यूहन्‍ना 9:16 - ह्योल्‍मो

¹⁶ लाहला फरिसीया़गी मासीन, “ओ़ह मिह किन्‍ज्‍यो लाहमले ओहङग्‍यो मिहन, च्‍यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्‍च्‍येम्‍बा मिहगी काह-ठि पेहती दि ल़ेहमु याहम्‍जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्‍यी काहल्‍सीन।

यूहन्‍ना 9:16 ပူးပေါင်းရင်းမြစ်များ

मत्ती 12:10

ओ़हला लाहक्‍पा काम्‍ग्‍यो मेहन्‍दा च्‍यी़ येहकें। ओहले फरिसीया़गी येशूला ङ्य़ेहबा काल्‍ज्‍ये म़ेदी साम्‍लु ताङसीन ओहले खुङगी येशूला, “थाङ सोएँ ङ्यिहमाला नेहपाला टा़ह च्‍य़ूज्‍ये ओहङगे नि मेहयोहङगे?” म़ेदी टी़हसीन।

मत्ती 12:2

दि थोङदी फरिसीया़गी येशूला, “ज़ी़-नाङदोङ, राहङगी स्‍याहप्‍च्‍यीया़गी थाङ सोएँ ङ्यिहमाला छ्य़े-ठिमगी पेहच्‍ये मेहयोहङगे म़ेदी माक्‍योगी ल़ेहॱआङ पेह तेहकु दु” म़ेदी मासीन।

लूका 13:14

ओहले ओ़ह पी़हमी-पेहजाला येशूगी थाङ सोएँ ङ्यिहमाला टा़ह च्‍य़ूक्‍यो थोङदी छो़खाङगी पोम्‍बोला स्‍यिहताङ लाङसीन। ओहले खोगी मिहया़ला मासीन, “ल़ेह पेहच्‍येला ङ्यिहमा ट़ूह येहॱराङ येहबा! थाङ सोएँ ङ्यिहमाला टा़हज्‍येला च्‍यिबे ओहङग्‍यो? च्‍यि दि ङ्यिहमा म़ेदी राहङसा ङ्यिहमा म़ेहबा ले?”

यूहन्‍ना 10:19

दि केच्‍यागी पेहती येहपाराङ यहूदीया़की पाहरक्‍यीला ठुक्‍पा स्‍योर्सीन।

यूहन्‍ना 14:11

ङाह याहप ङ्याम्‍बु येह ओहले याहप ङाह ङ्याम्‍बु ज़्‍य़ू नाङदी येह म़ेदी ङाहला यिह छ्य़ेदोङ। मिहन्‍सीमाना ङाहगी पेहक्‍योकी ल़ेहया़ला त़ेदी ङाहला यिह छ्य़ेदोङ।

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 5:10

ओ़ह सोङबे यहूदी गोबाया़गी ओ़ह टा़हक्‍यो मिहला मासीन, “तिहरीङनी थाङ सोएँगी ङ्यिहमा यिहम्‍बा, ख्‍येगी तेङगो खुर मिहङ्युहङगे।”

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

यूहन्‍ना 6:52

दि केच्‍या थे़दे यहूदीया़ राहङ नाहङदोङराङ ठाक-ठाक ठुक-ठुक काहल्‍सीन। खुङया़गी मासीन, “दि मिहगी ओहराङला काह-ठि पेहती राहङगी ज़ुबु साहज्‍येला तेर ख़ूएँ ले?”

यूहन्‍ना 7:12

मिह मिह-माहङया़गी पाहरक्‍यीला येशूगी तेहन्‍दाला माहङबुराङ लोहङडी काहल्‍सीन। लाहलागी, “खोनी मिह या़हबु यिहम्‍बा” म़ेदी माउ येहकें ओहले लाहलागीनी, “मिहम्‍बा, खोनी मिहया़ला गो़ च्‍यी़राङ कोर च्‍य़ूएँ” म़ेदी माउ येहकें।

यूहन्‍ना 7:23

मोशाकी छ्य़े-ठिम माहगोम्‍ज्‍यु म़ेदी ख्‍यागी सुज्‍यी पेहजा च्‍यी़ला थाङ सोएँ ङ्यिहमाला स्‍या-ताक पेह तेर्के माना, ङाहगी मेहन्‍दा च्‍यी़ला थाङ सोएँ ङ्यिहमाला खोदी नाहजा थाम्‍ज्‍यीराङ टा़ह च्‍य़ूसीन म़ेदी च्‍यिबे ख्‍या ङाह ङ्याम्‍बु स्‍यिहताङ पेहकें?

यूहन्‍ना 7:43

दि ल़ेहमु पेहती येशूगी तेहन्‍दाला मिहया़गी पाहरक्‍यीला ठ़ूस्‍यी काहल्‍सीन।

यूहन्‍ना 9:24

ओहले यहूदीया़गी येहपाराङ ओ़ह मिहला क़े क्‍याहप्‍ती मासीन, “किन्‍ज्‍योला त़ेरा तेच्‍या फुल्‍दोङ। ओ़ह मिह तिहक्‍च्‍येम्‍बाराङ यिहन म़ेदी ङ्यिहला क्‍यी़ह येह।”

ल़ेह-पेन 14:4

यिहॱनाङ ओ़ह क्‍याहसाकी मिहया़ ठ़ूस्‍यी पेहती लाहला यहूदीया़ ङ्याम्‍बु छ्यो़ रुहप्‍सीन लाहला ल़ेह-पेनया़ ङ्याम्‍बु छ्यो़ रुहप्‍सीन