यूहन्‍ना 9:5 - ह्योल्‍मो

⁵ ङाह जाम्‍बुलीङला तेहकें थु ङाहराङ जाम्‍बुलीङगी क्‍या-साङे यिहन।”

यूहन्‍ना 9:5 ပူးပေါင်းရင်းမြစ်များ

मत्ती 4:16

ना़-जुबेला तेहकेन मिहया़गी क्‍या-साङे छ्यिम्‍बुज्‍यी थोङज्‍ये येह। स्‍यिवा दाङ ना़-जुबेला छ्यिक्‍योया़, ख्‍याया़ थो़ला क्‍या-साङे येहसेर छ्यिम्‍बुज्‍यी क्‍याहप्‍च्‍ये येह।”

मत्ती 5:14

“ख्‍याया़ जाम्‍बुलीङगी येहसेर यिहम्‍बा। काहङदोला ज़ोक्‍योगी क्‍याहसा यिहप मी़हखुएँ।

लूका 2:32

मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

ल़ेह-पेन 13:47

चो़वो छ्येवागीराङ ङ्यिहला दि ल़ेहमु पेहतोङ सुङदी का नाङदी येह– ‘जाम्‍बुलीङगी फार्केन सुहर थु मिहया़गी थार्पा ज्‍योर्च्‍यु म़ेदी ङाहगी ख्‍याया़ला लेहमेन क्‍यिहपागी मिहया़गी पाहरक्‍यीला क्‍या-साङे डो च्‍य़ूज्‍येला ताङग्‍यो यिहन’।”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

ल़ेह-पेन 26:23

थार्पा नाङगेन क्‍याहल्‍बु मास्‍यीकागी तुहक्‍पु खुर्ती टोहङ कोहच्‍ये येह, ओहले चो़वो टोहङग्‍योलेगी सोम्‍बो ज़्‍याङ नाङगेया़ नाहङले थाम्‍ज्‍यी म़ेदी तोहङस्‍यो ओहङज्‍ये येह ओहले चो़वोगी राहङगी क्‍या-साङेगी तेहन्‍दाला यहूदीया़ दाङ लेहमेन क्‍यिहपागी मिहया़ॱलाङ स्‍ये नाङज्‍ये येह, दि तामया़नी लुहङतेम्‍बाया़गीॱआङ सुङनाङ सिहन्‍दी येहकें।”

एफिसी 5:14

ओ़ह सोङबे छ्य़ेला दि ल़ेहमु सुङ नाङदी येह, “ए ङ्यि लो़हदी तेहक्‍योया़ ङ्यि स़ेतोङ ओहले स्‍यिक्‍योया़लेगी लोहङ, ओहले मास्‍यीकागी ख्‍याया़ला येहसेर नाङज्‍ये येह।”

ज्‍याल्‍गा 21:23

ओ़ह क्‍याहसाला क्‍या-साङे ज़ोज्‍येला ङ्यिहमा दाङ दायुम मेहकोहएँ च्‍यिबेमाना किन्‍ज्‍योकी ज़िज्‍यिदॱराङ ओ़ह क्‍याहसाती क्‍या-साङे यिहम्‍बा। ओहले ओ़ह क्‍याहसाती लो़दी ल़ूह स्‍ये़बु राहङराङ यिहम्‍बा।