लूका 1:31 - ह्योल्‍मो

³¹ ता़ह ङ्यिहन्‍दोङ, ख्‍ये ज़ुबु ङ्यिहपा डोज्‍ये येह, ओहले ख्‍येगी स़ेबु च्‍यी़ ठुङज्‍ये येह, ख्‍येगी ओ़ह स़ेबुगी छेन येशू ज़्‍या़दोङ।

लूका 1:31 ပူးပေါင်းရင်းမြစ်များ

मत्ती 1:21

मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

मत्ती 1:25

यिहॱनाङ मरियमगी स़ेबु माहठुङ थु खुङ ङ्यी़गी ली़ह-प्रेहल माहबे। मरियमगी स़ेबु ठुङ फान्‍ज्‍यो योसेफगी ओ़ह स़ेबुगी छेन येशू म़ेदी ज़्‍या़सीन।

लूका 1:13

ओहले स्‍यिहङगामकी स्‍याहप्‍च्‍यीगी सुङ नाङसीन, “ए जकरिया, ख्‍ये मा़हन्‍ज्‍यी, च्‍यिबेमाना ख्‍येगी ताप्‍क्‍यो सोल्‍वाङ किन्‍ज्‍योगी सेन नाङदी येह। ता़ह ख्‍येगी पी़हमी एलीशिबागी ख्‍येगी तेहन्‍दाला पुह च्‍यी़ क्‍येज्‍ये येह, ओहले ख्‍येगी खोगी मिहन यूहन्‍ना ज़्‍या़दोङ।

लूका 1:27

ओहले खो पोहमो स्‍यार्मा याहङबा च्‍यी़साला काहल्‍सीन, मोहदी दाऊद क्‍यिहगी योसेफ माएँ मिह च्‍यी़ ङ्याम्‍बु लाङज्‍याङ काहल्‍दी येहकें। ओ़ह पोहमो स्‍यार्मा याहङबागी मिहनदी मरियम यिहन्‍गे।

लूका 2:21

ओहले मोशागी छ्य़े-ठिमला ल़ेहमुराङ ओ़ह स़ेबु ठुङदी ङ्यिहमा क्‍ये़ह डोएँ ङ्यिहमु स्‍या-ताक पेहसीन, ओहले ओ़ह स़ेबुला येशू माएँ छेन ता़सीन। ओहले ओ़ह छेनदी मरियम ज़ुबु ङ्यिहपा डोएँ म़ेदी तोहङलेराङ स्‍यिहङगामकी स्‍याहप्‍च्‍यीगी नाङग्‍यो येहकें।

लूका 20:44

“दाऊद राहङगीराङ मास्‍यीकाला चो़वो छ्येवा म़े फान्‍ज्‍यो काहन्‍डुमु पेहती मास्‍यीकाला दाऊदगी छार्क्‍यीन यिहन म़ेदी मा ख़ूएँ?”

गलाती 4:4

यिहॱनाङ ता़ह किन्‍ज्‍योकी ती़हजी लेप फान्‍ज्‍यो किन्‍ज्‍योगी राहङकी स़ेबुला ताङ नाङसीन। मिहरो पी़हमी-पेहजा लाहमले ठुङ नाङसीन ओहले छ्य़े-ठिम लाहमलेॱराङ ठुङ नाङसीन।