यूहन्‍ना 9:22 - ह्योल्‍मो

²² यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

यूहन्‍ना 9:22 ပူးပေါင်းရင်းမြစ်များ

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

यूहन्‍ना 1:19

यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्‍ना सु यिहम्‍बा नि?” म़ेदी टी़हज्‍येला खोसाला ताङसीन।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 19:38

अरिमाथिया क्‍याहसाला योसेफ मिहन थो़क्‍यो मिह च्‍यी़ येहकें। खो यहूदी गोबाया़गी ज्‍यी़सुगी पेहती सुगीॱआङ माहछोर्पा पेहती येशूगी स्‍याहप्‍च्‍यी काहल्‍दी येहकें। ओहले खो पिलातससाला काहल्‍दी, “येशूगी कुबुर ङाहला ख्‍येर च्‍य़ू नाङदोङ” म़ेदी ओहर-छ्य़े स्‍युहसीन। ओहले पिलातसगीॱआङ “ओहङगे ख्‍येर्ती सोङ,” म़ेदी मासीन। ओहले योसेफ काहल्‍दी येशूगी कुबुर क्‍याहङस्‍यीङले पाप्‍ते ख्‍येर्सीन।

यूहन्‍ना 20:19

साताकी तोहङस्‍यो ङ्यिहमा जा ङ्यिहमाकी कुहङॱसे, स्‍याहप्‍च्‍यीया़ यहूदी गोबाया़गी ज्‍यी़सुगी पेहती कोह क्‍याहप्‍ती तेहक्‍यो येहकें। ओ़ह ती़हजीलाराङ येशू याहङमे-याहङ फेप्‍ती खुङया़गी पाहरक्‍यीला ज़्‍याङदी ज़्‍य़ू नाङसीन ओहले येशूगी खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 7:13

यिहॱनाङ यहूदी गोबाया़की ज्‍यी़सुगी पेहती सुज्‍यीगीॱआङ येशूगी तेहन्‍दाला ख्‍याक-क्‍या़दी ताम मा मी़हखु येहकें।

यूहन्‍ना 9:18

यहूदीया़गी खो तेहम्‍बाराङ मी़ मेहथोङ येहकें ओहले ताहन्‍दा थोङ ख़ूएँ काहल्‍सीन दु माएँ ताम यिह मा़हछ्ये। ओ़ह सोङबे खुङया़गी खोगी आबा-आमाला क़े क्‍याहप्‍ती टी़हसीन,

यूहन्‍ना 9:21

यिहॱनाङ ताहन्‍दा खो काह-ठि पेहती मी़ थोङगेन काहल्‍बा ओहले खोती मी़ सुगी खा फे़ तेर्पा ओ़हनी ङ्यिहला क्‍यी़ह म़ेह। ख्‍या फे़बेया़गीराङ खोला टी़ह नाङदोङ, ता़ह खो पेहजा फेमानी मिहन, खो राहङगीॱआङ स्‍ये ख़ूएँ।”

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

यूहन्‍ना 9:35

यहूदीया़गी ओ़ह मिहला तेन चाहङसीन माएँ ताम येशूगी सेन नाङसीन ओहले येशूगी खोला थू़दी सुङ नाङसीन, “च्‍यि ख्‍ये किन्‍ज्‍योगी स़ेबुला यिह छ्य़ेगे?”

ल़ेह-पेन 4:18

ओहले खुङ ङ्यी़ला नाहङला क़े क्‍याहप्‍ती “ता़ह यिहन्‍ज्‍यु येशूगी छेनला सु ङ्याम्‍बुॱआङ ताम माहमा ओहले माहलोप!” म़ेदी ज्‍यी़-ङोर तेन्‍दी मासीन।

ल़ेह-पेन 5:13

लेहमेन मिहया़गी खुङया़ ङ्याम्‍बु टी़हज्‍येला आप-छ्ये मा़हखु। यिहॱनाङ मिहया़गी खुङया़ला ज्‍यिबुराङ चा़ पेहको येहकें।

ल़ेह-पेन 5:40

ओहले छो़क्‍यो गोबाया़गी गमलिएलगी ताम ङ्यिहन्‍सीन। यिहॱनाङ, गोबाया़गी ल़ेह-पेनया़ला नाहङला क़े क्‍याहप्‍ती तुहङ च्‍य़ूसीन। ओहले, “येहपाराङ येशूगी मिहनला नाहमॱआङ लोप्‍च्‍युङ माहतेर” म़ेदी ताङ चाहङसीन।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”