यूहन्‍ना 9:35 - ह्योल्‍मो

³⁵ यहूदीया़गी ओ़ह मिहला तेन चाहङसीन माएँ ताम येशूगी सेन नाङसीन ओहले येशूगी खोला थू़दी सुङ नाङसीन, “च्‍यि ख्‍ये किन्‍ज्‍योगी स़ेबुला यिह छ्य़ेगे?”

यूहन्‍ना 9:35 ပူးပေါင်းရင်းမြစ်များ

मत्ती 14:33

ओहजेला टुह-छ्युङला येहकेन्‍गी स्‍याहप्‍च्‍यी थाम्‍ज्‍यीगी येशूगी स्‍याहपला खेप्‍चु क्‍याहप्‍ती मासीन, तेहम्‍बाराङ राहङनी किन्‍ज्‍योगी स़ेबु गा यिहम्‍बा दुबा!”

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 4:3

ओहजेला ती़ह गो-छ्येवा येशूसाला ओहङदी, “तेहम्‍बाराङ राहङ किन्‍ज्‍योगी स़ेबु यिहन्‍सीमानानी दि तोहया़ला खुरा डोज्‍यु म़ेदी सुङ नाङदोङ ले!” म़ेदी मासीन।

मर्कूस 1:1

किन्‍ज्‍योगी स़ेबु येशू मास्‍यीकागी तेहन्‍दाला या़हबु लेहङगुगी केच्‍या दि ल़ेहमु पेहती छ़ूसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 1:34

ङाहगी थोङदी येह, ओहले पाङबु तेर्ती येह, किन्‍ज्‍योगी स़ेबु मिह-रो़हराङ यिहन।”

यूहन्‍ना 10:36

याहपगी नाम्‍पार-ताहक्‍पा ज़ो नाङदी जाम्‍बुलीङला ताङ नाङग्‍यो मिहगी ‘ङाह किन्‍ज्‍योगी स़ेबु यिहम्‍बा’ म़ेदी माएँमु काह-ठि पेहती किन्‍ज्‍योला स्‍ये़हन्‍डील पेहक्‍यो काहल्‍बा ले?

यूहन्‍ना 11:27

ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 5:14

याहम्‍बी तिङले येशूगी खोला छ्योखाङला थू़दी सुङ नाङसीन, “त़ेदोङ, ता़ह ख्‍ये टा़ह सिहन्‍दी येह। येहपाराङ तिहक्‍पा माहबे, मिहन्‍सीमाना ख्‍येला तोहङले म़ेदीॱआङ चोक्‍पा ओहङज्‍ये येह।”

यूहन्‍ना 6:69

ओहले ङ्यिहगी यिह छ्य़ेदी येह ओहले ङोह स्‍य़ेदी येह, राहङ किन्‍ज्‍योगी नाम्‍पार-ताहक्‍पा मिह यिहन।”

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

रोमी 1:4

ओहराङ चो़वो येशू मास्‍यीका किन्‍ज्‍योकी स़ेबु यिहन म़ेदी नाम्‍पार-ताहक्‍पा थुगी ओङ लाहमले सोम्‍बो ज़्‍याङदी तेन नाङसीन।

रोमी 10:20

किन्‍ज्‍योगी सुङ नाङग्‍यो स्‍याहल लुहङतेम्‍बा यशैयागी तोहरोङ खाम छ्यिम्‍बु जेती सुङ नाङगे, “ङाहला मेहछोल्‍गेनया़गी ङाहला च्‍य़ेह सिहन्‍दी येह, ओहले का़हन्‍दीगी ङाहला छोलॱराङ माहछोल खुङया़गी पाहरक्‍यीला ङाहगी राहङला तेन्‍दी येह।”

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

१ यूहन्‍ना 5:13

ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

१ यूहन्‍ना 5:5

सुगी जाम्‍बुलीङला काहल ख़ूएँ? येशूला किन्‍ज्‍योगी स़ेबु यिहन म़ेदी यिह छ्य़ेएँ मिहगीराङ जाम्‍बुलीङला क्‍याहल ख़ूएँ।

३ यूहन्‍ना 1:10

ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।