यूहन्‍ना 9:21 - ह्योल्‍मो

²¹ यिहॱनाङ ताहन्‍दा खो काह-ठि पेहती मी़ थोङगेन काहल्‍बा ओहले खोती मी़ सुगी खा फे़ तेर्पा ओ़हनी ङ्यिहला क्‍यी़ह म़ेह। ख्‍या फे़बेया़गीराङ खोला टी़ह नाङदोङ, ता़ह खो पेहजा फेमानी मिहन, खो राहङगीॱआङ स्‍ये ख़ूएँ।”

यूहन्‍ना 9:21 ပူးပေါင်းရင်းမြစ်များ

लूका 8:43

ओ़ह मिह मिह-माहङ नाहङला पी़हमी-पेहजा च्‍यी़ ज़ुबु ली़ह माहङबु ओहङगेन्‍गी नाहजा क्‍याहप्‍ती लोह च्‍यिङ्यी़ काहल्‍ग्‍यो येहकें। ओहले च्‍यि मेन पेहतीॱआङ सुगीॱआङ मोहला टा़ह च्‍य़ू मा़हखुबा येहकें।

यूहन्‍ना 5:5

ओहले ओ़ह छो सुहरला ने़हदी लोह सो-क्‍ये़ह काहल्‍ग्‍योगी नेहपा च्‍यी़ येहकें।

यूहन्‍ना 9:10

ओहले खुङया़गी खोला टी़हसीन, “ख्‍ये काह-ठि पेहती मी़ थोङ ख़ूएँ काहल्‍बा ले?”

यूहन्‍ना 9:20

ओहले खोगी आबा-आमागी मासीन, “यिहम्‍बा, खो ङ्यिहगी पुहराङ यिहम्‍बा, ओहले खो क्‍येएँ यिहन्‍ज्‍युराङ मी़ मेहथोङ येहकें।

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

यूहन्‍ना 9:23

ओ़ह सोङबे खोगी आबा-आमागी, “खो पेहजानी मिहन, खोलाराङ टी़ह नाङदोङ” म़ेदी माक्‍यो येहकें।

ल़ेह-पेन 9:33

खोगी ओ़हला एनियास माएँ मिह च्‍यी़ला थ़ूसीन। एनियास ज़ुबु कुहलॱराङ मी़हखुएँ नाहजागी पेहती ङ्याहल्‍साला छ्यित्ते लो़ह क्‍ये़ह काहल सिहन्‍दी येहकें।