहगी योबा ङो़ले ज़्‍य़ू नाङदी येह, ओ़ह सोङबे ङाह मी़हज्‍यी़।

ल़ेह-पेन 23:1

पावलगी छो़बागी छ्यो़ ज़्‍यिलाराङ त़ेदी मासीन, “आदा-नो़हया़, तिहरीङगी ङ्यिहमा थु किन्‍ज्‍योगी ज़ी़लुला ङाहगी नावा चाङमा पेहती मिहजी ताङदे येह”

ल़ेह-पेन 24:16

ओ़ह सोङबे मिह दाङ किन्‍ज्‍योकी दिनला ङाह राहङगी नावाला नाहम माॱनाङ चाङमा ज़्‍या़ज्‍ये छोल्‍गे।

ल़ेह-पेन 8:21

ख्‍येगी दि छ्या़ले पेह मिहङ्युहङ, दि छ्या़लेला येहना ख्‍येगी बो येहबा, येहना ओङ येहबा, च्‍यिबेमाना किन्‍ज्‍योगी दिनला ख्‍येती सेम या़हबु मिहन्‍दु।

रोमी 8:4

ज़ुबु लाहमले पेहकेन तिहक्‍पाकी पेहताङया़ खुर्ती मिहम्‍बा यिहॱनाङ नाम्‍पार-ताहक्‍पा थु लाहमले मिहजी ताङगेया़गी तेहन्‍दाला छ्य़े-ठिमगी जे नाङज्‍ये जेक्‍योकी छ्या़ले ता़ह तेहन्‍दा डुप्‍ती येह।

१ कोरिन्‍थी 11:2

ख्‍यागी ङाहला टेहम्‍बा साल्‍ग्‍यो सोङबे ओहले ङाहगी तेरक्‍यो लोप्‍च्‍युङया़ ची़क्‍यो सोङबे ङाह ख्‍याला या़हबु माएँ।

२ कोरिन्‍थी 1:12

ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।

कलस्‍सी 1:22

यिहॱनाङ ता़ह राहङगी दिनला ख्‍याया़ला नाम्‍पार-ताहक्‍पा, ङ्य़ेहबा-छ्यू़बा म़ेहबा दाङ च्‍यिॱआङ फातुर माहफो़बा पेहती तेन्‍ज्‍येला मास्‍यीकाकी कुसोगी स्‍यिवा लाहमले किन्‍ज्‍योगी राहङ ङ्याम्‍बु ख्‍याया़ला थिन च्‍य़ू नाङसीन।

१ थेसलोनिकी 3:13

दिगी पेहती मिहरोकी थाम्‍ज्‍यी नाम्‍पार-ताहक्‍पा मिहया़ ङ्याम्‍बु ओहराङगी चो़वो येशू मास्‍यीका फेप नाङगेमु चो़वो येशूगी ओहराङगी किन्‍ज्‍यो याहपकी दिनला ख्‍या फ़ेबे-म़ेहमेया़गी सेम नाम्‍पार-ताहक्‍पा दाङ च्‍यिॱआङ क्‍येन म़ेहबा पेहती थिक-चि पेहती ज़्‍या़ नाङज्‍यु। आमेन।

२ पत्रुस 3:14

ओ़ह सोङबे ए च्‍याहम्‍बु रो़हया़, ख्‍या दि तामया़ला कू़हदी तेहकेन्‍गी मिहया़ यिहन्‍गे सोङबे, किन्‍ज्‍योगी ज़ी़लुला राहङ चाङमा पेहती, च्‍यिॱआङ क्‍येन म़ेहबा पेहती ओहले स्‍य़िहदे पेहती तेहच्‍येला ला़ खाजे स्‍युक पेहतोङ।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा